Kaca:Kajawen 41 1927-10-13.pdf/19

Saka Wikisumber
Menyang navigasi Menyang panggolèkan
Kaca iki durung katitiwaca

꧋ꦮꦺꦴꦤ꧀ꦠꦼꦤ꧀ꦥꦮꦂꦠꦺꦴꦱ꧀꧈​ꦧꦶꦭꦶꦃ​ꦲꦶꦁ​ꦨꦚꦸꦮꦔꦶ​ꦮꦺꦴꦤ꧀ꦠꦼꦤ꧀ꦱꦸꦢꦒꦂ​ꦏꦏꦭꦶꦃ​ꦲꦤ꧀ꦢꦂꦩꦏ꧀ꦲꦏꦼꦤ꧀ꦥꦔꦼꦕꦥ꧀ꦥꦤ꧀ꦤꦶꦥꦸꦤ꧀꧈​ꦠꦸꦮꦶꦤ꧀ꦥꦩꦼꦢꦭ꧀ꦭꦶꦁ​ꦱꦧꦶꦤ꧀ꦤꦶꦥꦸꦤ꧀ꦏꦭꦶꦃ​ꦠꦼꦔꦃ​ꦠꦲꦸꦤ꧀ꦱꦊꦧꦼꦠ꧀ꦠꦶꦥꦸꦤ꧀ꦱꦢꦱ​ꦠꦲꦸꦤ꧀꧈​ꦝꦠꦼꦁ​ꦥꦏꦼꦩ꧀ꦥꦭ꧀P.S.I. ꦲꦶꦁ​ꦔꦿꦶꦏ꧉​ꦥꦔꦼꦕꦥ꧀ꦥꦤ꧀ꦤꦶꦥꦸꦤ꧀ꦧꦝꦺ​ꦏꦥꦶꦤ꧀ꦝꦃ​ꦝꦠꦼꦁ​ꦨꦠꦮꦶ꧈​ꦠꦸꦮꦶꦤ꧀ꦥꦩꦼꦢꦭ꧀ꦭꦶꦥꦸꦤ꧀ꦱꦧꦶꦤ꧀ꦮꦲꦸ​ꦧꦝꦺ​ꦏꦢꦂꦩꦏ꧀ꦲꦏꦼꦤ꧀ꦝꦠꦼꦁ​ꦥꦩꦸꦭꦁ​ꦔꦤ꧀ꦒꦸꦫꦸ​ S.I. ꦲꦶꦁ​ꦔꦪꦺꦴꦓꦾꦏꦂꦠ꧉​

꧋ꦱꦼꦫꦠ꧀ꦏꦧꦂ​ Loc꧉​ꦩꦂꦠꦺꦴꦱ꧀ꦱꦏꦼꦤ꧀꧈​ꦧꦶꦭꦶꦃ​ꦱꦕꦼꦭꦏ꧀ꦏꦶꦥꦸꦤ꧀ꦝꦸꦱꦸꦤ꧀ꦝꦸꦱꦸꦤ꧀ꦝꦸꦏꦸꦃ​ꦧꦝꦸꦂ꧈​ꦭꦠꦸ꧈​ꦩꦫꦶꦧꦪ꧈​ꦱꦂꦠ​ꦑꦫꦁ​ꦩꦸꦭꦾ꧈​ꦧꦝꦺ​ꦠꦸꦩꦸꦤ꧀ꦠꦼꦤ꧀ꦢꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦤꦶ​ꦱꦸꦩꦸꦂ​ꦧꦸꦂ꧉​ꦱꦩ꧀ꦥꦸꦤ꧀ꦠꦼꦩ꧀ꦠꦸ​ꦠꦶꦠꦶꦪꦁ​ꦲꦶꦁ​ꦔꦿꦶꦏ​ꦱꦩꦶ​ꦱꦏꦭꦁ​ꦏꦸꦁ​ꦲꦁ​ꦒꦺꦤ꧀ꦤꦶꦥꦸꦤ꧀[11]ꦒꦸꦩ꧀ꦧꦶꦫ꧉​

꧋Aneta ꦩꦂꦠꦺꦴꦱ꧀ꦱꦏꦼꦤ꧀꧈​ꦏꦱ꧀ꦱꦶꦥꦸꦤ꧀ꦥꦩꦸꦭꦁ​ꦔꦤ꧀ꦥꦠꦸꦏꦁ​ꦔꦤ꧀ꦲꦶꦁ​ꦯꦶꦧꦸꦭ꧀ꦒꦃ꧈​ꦏꦶꦏꦶꦫꦁ​ꦔꦤ꧀ꦲꦂꦠ​ f 1000꧉​​​ꦒꦸꦫꦸꦤꦶꦥꦸꦤ꧀ꦥꦩꦸꦭꦁ​ꦔꦤ꧀ꦮꦲꦸ​ꦭꦗꦼꦁ​ꦏꦱꦼꦉꦒ꧀ꦝꦠꦼꦁ​ꦥꦔꦢꦶꦭ꧀ꦭꦤ꧀꧉​

꧋ꦲꦁ​ꦱꦭ꧀ꦲꦁ​ꦱꦭ꧀ꦭꦤ꧀ꦤꦶꦥꦸꦤ꧀ꦥꦚꦢꦺꦪꦤ꧀ꦱꦉꦩ꧀ꦒꦸꦥꦽꦩꦺꦤ꧀ꦲꦶꦁ​ꦗꦮꦶ​ꦠꦼꦔꦃ​ꦱꦊꦧꦼꦠ꧀ꦠꦶꦥꦸꦤ꧀ꦮꦸꦭꦤ꧀ꦱꦺꦥ꧀ꦠꦺꦩ꧀ꦧꦼꦂ​ꦥꦸꦤꦶꦏ꧈​ꦲꦶꦁ​ꦨꦚꦸꦩꦱ꧀꧇​ f 72.898.22꧈​ꦲꦶꦁ​ꦔꦪꦺꦴꦓꦾ꧇​ f 56.618.44꧈​ꦲꦶꦁ​ꦑꦼꦝꦸ꧇​ f 101.720.40꧈​ꦲꦶꦁ​ꦦꦏꦭꦺꦴꦁ​ꦔꦤ꧀꧇​ f 75.929.80꧈​ꦲꦶꦁ​ꦯꦼꦩꦫꦁ​꧇​ f 91.125.62꧈​ꦲꦶꦁ​ꦯꦸꦫꦏꦂꦠ꧇​ f 77.430.90꧈​ꦒꦸꦁ​ꦒꦸꦁ​ꦱꦢꦪ​ꦮꦺꦴꦤ꧀ꦠꦼꦤ꧀꧇​ f 475.723.38꧉

꧋ꦲꦁ​ꦱꦭ꧀ꦲꦁ​ꦱꦭ꧀ꦭꦤ꧀ꦤꦶꦥꦸꦤ꧀ꦥꦚꦢꦺꦪꦤ꧀ꦮꦲꦸ꧈​ꦱꦊꦧꦼꦠ꧀ꦠꦶꦥꦸꦤ꧀ꦮꦸꦭꦤ꧀ꦗꦤꦸꦮꦫꦶ​ꦢꦸꦩꦸꦒꦶꦤꦶꦥꦸꦤ꧀ꦮꦸꦭꦤ꧀ꦱꦺꦥ꧀ꦠꦺꦩ꧀ꦧꦼꦂ​ꦮꦺꦴꦤ꧀ꦠꦼꦤ꧀꧇​ f 4.190.213.20.ꦱꦊꦧꦼꦠ꧀ꦠꦶꦥꦸꦤ꧀ꦱꦔꦁ​ꦮꦸꦭꦤ꧀ꦲꦶꦁ​ꦠꦲꦸꦤ꧀꧇꧑꧙꧒꧖꧇​ꦲꦁ​ꦱꦭ꧀ꦲꦁ​ꦱꦭ꧀ꦭꦤ꧀ꦤꦶꦁ​ꦥꦚꦢꦺꦪꦤ꧀ꦱꦉꦩ꧀ꦮꦲꦸ​ꦮꦺꦴꦤ꧀ꦠꦼꦤ꧀ f 4.191.472.02꧉

꧋ꦱꦼꦫꦠ꧀ꦏꦧꦂ Java-Bode ꦩꦂꦠꦺꦴꦱ꧀ꦱꦏꦼꦤ꧀꧈​ꦧꦶꦭꦶꦃ​ꦲꦶꦁ​ꦏꦁ​ꦏꦠꦼꦠꦼꦥ꧀ꦥꦏꦼꦤ꧀ꦢꦢꦺꦴꦱ꧀ꦥꦔꦒꦼꦁ​ꦔꦶꦁ​ꦠꦤꦃ​ꦝꦶꦓꦸꦭ꧀꧈​ꦲꦶꦁ​ꦒꦶꦃ​ꦥꦸꦤꦶꦏ​ꦠꦸꦮꦤ꧀ M.A. Monsjou ꦱꦶꦥꦶꦭ꧀ꦒꦼꦱꦃ​ꦲꦺꦧꦼꦂ​ꦲꦶꦁ​ꦥ꦳ꦏ꧀ꦥ꦳ꦏ꧀ꦎꦤ꧀ꦢꦼꦂ​ꦄꦥ꧀ꦝꦺꦭꦶꦁ​ꦟꦶꦪꦸꦒꦶꦤꦶꦪ​ꦲꦶꦁ​ꦱꦶꦱꦶꦃ​ꦏꦶꦭꦺꦤ꧀꧉​

꧋ꦧꦺꦚ꧀ꦗꦶꦁ​ꦠꦲꦸꦤ꧀ꦔꦗꦼꦁ​꧈​ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦠꦁ​ꦒꦭ꧀ 1 ꦩꦺꦲꦆ 1928꧈​ꦧꦝꦺ​ꦢꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦤꦶ​ꦱꦼꦥꦸꦂ꧈​ꦲꦶꦁ​ꦏꦁ​ꦭꦸꦩꦩ꧀ꦥꦃ​ꦱꦏꦶꦁ​ꦨꦠꦮꦶ​ꦝꦠꦼꦁ​ꦔꦪꦺꦴꦓꦾ​ꦏꦤ꧀ꦛꦶ​ꦩꦩ꧀ꦥꦶꦂ​ꦨꦤ꧀ꦝꦸꦁ​꧉​

꧋ꦏꦧꦂꦫꦶꦥꦸꦤ꧀ꦱꦼꦫꦠ꧀ꦏꦧꦂ​ꦯꦶꦤꦂ​ꦆꦤ꧀ꦝꦺꦴꦤꦺꦱꦶꦪꦃ꧈​ꦧꦝꦺ​ꦧꦺꦴꦠꦼꦤ꧀ꦏꦮꦼꦢꦭ꧀ꦭꦏꦼꦤ꧀ꦩꦭꦶꦃ꧈​ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦗꦭꦂꦫꦤ꧀ꦱꦏꦶꦁ​ꦲꦁ​ꦒꦺꦤ꧀ꦤꦶꦥꦸꦤ꧀ꦠꦤ꧀ꦱꦃ​ꦩꦁ​ꦒꦶꦃ​ꦥꦏꦺꦮꦼꦠ꧀꧈​ꦏꦺꦴꦫꦤ꧀ꦤꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦏꦫꦩ꧀ꦥꦱ꧀ꦲꦶꦁ​ꦥꦸꦭꦶꦱꦶ꧉​ꦩꦭꦃ​ꦫꦺꦝꦏ꧀ꦠꦸꦂꦫꦶꦥꦸꦤ꧀ꦠꦸꦮꦤ꧀ꦩꦂꦯꦸꦢꦶ​ꦢꦶꦥꦸꦤ꧀ꦠꦲꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦏꦸꦚ꧀ꦗꦫ꧉​

꧋Aneta ꦩꦂꦠꦺꦴꦱ꧀ꦱꦏꦼꦤ꧀ꦱꦏꦶꦁ​ꦦꦏꦭꦺꦴꦁ​ꦔꦤ꧀꧈​ꦧꦶꦭꦶꦃ​ꦲꦶꦁ​ꦏꦁ​ꦧꦸꦥꦠꦶ​ꦲꦶꦁ​ꦨꦽꦧꦼꦱ꧀ꦢꦶꦥꦸꦤ꧀ꦒꦤ꧀ꦠꦸꦁ​ꦏꦊꦁ​ꦒꦃꦲꦤ꧀ꦤꦶꦥꦸꦤ꧀꧈​ꦲꦩꦂꦒꦶ​ꦏꦢꦏ꧀ꦮ​ꦤꦶꦤ꧀ꦢꦏ꧀ꦏꦏꦼꦤ꧀ꦥꦢꦩꦼꦭ꧀ꦭꦤ꧀ꦲꦶꦁ​ꦏꦁ​ꦧꦺꦴꦠꦼꦤ꧀ꦥꦤ꧀ꦠꦼꦱ꧀꧈​ꦲꦶꦁ​ꦒꦶꦃ​ꦥꦸꦤꦶꦏ꧇​ꦲꦱꦿꦶꦁ​ꦩꦧꦸꦏ꧀꧈​ꦲꦢꦩꦼꦭ꧀ꦒꦿꦶꦪ​ꦲꦶꦁ​ꦱꦕꦼꦭꦏ꧀ꦏꦶꦁ​ꦧꦸꦩꦶꦪꦪꦸ​ꦱꦥꦏꦮꦶꦱ꧀ꦱꦤ꧀ꦤꦶꦥꦸꦤ꧀ꦥꦶꦱꦤ꧀꧈​ꦲꦶꦁ​ꦏꦁ​ꦲꦁ​ꦒꦫꦥ꧀ꦠꦶꦠꦶꦪꦁ​ꦝꦸꦱꦸꦤ꧀ꦠꦤ꧀ꦥ​ꦩꦮꦶ​ꦧꦪꦂꦫꦤ꧀꧈​ꦩꦭꦃ​ꦩꦶꦠꦸꦫꦸꦠ꧀ꦥꦮꦂꦠꦺꦴꦱ꧀꧈​ꦲꦶꦁ​ꦏꦁ​ꦨꦸꦥꦠꦶ​ꦮꦲꦸ​ꦲꦱꦿꦶꦁ​ꦤꦧꦺꦴꦏ꧀ꦏꦶ​ꦥꦿꦶꦪꦤ꧀ꦠꦸꦤ꧀ꦤꦶꦥꦸꦤ꧀꧉​ꦲꦶꦁ​ꦔꦿꦶꦏꦶ​ꦠꦼꦠꦺꦭ꧈​ꦱꦤꦗꦤ꧀ꦧꦸꦥꦠꦶꦪ꧈​ꦩꦤꦮꦶ​ꦒꦝꦃ​ꦠꦶꦤ꧀ꦢꦏ꧀ꦲꦶꦁ​ꦏꦁ​ꦊꦥꦠ꧀꧈​ꦲꦶꦁ​ꦒꦶꦃ​ꦮꦺꦴꦤ꧀ꦠꦼꦤ꧀ꦥꦲꦸꦏꦸꦩ꧀ꦩꦤ꧀ꦤꦶꦥꦸꦤ꧀꧉ ​ ꧋ꦱꦼꦫꦠ꧀ꦏꦧꦂ​ꦨꦶꦤ꧀ꦠꦁ​ꦠꦶꦩꦸꦂ​ꦩꦶꦉꦁ​ꦥꦮꦂꦠꦺꦴꦱ꧀꧈​ꦧꦶꦭꦶꦃ​ꦱꦼꦫꦠ꧀ꦏꦭꦮꦂꦠꦶ​ꦨꦤ꧀ꦢꦺꦫ​ꦆꦱ꧀ꦭꦩ꧀꧈​ꦱꦸꦮꦫꦤ꧀ꦤꦶꦥꦸꦤ꧀ꦥꦏꦼꦩ꧀ꦥꦭ꧀ꦭꦤ꧀ P.S.I ꦲꦶꦁ​ꦏꦁ​ꦏꦮꦼꦢꦭ꧀ꦭꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦨꦤ꧀ꦝꦸꦁ​꧈​ꦧꦝꦺ​ꦏꦮꦼꦢꦭ꧀ꦭꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦨꦠꦮꦶ꧈​ꦱꦂꦠ​ꦧꦝꦺ​ꦏꦢꦢꦺꦴꦱ꧀ꦱꦏꦼꦤ꧀ꦱꦼꦫꦠ꧀ꦏꦧꦂ​ꦢꦶꦤ꧀ꦠꦼꦤ꧀ꦤꦤ꧀꧉​

꧋ꦮꦺꦴꦤ꧀ꦠꦼꦤ꧀ꦥꦮꦂꦠꦺꦴꦱ꧀꧈​ꦧꦶꦭꦶꦃ​ꦱꦼꦫꦠ꧀ꦏꦧꦂ​ꦄꦯꦶꦪꦃ​ꦲꦶꦁ​ꦯꦼꦩꦫꦁ​꧈​ꦒꦝꦲꦤ꧀ꦤꦶꦥꦸꦤ꧀ꦥꦏꦼꦩ꧀ꦥꦭ꧀ꦭꦤ꧀ꦤꦶꦁ​ꦠꦶꦠꦶꦪꦁ​ꦦꦿꦶꦧꦸꦩꦶ​ꦭꦤ꧀ꦠꦶꦪꦺꦴꦁꦲ꧀ꦮ꧈​ꦲꦶꦁ​ꦏꦁ​ꦢꦶꦥꦸꦤ꧀ꦥꦤ꧀ꦝꦺꦒꦤ꧀ꦤꦶ​ꦢꦺꦤꦶꦁ​ꦠꦸꦮꦤ꧀ Thio Tjin Boen ꦭꦤ꧀ꦠꦸꦮꦤ꧀ ꦕꦺꦴꦤ꧀ꦢꦿ​ꦑꦸꦱꦸꦩ꧈​ꦱꦩꦁ​ꦏꦺ​ꦧꦺꦴꦠꦼꦤ꧀ꦏꦮꦼꦢꦭ꧀ꦭꦏꦼꦤ꧀ꦩꦭꦶꦃ꧉​

꧋ꦏꦭ​ꦢꦶꦤ꧀ꦠꦼꦤ꧀ꦱ꧀ꦭꦱ​ꦲꦶꦁ​ꦏꦁ​ꦏꦥꦼꦁ​ꦏꦼꦂ​ꦥꦸꦤꦶꦏ꧈​ꦲꦶꦁ​ꦏꦩ꧀ꦥꦸꦁ​ꦨꦧꦠ꧀ꦠꦤ꧀(ꦨꦤ꧀ꦝꦸꦁ​)ꦮꦺꦴꦤ꧀ꦠꦼꦤ꧀ꦏꦧꦼꦱ꧀ꦩꦺꦤ꧀꧈​ꦒꦿꦶꦪ​ꦲꦶꦁ​ꦏꦁ​ꦏꦧꦼꦱ꧀ꦩꦶ​ꦏꦶꦫꦁ​ꦭꦁ​ꦏꦸꦁ​ꦮꦺꦴꦤ꧀ꦠꦼꦤ꧀ 200꧈​ꦥꦶꦤ꧀ꦠꦼꦤ꧀ꦏꦫꦸꦒꦶꦪꦤ꧀ꦤꦶꦥꦸꦤ꧀ꦱꦲ​ꦥꦸꦤꦥ​ꦱꦧꦧ꧀ꦧꦶꦥꦸꦤ꧀꧈​ꦱꦩꦁ​ꦏꦺ​ꦢꦺꦫꦺꦁ​ꦏꦱꦸꦩꦼꦉꦥ꧀ꦥꦤ꧀꧉​

꧋ꦢꦺꦫꦺꦁ​ꦢꦔꦸ​ꦥꦸꦤꦶꦏ​ꦯꦩ꧀ꦥꦺꦪꦤ꧀ꦢꦊꦩ꧀ꦲꦶꦁ​ꦏꦁ​ꦯꦶꦟꦸꦲꦸꦤ꧀ꦲꦶꦁ​ꦯꦸꦫꦏꦂꦠ꧈​ꦱꦩ꧀ꦥꦸꦤ꧀ꦲꦥꦫꦶꦁ​ꦒꦚ꧀ꦗꦂꦫꦤ꧀ꦮꦂꦤꦶ​ꦝꦸꦮꦸꦁ​ꦝꦠꦼꦁ​꧇​ 1 ꦫꦢꦺꦤ꧀ ꦫꦩꦼꦭꦤ꧀꧈​ꦮꦢꦤ​ꦥꦸꦭꦶꦱꦶ꧈​2 ꦫꦢꦺꦤ꧀ ꦦꦂꦠꦕꦤ꧀ꦢꦿꦏ꧈​ꦄꦱꦶꦱ꧀ꦠꦺꦤ꧀ꦮꦢꦤ꧈​3 ꦩꦱ ꧀ꦮꦶꦫꦯꦸꦩꦶꦠꦿ​ꦭꦤ꧀ 4 ꦩꦱ꧀ ꦯꦸꦩꦥꦿꦮꦶꦫ꧈​ꦏꦭꦶꦃ​ꦏꦭꦶꦃꦲꦶꦥꦸꦤ꧀[12]ꦩꦤ꧀ꦠꦿꦶ​ꦥꦸꦭꦶꦱꦶ꧉​ꦥꦿꦶꦪꦤ꧀ꦠꦸꦤ꧀ꦱꦏꦮꦤ꧀ꦮꦲꦸ​ꦱꦢꦪ​ꦱꦩꦶ​ꦲꦧ꧀ꦢꦶ​ꦢꦊꦩ꧀ꦏꦯꦸꦤꦤꦤ꧀꧉​

꧋ꦭꦸꦭꦸꦱ꧀ꦌꦏ꧀ꦱꦩꦼꦤ꧀ꦤꦶꦥꦸꦤ꧀ꦝꦺꦴꦏ꧀ꦠꦼꦂ​ꦧꦒꦶꦪꦤ꧀ꦲꦶꦁ​ꦏꦁ​ꦏꦥꦶꦱꦤ꧀ꦲꦶꦁ​ꦥꦩꦸꦭꦁ​ꦔꦤ꧀ꦥꦔꦢꦶꦭ꧀ꦭꦤ꧀ꦭꦸꦲꦸꦂ​ꦲꦶꦁ​ꦮꦺꦭ꧀ꦠꦼꦥꦿꦺꦝꦼꦤ꧀꧇​ꦫꦢꦺꦤ꧀ ꦆꦩꦤ꧀ ꦲꦸꦢ꧀꧉​

꧋ꦱꦼꦫꦠ꧀ꦏꦧꦂ​ꦦꦼꦮꦂꦠ​ꦝꦺꦭꦶ​ꦩꦂꦠꦺꦴꦱ꧀ꦱꦏꦼꦤ꧀꧈​ꦧꦶꦭꦶꦃ​ꦲꦶꦁ​ꦩꦺꦝꦤ꧀ꦧꦝꦺ​ꦢꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦕꦧꦁ​ꦩꦸꦃꦲꦩ꧀ꦩꦢ꧀ꦢꦶꦪꦃ꧉​

꧋ꦩꦶꦠꦸꦫꦸꦠ꧀ꦱꦼꦫꦠ꧀ꦏꦧꦂ​ꦗꦮ​ꦠꦼꦔꦃ꧈​ꦲꦶꦁ​ꦏꦁ​ꦥꦶꦏꦤ꧀ꦠꦸꦏ꧀ꦥꦿꦶꦱ꧀꧈​ꦭꦺꦴꦠꦿꦺ f 100.000.- ꦲꦶꦁ​ꦏꦁ​ꦩꦼꦤ꧀ꦠꦱ꧀ꦢꦶꦥꦸꦤ꧀ꦒꦼꦧꦧ꧀ꦢꦺꦫꦺꦁ​ꦢꦔꦸ​ꦥꦸꦤꦶꦏ꧇​ꦠꦸꦮꦤ꧀ B.D. Broek ꦲꦶꦁ​ꦦꦼꦏꦭꦺꦴꦁ​ꦔꦤ꧀꧉​

꧋ꦲꦶꦁ​ꦩꦺꦝꦤ꧀ꦱꦩꦁ​ꦏꦺ​ꦏꦮꦼꦢꦭ꧀ꦭꦏꦼꦤ꧀ꦱꦼꦫꦠ꧀ꦏꦭꦮꦂꦠꦶ​ꦮꦸꦭꦤ꧀ꦤꦤ꧀꧈​ꦲꦶꦁ​ꦏꦁ​ꦏꦤꦩꦏ꧀ꦲꦏꦼꦤ꧀꧇​ꦈꦠꦸꦱꦤ꧀ꦒꦸꦫꦸ꧈​ꦩꦼꦁ​ꦒꦃ​ꦲꦶꦱꦶꦤꦶꦥꦸꦤ꧀ꦧꦧꦒ꧀ꦒꦤ꧀ꦥꦔꦗꦂꦫꦤ꧀ꦠꦸꦮꦶꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦒꦸꦫꦸ꧉​ꦢꦺꦤꦺ​ꦲꦶꦁ​ꦏꦁ​ꦔꦼꦢꦭ꧀ꦭꦏꦼꦤ꧀ꦠꦸꦮꦤ꧀꧈​ꦯꦲꦫꦶ꧈​ꦗꦭꦤ꧀ꦥꦸꦫꦶ꧈​ꦲꦶꦁ​ꦩꦺꦝꦤ꧀꧉​