Kaca iki wis dikorèksi
38
tumbuk juswa 32 taun. Amila kula sakantja sadają sami anguudjukaken pamudji kasugengandalem saha garwadalem Gusti Kangdjeng Ratu Paku Buwana, punapadéné para putra putridalem sadaja, mugi-mugi tambaha pandjanging juswadalem sawewengkonipuli, lumèbèra narambahi karahardjaning pradjadalem, utawi tatatentremimipun para santana abdidalem sadaja.
Panembramanipun linuting genḍing loṭung-loṭung.
- Pambuka bakuning ulun, sinatata mangendjali, bupati mjang kliwonira, punggawa panèwu mantri, rèh Pangrembé pamadjegan, mastawa ḍawuh Sang Adji.
- Memardi mardawèng tanduk, mangun rèhing subastuti, tanda sih sungkeming wadya, ing Gusti Sri Narapati, winiwaha among suka, samekta neng pantjaniti.
- Mènget kataman marta ju, kotaman ingkang menuhi, kalébaning wilaséndra, kaping Sadasa manḍiri, sotya kalengkaning pradja, ing. Surakarta nagari.
- Kang sasat anggung memaju, kajuwanan angajomi, sèsining pradja Narendra, lebet wasista ing niti, santa budya martofama, susetyambek sih ing dasih.
- Marmamba geng suka-sukur, tumenga mijating Gusti, Paduka Sri Naréswara, pranawa mustikèng galih, kalaban gunging sih rachmat, dèra Sang Hjang Kang Murwani.
- Pudji sembah mesṭi Prabu, tumbuk tridasa dwi warsi, ing sagunging karaardjan, dènira menggep mbawani, kamuljaning kawirjawan, ing kaprabon Sang Siniwi.
- Déné bingahing tyas ulun, kadi djiwangga kalilir, ing tirta rèh tatadarma, sumekar lir sarwa sari, waluja kataman warsa, mijat rahajuning Gusti.
- Jèn kinudasmarèng kidung, kinudang gita palupi, raras ruming kaarsajan, panadukaraning dasih, baja kang wignja amarma, mung para pratamèng budi.
- Nahen ta pamudjinipun, mugi Djeng Sri Narapati, widada dirganing juswa, sagarwa putra lestari, djinurunga ing sakarsa, awéta among sirjadi.
- Barkahing kabagjan Prabu, rumembes saha mimbuhi, praba prabaning Puréndra, karta ardjaning nagari, kalisa ing pantjabaja, ménak kang sarwa dumadi.
- Mangkja ta sapragatipun, sanityasa sru sesanti, lan sagung sembah pangargja: ulun sanggjaning wadya Dji, gumulung saékapraja, reragan murwèng sukapti.
