7 Bab, ismu patimbulan, bilih arsa mepes dajaning gegaman, wesi kawasa- wadja landep pamor ampuh. Lampahipun pasa tigang dinten, kakawitan dinten Senen, Kemis anglowong sadinten sadalu boten saré. Rijaja angsung dahar kados kasebut ing. nginggil.
,,Bismillahirrahmani'rrahimi, tjihnanira kajun lawan baka, sakèhing gegaman wesi wadja pamor, tumbak keris pedang sape- padané, ora nedasi maring kulit daging balung sungsum otot lan wuluku, ingsun sadjatiné manusa, la ilaha illa'llah."
8 Bab, ismu Bradjamusti, bilih arsa juwana teguh rosa kinawasa. Lampahipun mutih pitung dinten saha dalu - nglowong sadinten sadalu ― boten saré ― sarwi lumampah. Salebetipun anglampahi: saré sapisan djam 2 dalu, djam 5 éndjing wungu, ladjeng siram gebjur. Rijaja bubur surba ingkang gurih, angsung dahar Sajidina 'Ali.
,,Bismillahirrahmani'rrahimi, tjakban, badan otot rantas, balung tigas, ingsun-gegem katjekel remek rempu, remuk dadi banju, ija ingsun adji Bradjamusti, la ilaha illa'llah."
9 Bab, ismu panglèngkètan, bilih arsa para padu sarta njepeng tijang, sampun ngantos saged ébah saking enggèn. Lampahipun pasa tigang dinten ― nglowong sadinten sadalu ― boten saré ― salebetipun kawan dasa dinten tjegah hawa napsu miwah sahwat, Rijajanipun angsung dahar ing Kangdjeng Nabi Muchammad Rasulu'llah, sekul wuduk ingkang gurih, sapirantosipun, ulam ajam, tigan ingkang anjar, tjatjah miturut naptuning dinten lan pasaran wedalanipun, sekar kantil lan melati 5 djodo, konjoh wangi ladjeng kagem.
,,Bismillahi'rrahmani'rrahimi, ing rasa kang ana putjuking dzat, arupa ireng, ija iku kang aran Muchammad Rasulu'llah, kang sadjatiné, i Muchammadi kelèta nggonmu lungguh, Allah paréntah, lam ha ja ain, sin sot."
Bilih sampun angèsti punika, lidahira katekuka manginggil madal tjetak.
10 Bab, ismu bilih arsa rerembagan ingkang prelu, akalihan djanma, murih unggulipun pangandika, tijang wau kodenga, sampun ngantos angsal pamanggih saged mangsuli. Lampahipun kados kasebut ing nginggil.
,,Bismillahirrahmani'rrahimi, barang guntur amuk, tanpa tuduh, gadjah meta tanpa tudjah, urub geni guntur sirep, lamun arsa Allah nglebur Sang Hjang Kala, la laha illa'llah."
11 Bab, ismu bilih arsa kèdep tinurut saparéntahé maring djanmi. Lampahipun wiludjengan sami kalihan bab 1.
,,Bismillahirrahmani'rrahimi, hikukum hikukum, tjunduk
suhé Sajidina Ali Asadu'llah, metu sak-ku papat kang anggawa
35
