sang Rama Bhargawa, krodha ta sira wěkasan, pada galak-nira kãlih. I rika ta sira silih pěrěp. Kasoran ta sang rşi Bhãrgawa, kapěrěp dhadhanira.
Ngkãna ta sira kahěněngan. I wěkasan sirãmijilakěn çabda: „Mangke tambayaninghulun tan paçişya ksatriya, apan maweh duhkãmingrwãn pãpani. Laku ta kamung Dewabrata! Milag sangke patapangku mangke.“
Lunghã ta sang Dewabrata. Tinutakěn ta sira de sang Ambã. Adoh ulihniran lumaku. Irika ta sirameṇṭang gandewa nira, winatěknira těka hrū nira tiksņa, ling nira :
„Ai kita ng Ambă! Haywa kita tumũt i nghulun! Laku ta ulih mare Hãstina! Paměgil i wwang sanakku, yan maluya ri mahārāja sang pinakarãmanta kunĕng.“
_Mangkana ling sang Dewabratãmeṇṭang capa nira saha sanjatãngayati sang Ambã, sangka pamědimědi nira, ndatan tuhu-tuhu ning harěp amãtyanãmběknirã. Mangkin masö ta sang Ambã ri sira: „Sojar ta sira, ai sang Dewabrata! Sabhãgya nghulun matya denta. Erang nghulun maluyeng rãma-reṇa, ngũniweh yan maluyeng Hastinapura. Syapa ngkana wěgilĕngku?"“
Saka ri suwe sang Dewabrata mamatěk laras ira, aringětěn ikā tangan ira, murucut ikanang hru sangke jariji nire tĕngen. Larining sanjata lumĕpas, kěna ta jaja sang Ambã ri asta de sang Dewabrata. Pinalaywan ta sang Ambã de sang Dewabratāněhĕr amatěk hru nire jaja sang Ambã. Tinangisan ira ta sang Ambã, kaluputan ta sang Dewabrata sirãn analahãsa. Inamben ira ta jaja sang Ambã ring wědhihan, apan terus ikang jaja kĕneng panah.
Mãjar ta sang Dewabrata saha tangis : „Udu ibu sang Ambã! Mapa rehangku mangke denta ?“
Mojar sang Ambã ri sang Dewabrata, lingnira :
„Wuwus ning hulun pirěngakna de rahadyan sanghulun!Milik Negara Rep. Indonesia.
