Kaca iki wis divalidasi
Rembuyung
Wagini
RASA KAMANUNGSAN
Garising urip pindha rodaning jaman
gingsir gumanti angel linakonan
ginodha bandha donya kamuspran
gumunggung pangkat drajat semat kapujan
gumlethak miskin papa cintraka kacingkrangan
Haning.....
Jer urip mono mung mampir ngombe
kadya dene kembang suket aneng ara-ara
sumedhèla mekar endah mggedobyah
sumadhela maneh alum kumucemi
wusana garing kemlingking tanpa guna
Delengen jantraning jaman:
Akeh mercy pamer gusi
Akeh suzuki pating sliri
Akeh sekuter pating sliwer
Akeh kijang pating brangkong
Akeh mercedes padha njegeges
Akeh toyota padha poya-poya
83
