Kaca iki wis dikorèksi
49
tarab ing Krendhawahana, kang nginté, wruh jèn iku brekasakan saking Sabrang, kabèhé.
- Marma datan samar maring saniskara, karjané, kaulataken ing sasolah bawanira samangkéé, ana mangsah djarangkong kang saking Sabrang, sedyané
- Arsa maring pakuwoning para Nata, mrih pamèt, pineṭukken djarangkong Krendawahana, sru kagèt, atetanja: ,,Sapa ngaḍang laku ningwang, arané.”
- Winangsulan : ,,Ingsun djarangkong kang tengran, duk bijèn, Kénṭol Boga ing samengko karan anak, pak Galès, balik sira sapa aranta ngakua, dèn walèh."
- Sru gumuju djangkong Sabrang asantak, sauré: ,,Kalingané sira iku bangsaningwang, jektiné, sun sadjarwa aran bagus Samahala, ing Sangkèh.
- Nguni ingstin dadi guru kasantikan, kasubé kang sama ngèlmuningsun kasunjatan, djatiné, marma ingsun kalakon kuwat sinembah, wong akèh.
- Lah ta adja anèng kono sumingkira, pak Galès, ingsun arsa angupaja pepangan, jèn oleh. "Sinauran: ,,Malah sira abalia, dèn agé.
- Jèn ameksa ladju pasṭi katemahan, adjidèt. ”Asru modjar Samalaha: ,,Ilèh si Boga, abané, malah sira jèn tan sumingkir bakalan matjèḍèl."
- Kéntol Boga gumuju sarja ngling sugal : ,,Ilèh penṭèt, aladjuna sun aḍangi tangkep djadja, ing kènè. "Samalaha mangsah sudira nirbita, ambekè.
- Sigra magut gelut gemulung ulengan, aramè, silih ungklih datan ana kang kutjiwa, tandangè, danguning prang Samahala kasulajah, anglèlèh.
- Dyan binanting Samahala rempu muksa, angganè, Kènțol Boga sukèng drija djedjogèdan, anglètèr, sumbar-sumbar: ,,Dènè ta nora sapira, rosanè." è
- Samantara ana djarangkong katingal, andjèngklèk, wuwusira: ,,Hèh babo nora kadjamak, sumbarè, ajonana iki djarangkong ing Sabrang panggeḍé."
- Kéntol Boga gumuju sarwi tetanja, udjaré: ,,Hèh ko sapa kang umangsah djedjogèdan, solahé, kidung wiḍung ting kaḍobjah ting karembjah, akèṭè."
- Sinauran: ,,Hèh wruhanta ingsun kotjap, wong gedé, apanengran ing nguni kimas Genṭara, parabé, kang kesebut ing wong akèh karan anak: Pak Èdjèt.”
