Antologi Geguritan lan Esai Bengkel Bahasa dan Sastra Jawa 2012
Bencana kang wus teka uga dados tandha
Menawi prabu Dasamuka wus dadi panguwasa ing alam
donya.....
Tumindakmu nggambarake dalan uripmu
Solah utama kanthi ilmu kang tumata
Dadia satria kaya ta Gathutkaca tansah mbelani bebener....
Kaya ta Nakula lan Sadewa tanpa pamrih asih tresna
sapadha-padha
Ilmu iku pitutur becik
Tular-tinular tekaning pati
Kitab Ramayana dhapukaning Mahabarata
Ilmu kang utama pathokaning urip
Tulisan Jawa HANACARAKA
Kang sumebar ing jagat raya
Sanajan methik ilmu ing pucuking gunung
Kabeh ora bakal rugi......
Tresna kaya ta warih
bening suci tekan ati
Tresnaku marang sliramu
Ora bisa ilang katrajang samirana
Warih uga ngandhut bebaya
Butuh niat teguh sentosa
Miturut pathokaning urip sejati,
Ananging warih suci bisa kacampur dahana
Amarga prasangka ala lan rasa curiga
Kados dene sliramu
kang tega mblenjani janji
35
