Kaca iki wis dikorèksi
51
- Jèn mangkono iku nanḍang kaluputan, bakalé, ora wurung kahjangané den baléngkah, wong akèh." Sinauran: „Hèh weḍon pakolèh apa, wong dahwène
- Nadyan ta mangkono kasanḍang dawak, luputé, tan angèmbèt marang weḍon kaja sira, Ni Senṭèt, lawan nora kongsi karja karusakan, pamèté.
- Béda lawan weḍon anggung awèh lara, gawéné, anjenjembur wisa mandi marang djanma, dadiné, lara barah kabandjur temahan basah, badané.
- Iku jekti antuk bebenḍuning Déwa, ing tembé, wekasané dadi intiping naraka, ukumé." Wedon modjar: Ḍuh abamu sok metua, si wéwé.
- Marénéa mențèl sun idoni sira, dimèné, anemahi barah kabèh badanira, pastiné, datan bisa mangsa getjok mentah sira, keluwèn."
- Sru kabangan wéwé tanpa sita-sita, sosoté: „Si dikepruk linabrag lah arep apa, paduné, wong wus kènḍem kèrem marang kaluputan, si sember."
- Mèh aruket mangkja sami katawuran, prang ramé, dadya pisali déning pidir tetanḍingan, judané, lawan poto Sabrang tansah sumbar-sumbar, suwéné:
- „Ah lélépah dojanaku iwak mentah, mauné, ing saiki aku dojan, iwak rempah, ginorèng, sésuk aku dojan iwak kang dèn olah, basengek."
- Sru gumuju pidir Djawa wuwusira: „Hèh monjèt, adja pidjer anggegurit pakareman, barèsé, sapa aranira mupung maksih ardja, djedjeré
- Sinauran: „Ingsun kang sinebut nama, Lembésé." Piḍir Djawa gantya tinakonan nama, awalèh: „Lembutjulung panjambang Kren dawahana, gawéné."
- Adan pagut ingajuda tan kutjiwa, karoné, samja rosa digdaja sarwa sembada, badané, marma tansah asesiring selisiran, tanḍangé.
- Danguning prang wekasan kang kasulajah, Lembésé, mempis-mempis deniranggung, binantingan, temahé, mesalt maring sor putjung pinggir djedjurang, parané.
16. SEKARAN PRASADJA.
Sekaran prasadja punika sekaran ingkang mawi Kawi, nanging Kawi ingkang sampun kelimrah sanget, mèh saben tijang ingkang kulina maos, sasat nganggep sanès Kawi, saja manawi pangiketipun luwes tuwin ngambah purwakanṭi, upamia tijang lumampah keraos angler, saking tanpa wonten sandunganipun, kados petikan serat Pepeling lan pamrajoga Inganḍap punika.
