Kaca:Ngemi-emi Basa Djawi III.pdf/19

6. Warna apa sing kanggo ndasari pambar lintang Nur Tjahja lan banteng ?
7. Gambar pari kapas ing dasar putih mulus iku aweh sasmita apa ?
8. Blegering Garuda iku mralambangi apa ?

B. Tembang Sinom 7 pada ing duwur iku ajo pada ditembangake bebarengan !
II. KAWRUH BASA.
A. Tembung² kang kandel tjap²ane ing tembang duwur iku salinana nganggo dasa namane utawa tegesna !
B. Ing petikan duwur mau akeh tembung² kawine ; kajata :
1. kaga2. kresna3. langking4. pingul
Apa tegese tembung² iku? Lan apa tegese tembung² iki ?

1. kukila
2. rekta
3. seta
4. Wilis

5. sarpa
6. dirada
7. mina
8. sardula

9. rewanda
10. turangga
11. wisma
12. narmada

13. kisma
14. palwa
15. bantala

C. Apepaes pari kapas.
Tembung pari iku kramane pantun. Dadi swara I ing kono owah dadi un. Ana maneh tembung² sing swara pungkasane I kramane dadi un. Tembung² margkono iku diarani krama porem.
Tjoba goleka tulada maneh sawatara !
D.Gawea ukara nganggo tembung² ngisor iki !

1. wigati
2. manunggal
3. gumregah

4. rinengga
5. miwah
6. linuwih

7. dedasar
8. pangajoman

III. PARAMASASTRA.

1. Kaga Garuda mbegagah.
2. Mustaka noleh mring kanan.

Ukara² ing duwur iku ratjuten !
Ukara² iku djedjer lan wasesane nidji. Ukara mangkono iku diarani ukara lamba (kalimat tunggal). Ukara² lamba ing duwur iku kena digandeng dadi sidji, mangkene :
Kaga Garuda mbegagah, mustaka noleh mring kanan.
Ukara lamba loro (utawa luwih) kang kagandeng dadi sidji diarani ukara rowa utawa ukara tjamboran (kalimat madjemuk).