Kaca iki wis divalidasi
Geguritan
Banjur....? Akeh bencana !!
Ana biyung tulung-tulung kelangan pinjung
Ana gelandhangan padha mbathang
Ana pemulung lonthang lanthung
Ana kere dhedhe mrana-mrene
Ana limbuk thenguk-thenguk tunggu buk
Kabeh ngantu-antu tekane pincuk
anunggu pijero gero-gero
angantu tumetesing sih kamanungsan
Garising kamanungsan datan kena sinelaki
wong sugih atine ringkih
rasa kamanungsan wus luntur kalindhih
sanadyan bandha titipan nyawa gadhuhan
sirna kagiles rodhaning jaman eḍan
Nuladha laku utama-rama-pandhita-Sang Ulama
makarya datan embel-embel apa-apa.
rasa kamanungsan cinipta mring sasama
kumlawea kanggo bandha tan sirna
sadurunge swara sangkakala tandha puputing donya
Elinga: Ambegan iki kagungane sapa???
Yogyakarta, Agustus 1997
84
