rāmyāpan papanagyan ing jagat i kala ning sawung ika
mogha tan pĕgat;
mwang Wewepikatan ri Candilima lot paraparan ira
tusta lālana.
- Yan tan mangka mareng Palah marék ing jőng hyang
Acalapati bhakti sādara;
pantĕs yan panulus datĕng ri Balitar mwang i Jimur i
Cilāhrit ālĕngőng;
mukya ng Polaman ing Dahekuwu ri lingga mara ba-
ngun ikā lanenusi;
yan ring Janggala lot sabha nrpati ring Surabhaya ma-
nulus mare Buwun.
- Ring Cākāksatisũryya sang prabhu mahas ri Pajang
iniring ing sanāgara;
ring Cākāngganagāryyamā sira mare Lasĕm ahawan i
tira ning pasir;
ri dwārādripanendu panglĕngĕng ireng jaladhi kidul
atũt wanālaris;
ngkāneng Lodaya len Tĕtő ri Sidĕman jinajah ira la-
ngőnya yenitung.
- Ndān ring Caka cacangkanāgarawi Bhādrapadamasa ri
tāmbwang ing wulan;
sang cri rāja sanāgāran mahasahas ri Lamajang angi-
tung sakendriyan;
sakweh cri Yawarājā sapriya muwah tumuti haji sa-
bhrtyawāhana;
mantri tanda sa Wilwatikta nguniweh Wiku haji Kawi-
raja mangdulur.
- ngkan teking maparab Prapanca tumut anglengeng
angiringi jong narecwara;
tan len sang kawi samenaka dinulur
ananmateng mango;
dharmamadhyaksa kasogatan sira tekap narapati sumi-
lih ri sang yayah;
sakweh wiku Boddha mangjuru padangaturaken sang
ulah nireng dangu.}}
