— 37 —
18. Suka sang narendra makurén
dewinira kapwa yatna yan paniwi
tan hana mambék (k) irsya
ri sirang dewi matut katiga.
19. Kadi harsa sang maharsi
sakteng rék sama len yajurweda
mangkana sang Dacaratha
weh harsa nira ta de mahidewi.
32. Nda tatita kala lungha
manak tanakbi sang Dacarathasih
sang Ramanak matuha
i sira mahadewi Kocalya.
33. Sang Kekayi makanak sang
Bharata Kyati cakti dibyaguna
dewi sirang sumtitra
Laksmana Catrughna putranira.
34. Ri wetukaning putra kabeh
pinulung dang hyang lawan dang acaryya
paripurna sira pinuja
bhinojana de maharaja
35. Matuhanak naranatha
winarah-warah angajya wedastra
bhagawan Wasistha mangajar
nipuna wruh ring dhanurweda
36. Sang Rama sira winarahan
ring astra de sang Wasistha tar malawas
kalawan antenira tiga
prajneng widya kabeh wiwikan
37. Sawarawarah maharsi
henti kabeh tan pacesa kapwa tama
karengo ta sira rikang rat
gunamanta sucila towi raray
