— 36 —
9. Jnananira cuddha mawulan
parartha gumawe suka nikang bhuwana,
saksat Indra sira katon
tuhun haneng bhumi bhedanira.
10. Ikanang pratapa dumilah
suka nikanang rat ya teka ginawenya,
kadi bahni ring pahoman
dumilah mangde suka nikang rat.
11. Hana rajyan tulya kendran
kakwehan sang maharddhika sucila
ring Ayodhya subhageng rat
yeka kadatwan nireng nrépati.
12. Hayuning swargga tuwi masor
dening Ayodhya puraticaya
suka nityakala menak
ring rengreng towi ring lahru.
13. Sakwehning miilya kabeh kanaka
rajata len manik hana ngkana,
yangkén huntunya putih
gumyu-guyung swargga sordenya.
14. Hana ta umah kanaka manik
kinulilingan ikang taman ramya,
warakanyaki mameéengamong
surapasari tulya ring Meru.
15. Spatika manik tamalahalah
sateja mungwing umah paninjowan
kadi Gangga saka Himawan
rupanya katon sutejacri.
16. Sukatrepti sang narendra
bhuktikang bhoga tan papada dibya
nirbhaya tan hana katakut
samanta kabeh maso pranata
17. Sang Kekayi Sumitra Kocalya
ghara sang narendra tiga
Durga Gangga Gori padanira
ya surupa dibyaguna
