Kaca iki wis divalidasi
SAPU
Shella Afriana Cahya Putri
SMA Negert 1 Gamping
BIYUNG
Sliramu kayata bagaskara
Nyunari jiwa
Anggugah sumelehing raga
Gawe grengseng jiwa ringkih
Sipatmu kang wicaksana uga dadi tuladha
Biyung ...
Sliramu wus kecingkrangan
Golek sandhang pangan
Kagem ngupaya panguripan
Kanthi nemu kabagyan
Tansah paring winihing katresnan
Esem lan parasmu
Kaya widadari
Nalika awan utawa bengi
Awakku kok gemateni
Nganggo tresnamu sing tulus suci
Mbimbing anggonku lumampah
Tumuju gegayuhan sejati
WAYAH WENGI
Sumulir angin sing ngancani
Nalika aku lumaku nurut pinggiting wengi
Sepi nanging nentremke ati
Lampu-lampu pada gumebyar kaya lintang
Nrawang nyawang langit kuwi
Rembulan kang mung sawiji
54
