Kaca iki wis dikorèksi
50
- Winangsulan: „Jen mangkono mengko timbang, tanḍinge, ingsun iki ija kalebu sinambat, wong geḍé, tau lungguh djadjag lan para gandarwa, reramèn.
- Lah ta pajo Genṭara nuli madjua, maréne adipidjer djedjogédan solahira, njrekèngkèng, ora lemes parigel kaja manira, kèndjèré."
- Tan tahan tyas Genṭara anggung winada, ogèdé, dyan naradjang angrundjang sarwi andugang, sikilé, Kéntol Boga tiba kelumah saksana, andjènggèl.
- Arsa tangi djinedjeg ladju dinupak, kekèdjèk, dupi éling lumaju akedakalan, tan tolèh, apepulih djarangkong Krendawahana, praptané.
- Asru sumbar: „Mara iki ajonana, rowangé." Pakné Edjèt atetanja: „Sira sapa, arané, angakua mupung durung kasangsara, badané."
- 20. Sinauran: „Ija ingsun Ki Baruwang, Lunggendjé, papagena iringena masṭi abang, buntuté." Pakné Edjèt gumuju atjukakakan, wuwusé:
- Ah sirèku sugih sembrana golongan, wong anèh, aranira tan Jumrali nora mupakat, wong akèh, dedolananing botjah kinarja aran, anglawer.
- Aranira kang sanjata ija sapa, temené." Winangsulan: „Araningsun kang paméran, mangkéné: „Tjanṭing bumbung kembang suruh. pijarsakna: Darèngès."
- Sangsaja sru gumuju kimas Genṭara: „Ah poṭèt, manḍang anu anganggo aran wangsalan, djebulé, lah ta mara marénéa sun pepukang, bakalé."
- Ki Baruwang marepeki sesirigan, adjuné, dupi arsa tjinanḍak kebat atjukat, lumpaté, praptèng wuri anampiling pepilingan, djumeprèt.
- Pakné Edjet kalajaban niba-niba, polahé, arsa males andugang wus kaḍinginan, bininté, ambruk kongsi galangsaran sanalika, anggendjret.
- Sareng ambjuk para brekasakan sabrang, agebèl, mèt pepulih angarubut Ki Baruwang, Lunggendjé, warna-warna sagung kalarupa rudra, arèngès.
- Brekasakan ing Krendawahana mangsah; kabèhé, angembuli marang brekasakan Sabrang, judané, barubuhan tan pilih tanḍing lan papan, enggoné.
- Ana weḍon Sabrang temu ḍeḍéwékan, lan wéwé, tinakonan araning weḍon sadjarwa: Ni Senṭèt, genti takon arané wéwé awetja, Ni Korek.
- Weḍon Sabrang takon marang wéwé Djawa, wuwusé: „Apa jekti anggung nganiaja djanma, mèt raré, siningitken ingasamun sinasaban, sor kopek.
