3 Bab, bilih arsa angirup ralisaning manusa, tuwin angirup andatengaken sadaja ingkang kumelip wonten ing dunja, murih sami sujud tresna, sarta panuwun nedya antuk daradjat pangkat luhur nglangkungi ingkang sampun linampahan, winastan Ismu Tjahja 40. Lampahipun mutih pitung dinten lan dalu ― nglowong sadinten sadalu, patraping raga lan panggènan, miwah rijaja angsung dahar, kados ing nginggil wau.
,,Bismi'llahi'rrahmani'rrahimi, Suksmarasa, araningsun, urip aranira metu saking karsaningsun, ingsun angidepaken saudjaringsun, guru panutanira ingsun, Nabi - Pangéranira ingsun, ija ingsun angadeg tengahing djagad, ija ingsun mangku tjahjané wong iku kabèh, rahsanira rahsaningsun, tjahjanira tjahjaningsun, ingsun ana karatoning Allah, Retna-kumala, ingsun medalaken karsaning Pangéran, sakèhing kadang tuwuh pada ngidep kabèh, kang mati kang durung lair ingsun weruh sakatahing suksma djati suksma kakim, tjahjaku tjahja Muchammad-Rasulu'llah, sir putih katikel ing sih dat esah ing awakku, ija ingsun mangku njawané wong sadjagad kabèh pada tutut anut idep kèdep sumudjud marang aku, pada wedi asih tresna maring aku, ingsun tjahja satilèh, murub badan alus minangka retna, gumilang-gilang, langgeng uriping tjahja wisésa, gaib ingsun, amisésa tjahjaning wong sadjagad kabèh, apa ramé-ramé kuwé? gadjah meta ija ingsun saratiné, la ilaha illa'llah."
4 Bab, ismu bilih arsa nenuwun ing Allah ta'ala, punapa ingkang sinedya sawawratipun, manawi katarima angsal wasita.
,,Bismi'llahi'rrahmani'rrahimi, la ilaha illa'llah, imannanbila, la ilaha illa'llah, jakinnanbilah, la ilaha illa'llah, Muchammad Rasulu'llah, kanuh, la ilaha illa'llah, imannanwatasdika, la ilaha illa'llah halahupanwaridjika, la ilaha illa'llah Muchammad Rasulu'llah, wa salla'llahu 'ala sajjidina Muchammadin wa 'alaihi wa sabihi wasallim."
5 Bab, ismu agemipun Sajidina 'Ali Asadu'llah, bilih arsa teguh datan pasah kataman gegaman, sinung kuwawi angangkat barang kang awrat, sanès murwatipun. Lampahipun pasa salikur dinten, bilih bibar buka sonten, sadalu pasa malih dumugi sonten dahar nglowong sadinten sadalu tjegah sahwat. Rijajanipun miludjengaken bubur surba, angsung dahar Sajidina 'Ali Asadu'llah. - ,,Bismi'llahi'rrahmani'rrahimi, la kaola wa la chuwatta illa ali sakchali, iladulpoholi 'alaihissalam, Muchammad wa alihi adjemangin, bi rahmatika ja archammarochimmin, la ilaha illa'llah."
6 Bab, ismu bilih arsa raganira boten kasumerepan manusa, saged juwana boten kénging piala panjidra djanma. Lampahipun utawi patrapipun kados kasebut ing nginggil, sarta saréja sadinten sadalu amung kalih djam. Déné rijajanipun angsung dahar Kangdjeng Nabi Muchammad Rasulu'llah, sekul wuduk ulam ajam putih.
,,Bismi'llahi'rrahmani'rrahimi, bis kulit, mil daging, lah bebalungku, bis teguh, mil luput, lah kang ora katon."
34
