—35 —
Prathamas sarggah.
Awighnam astu.
1. Hana sira ratu dibya réngon
pracasta ring rat musuh nira pranata.
Jaya pandita ring aji kabeh
sang Dacaratha nama tamoli.
2. Sira ta triwikrama pita
pinakabapa bhatara Wisnu mangjanma,
inaka nikang bhuwana kabeh
ya ta don ira nimitaning janma.
3. Gunamanta sang Dacaratha
wruh sira ring weda bhakti ring dewa,
tar malupeng pitrpiija
masih ta sireng swagotra kabeh.
4. Ragadi musuh mapar6
ri hati ya tonggwanya tan madoh ring awak,
yeka tan hana ri sira
prawira wihikan sireng niti.
5. Kadi megha manghudanakén
padanira yar wehakén nikang dana
dinandha krpana ya wineh
nguni-nguni dang hyang dang acaryya.
6. Mwang satya ta sira mojar
ring anakkebi towi tar mrsawada
nguni-nguni yan ri parajana
priyahita sojar niraticaya
7. Saphala sira raksakeng rat
tuwi siraa mitra hyang ndra bhakti temen,
mahecwara ta sira lana
Ciwakbhakti ginong lana ginawe
8. Ikanang dhanurdhara kabeh
kapwa ya bhakti ri sira pranata matwang
kadi mawwata yaca lana
rupanyan agong ta kirrti nira
