— 104 —
I.
Hénéng sang Dewabrata ri twasnira. Mojar sang Gandhawati: „Tanaya mami sang Dewabrata! Tãlap bapa; sang kanyã tasyasih dahat ikã !”
Sumahur sang Dewabrata: „IJbu, tan ahyun rãnak rahadyan sanghulun, ahyun magéhakna satyawacana, ri denyan mujarakén gumawaya ng tapa kabrahmacaryan.”
Hénéngakna wacana sang Gandhawati ri kalapan ikã sang Amba. Tucapa ta sang Citranggada mwang sang Citrawirya. Sang Ambikã tinarimakén i sang Citrãnggada. Sira inabhiseka ratu ri Hastina. Sang Ambalikã sinungakén 1 sang Citrawirya. Ya ta pada winarang de sang Dewabrata saha widhiwidhana parikramaning pãnigraha.
Télas nirãmarang ing sang antén ira, lunghã ta sang Dewabrata. Lumingsir i buddhi sang Ambã mahyun i sira. Tumut ta sang Ambã ri sang Dewabrata. Kepwan ta manah niran tinutakén de sang Ambãa. Lunghã lampah sang Dewabrata, lépas lakunira dura sangkeng Hãstinapura, mungsi-patapan bhagawãn Rama Paracu para nira. Malawas ta sirengkana.
Ri hana nirang ãcrama, sinwãgatan ta de sang rsi Bhãrgawa: „Anaku sang Dewabrata! Aparan tekang stri milu ri kita, atyanta litu hayu ni rupanya ?”
Mãjar ta sang Dewabrata ri sang guru ri nimitta sang Ambã tumut i sira. Kãrunya tambék bhagawan Rama Bhargawa ruméngo pawarah sang Dewabrata. Kinonira ta malapari sang Ambã sang Dewabrata. Tan angga ta sira, ling nira: „Tan sěnggahěn langganãguru ranak mpungku ri rahadyan sanghulun, tan ahyun ri kalapan ing rajaputri. Kepwan dening pratijna nguni kala nirangucap lawan sang Dacapati, sinémbawan dening dewacabda sangkeng Akaca.”
Kědo juga maharsi Rama Paracu kumon makurěna: sangka ri sowe nira mawacana, ndatan pégat de niracabda, i wékasan samãmijilakěn wuwus tan rahayu, umwab hati
