Kaca:Sarwasastra.pdf/68

Kaca iki wis divalidasi

-67-

NĀGARAKRTĀGAMA.

― ― ― ◇◇ ― ― ―

}}

1. Sāmpun rabdha pagĕh ny adĕg nrpati ri Jawadharani

jayeng digantara;

ngkāne Criphalatiktanagara sirān siniwi mulahakén

jagaddhita;

kirnnekang yaca kirtti dharmma ginawe nira n anukani

buddhi ning para;

mantri wipra bhujangga sang sama wineh wibhawa

tumut akirtti ring jagat.

2. Gőng ning wiryya wibhũti kagraha tékap nrpati tuhu-

tuhattama prabhu;

lilā nora kasangcayān ira n anamtami suka sakaharsa

neng manah ;

kanyā sing rahajőng ri Janggala lawan ri Kadiri

pinilih sasambhawa;

āstām tang kahanang sakeng parapurasing aréja wina-

we dalém puri.

3. Salwaning Jawabhumi tulya nagari sasiki ri pangadég

naradhipa;

mewwiwu ng jana deca tulya kuwu ning bala mangide-

ri kantaning puri

salwirning paranusa tulya nika thaniwisaya pinahasu-

kenaris;

lwir udyana tikang wanadri sahananya jinajah ira tan

panangcaya.

4. Barryan masa ri sampun ing cicirakala sira mahasahas

macangjrama;

wwanten thany angaran ri Sima kidul jalagiri manga-

wetan ing pura;