III. PARAMASASTRA
LATIHAN
1. Rimbaging tembung-tembung sarana panambang en :
a. genti + en —> gentinen.
— Jam olehku tuku iki gentinen !
b. wada + en —> wadanen
— Garapane adhimu wadanen !
c. suru + en —> surunen.
— Bubur iki surunen bae !
d. gule + en —> gulenen.
— Daging wedhus iki gulenen !
e. soto + en —> sotonen.
— Pitike belehen, banjur sotonen !
2. Rimbaging tembung dadi pakon tanduk sarana panambang a :
(a). a(N) + genti + a —> nggentia
— Mengko sore nggentia Narti anggone nunggu toko !
(b). a(N) + wada + a —> madaa
— Madaa mangsakane mbakyumu, kareben ngreti kekurangane !
(c). a(N) + suru + a —> nyurua
— Kowe ya nyurua bubur iki, kareben endang entek !
(d). a(N) + gule + a —> nggulea
— Mengko sore nggulea pitik bae !
(e). a(N) + paro + a —> maroa
— Kowe maroa garapane sawah kakangmu !
3. Rimbaging tembung dadi pakon tanggap lan pakon tanduk sarana panambang ana :
a. suru + ana —> suronana (pakon tanggap)
a(N) + suru + ana —> nyuronana (pakon tanduk)
— Bubur iku suronana bae !
— Kowe nyuronana bubur iki nganggo suru godhong gedhang !
50
