Kaca iki wis divalidasi
Geguritan
Windarti
ZAMAN EDAN
Kandhane zaman edan
ora ngedan ora keduman.
Bocah sekolah melu ngedan
O......alah kok eman-eman
tata krama jarene kuna
unggah-ungguh tan kukuh
subasita tanpa tata
tepa salira lir phira (kewan kang nggegirisi)
Zaman edan calathune
globalisasi istilahe
modern kandhane
diskotik jujugkane
tawuran kesenengane
Banjur mengko kepriye?
ndhuk.... le....
apa ya kowe arep melu ngedan?
Banjur mengko kepriye?
Sekolahmu.....
keluargamu.....
lan negaramu.....
Bangirejo, Agustus 1997
94