Kaca:Kajawen 41 1927-10-13.pdf/18

Saka Wikisumber
Menyang navigasi Menyang panggolèkan
Kaca iki durung katitiwaca

KRONIEK

꧋ꦏꦧꦂ​ꦮꦂꦤꦶ​ꦮꦂꦤꦶ꧉

​꧋ꦥꦼꦛꦶꦏ꧀ꦏꦤ꧀ꦱꦏꦶꦁ​ꦱꦼꦫꦠ꧀ꦱꦼꦫꦠ꧀ꦏꦧꦂ​ꦱꦤꦺꦱ꧀꧉​

꧋Aneta ꦩꦂꦠꦺꦴꦱ꧀ꦱꦏꦼꦤ꧀꧇​ꦩꦶꦠꦸꦫꦸꦠ꧀ꦱꦼꦫꦠ꧀ꦏꦏꦚ꧀ꦕꦶꦁ​ꦔꦤ꧀ꦤꦶꦁ​ꦒꦸꦥꦼꦂꦩꦺꦤ꧀꧈​[7]ꦏꦠꦼꦠꦼꦥ꧀ꦥꦏꦼꦤ꧀꧈​ꦩꦶꦤꦺꦴꦁ​ꦏ​ꦥꦿꦤꦠꦤ꧀ꦏꦁ​ꦒꦺ​ꦱꦮꦠꦮꦶꦱ꧀ꦩꦺꦴꦁ​ꦱ꧈​ꦥꦔꦿꦺꦃꦲꦶꦁ​ꦥꦿꦗ​ꦠꦤꦃ​ꦝꦶꦓꦸꦭ꧀ꦏꦥꦱꦿꦃꦲꦏꦼꦤ꧀ꦝꦠꦼꦁ​ꦥꦔꦒꦼꦁ​ꦔꦶꦁ​ꦟꦒꦫꦶ​ꦲꦶꦁ​ꦎꦤ꧀ꦢꦼꦂ​ꦄꦥ꧀ꦝꦺꦭꦶꦁ​ꦲꦶꦁ​ꦏꦁ​ꦲꦩ꧀ꦧꦮꦃꦲꦏꦼꦤ꧀ꦠꦤꦃ​ꦥꦩ꧀ꦧꦸꦕꦭ꧀ꦭꦤ꧀ꦮꦲꦸ꧉​

꧋ꦮꦺꦴꦤ꧀ꦠꦼꦤ꧀ꦏꦧꦂ​ꦧꦶꦭꦶꦃ​ꦱꦭꦃ​ꦱꦠꦸꦁ​ꦒꦶꦭ꧀ꦭꦶꦁ​ꦮꦂꦒ​ꦥꦏꦼꦩ꧀ꦥꦭ꧀ꦭꦤ꧀ꦩꦸꦃꦲꦩ꧀ꦩꦢ꧀ꦢꦶꦪꦃꦲꦶꦁ​ꦑꦸꦛꦉꦗ꧈​ꦲꦤ꧀ꦢꦂꦩꦏ꧀ꦲꦏꦼꦤ꧀ꦒꦿꦶꦪ​ꦱꦥꦏꦫꦁ​ꦔꦤ꧀ꦤꦶꦥꦸꦤ꧀ꦝꦠꦼꦁ​ꦥꦏꦼꦩ꧀ꦥꦭ꧀ꦭꦤ꧀꧈​ꦲꦶꦁ​ꦔꦿꦶꦏꦸ​ꦕꦭꦺꦴꦤ꧀ꦤꦶꦥꦸꦤ꧀ꦧꦝꦺ​ꦢꦶꦥꦸꦤ꧀ꦲꦼꦢꦼꦒ꧀ꦒꦶ​ꦱꦼꦏꦺꦴꦭꦃꦲꦤ꧀꧉​

꧋ꦏꦶꦤ꧀ꦠꦼꦤ꧀ꦏꦶꦤ꧀ꦠꦼꦤ꧀ꦱꦩꦶꦁ​ꦒꦸ​ꦱꦥꦿꦶꦏꦶ꧈​ꦠꦶꦪꦁ​ꦥꦿꦶꦧꦸꦩꦶ​ꦤꦩ​ꦮꦂꦯꦮꦶꦗꦪ꧈​ꦏꦕꦼꦥꦼꦁ​ꦢꦺꦤꦶꦁ​ꦄꦱꦶꦱ꧀ꦠꦺꦤ꧀ꦮꦢꦤ​ꦥꦸꦭꦶꦱꦶ​ꦲꦶꦁ​ꦩꦓꦼꦭꦁ​꧈​ꦫꦢꦺꦤ꧀꧈​ꦯꦸꦩꦂꦱꦤ꧉​ꦩꦼꦁ​ꦒꦃ​ꦱꦧꦧ꧀ꦧꦶꦥꦸꦤ꧀꧈​ꦮꦂꦱꦮꦶꦗꦪ​ꦮꦲꦸ​ꦢꦺꦫꦺꦁ​ꦢꦔꦸ​ꦥꦸꦤꦶꦏ​ꦱꦩ꧀ꦥꦸꦤ꧀ꦲꦚꦭꦶꦁ​ꦏꦸꦃꦲꦏꦼꦤ꧀ꦲꦂꦠꦤꦶꦁ​ꦲꦺꦴꦠꦺꦭ꧀ꦥꦥꦶꦭꦾꦸꦤ꧀ꦲꦶꦁ​ꦯꦩꦫꦁ​ f 400꧈​ꦲꦺꦚ꧀ꦗꦶꦁ​ꦔꦶꦥꦸꦤ꧀ꦮꦂꦯꦮꦶꦗꦪ​ꦏꦲꦶꦫꦶꦠ꧀ꦢꦺꦤꦶꦁ​ꦥꦸꦭꦶꦱꦶ​ꦏꦧꦼꦏ꧀ꦠ​ꦝꦠꦺꦁ​[8]ꦯꦼꦩꦫꦁ​꧉​

꧋ꦮꦺꦴꦤ꧀ꦠꦼꦤ꧀ꦥꦮꦂꦠꦺꦴꦱ꧀꧇​ꦱꦏꦶꦁ​ꦥꦤꦸꦮꦸꦤ꧀ꦤꦶꦥꦸꦤ꧀ꦥꦔꦿꦺꦃ​ꦲꦒꦼꦁ​ꦥꦏꦼꦩ꧀ꦥꦭ꧀ꦭꦤ꧀ꦩꦸꦃꦲꦩ꧀ꦩꦢ꧀ꦢꦶꦪꦃ​ꦲꦩ꧀ꦧꦸꦢꦶꦢꦪ​ꦧꦝꦺ​ꦲꦔꦼꦢꦼꦒ꧀ꦒꦏꦼꦤ꧀ꦕꦧꦁ​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦶꦛ​ꦨꦚꦸꦩꦱ꧀꧉​

꧋ꦩꦶꦤꦺꦴꦁ​ꦏ​ꦏꦁ​ꦒꦺ​ꦔꦼꦢꦼꦒ꧀ꦒꦏꦼꦤ꧀ꦥꦩꦸꦭꦁ​ꦔꦤ꧀ꦒꦸꦫꦸ​ꦩꦸꦃꦲꦩ꧀ꦩꦢ꧀ꦢꦶꦪꦃ꧈​ꦥꦏꦼꦩ꧀ꦥꦭ꧀ꦭꦤ꧀ꦏꦼꦢꦃ​ꦔꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦲꦂꦠ​ꦮꦫꦒꦢ꧀ f 90.000꧉​​ꦢꦸꦩꦸꦒꦶꦤꦶꦁ​ꦱꦩꦁ​ꦏꦺ​ꦥꦏꦼꦩ꧀ꦥꦭ꧀ꦭꦤ꧀ꦱꦮꦼꦒ꧀ꦱꦒꦼꦢ꧀ꦲꦔꦼꦩ꧀ꦥꦭ꧀ꦭꦏꦼꦤ꧀ꦲꦂꦠ​ f 6.000​꧉​

꧋ꦮꦺꦴꦤ꧀ꦠꦼꦤ꧀ꦥꦮꦂꦠꦺꦴꦱ꧀꧈​ꦧꦶꦭꦶꦃ​ꦥꦫ​ꦭꦶꦠ꧀ꦤꦤ꧀ꦒꦺꦴꦭꦺꦴꦁ​ꦔꦤ꧀ꦆꦤ꧀ꦥꦤ꧀ꦠꦼꦫꦶ꧇​ 1 ꦫꦢꦺꦤ꧀ ꦲꦸꦫꦶꦥ꧀ ꦯꦸꦩꦲꦂꦗ꧈​2 ꦫꦢꦺꦤ꧀ꦩꦱ꧀ ꦯꦸꦒꦺꦴꦤ꧀ꦢ​ꦭꦤ꧀꧈​3 ꦫꦢꦺꦤ꧀ꦧꦒꦸꦱ꧀ ꦯꦸꦚ꧀ꦗꦪ​ꦲꦺꦴꦭ꧀ꦭꦤ꧀ꦱꦸꦩꦢꦶꦭꦒ​ꦱꦩꦶ​ꦏꦠꦼꦠꦼꦥ꧀ꦥꦏꦼꦤ꧀ꦢꦢꦺꦴꦱ꧀꧇​ꦏꦥ꧀ꦠꦶꦤ꧀꧉​

꧋ꦧꦺꦚ꧀ꦗꦶꦁ​ꦢꦶꦤ꧀ꦠꦼꦤ꧀ꦏꦼꦩꦶꦱ꧀ꦠꦁ​ꦒꦭ꧀ 20 ꦮꦸꦭꦤ꧀ꦥꦸꦤꦶꦏ꧈​ꦏꦮꦂꦠꦺꦴꦱ꧀ꦱꦏꦼꦤ꧀ꦲꦶꦁ​ꦯꦸꦫꦏꦂꦠ​ꦧꦝꦺ​ꦔꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦮꦶꦭꦸꦗꦼꦁ​ꦔꦤ꧀꧈​ꦲꦩꦶꦭꦸꦗꦼꦁ​ꦔꦶ​ꦟꦒꦫꦶ​ꦏꦢꦺꦴꦱ꧀ꦲꦢꦠ꧀꧉​ꦥꦫ​ꦭꦸꦲꦸꦂ​ꦠꦸꦮꦶꦤ꧀ꦥꦫ​ꦲꦧ꧀ꦢꦶ​ꦢꦊꦩ꧀ꦱꦢꦪ​ꦱꦩꦶ​ꦱꦺꦴꦮꦤ꧀ꦥꦼꦥꦏ꧀꧉​ꦮꦶꦭꦸꦗꦼꦁ​ꦔꦤ꧀ꦮꦲꦸ​ꦢꦶꦥꦸꦤ꧀ꦮꦱ꧀ꦠꦤ꧀ꦤꦶ꧇​ꦩꦲꦺꦱ​ꦭꦮꦸꦁ​꧈​ꦲꦶꦁ​ꦒꦶꦃ​ꦥꦸꦤꦶꦏ​ꦔ꧀ꦭꦼꦭꦸꦂꦫꦶ​ꦮꦶꦭꦸꦗꦼꦁ​ꦔꦤ꧀ꦕꦫ​ꦏꦧꦸꦢꦤ꧀꧈​ꦩꦶꦭ​ꦲꦶꦁ​ꦏꦁ​ꦲꦤ꧀ꦢꦺꦴꦔꦤ꧀ꦤꦶ​ꦲꦧ꧀ꦢꦶ​ꦢꦊꦩ꧀ꦮꦢꦤ​ꦗꦸꦫꦸ​ꦱꦸꦫꦤꦠ꧈​ꦱꦤꦺꦱ꧀ꦥꦔꦸꦭꦸ꧈​ꦱꦂꦠ​ꦢꦺꦴꦔꦤꦶꦥꦸꦤ꧀ꦲꦶꦁ​ꦒꦶꦃ​ꦢꦺꦴꦔ​ꦨꦸꦢ꧉​

꧋ꦗꦭꦂꦫꦤ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦥꦮꦂꦠꦺꦴꦱ꧀꧈​ꦲꦶꦁ​ꦏꦁ​ꦚꦼꦧꦸꦠ꧀ꦠꦏꦼꦤ꧀꧈​ꦧꦶꦭꦶꦃ​ꦥꦥꦠꦶꦃ​ꦢꦊꦩ꧀ꦲꦶꦁ​ꦏꦁ​ꦯꦶꦤꦸꦲꦸꦤ꧀ꦲꦶꦁ​ꦯꦸꦫꦏꦂꦠ​ꦲꦔꦮꦶꦱ꧀ꦱꦶ​ꦥꦫ​ꦄꦩ꧀ꦠꦼꦤꦂꦫꦶꦥꦸꦤ꧀ꦕꦩ꧀ꦥꦸꦂ​ꦏꦭꦶꦪꦤ꧀ꦲꦒꦩꦶ꧈​ꦲꦶꦁ​ꦏꦁ​ꦲꦚ꧀ꦗꦭꦂꦫꦶ​ꦧꦺꦴꦠꦼꦤ꧀ꦉꦤꦤꦶꦥꦸꦤ꧀ꦥꦫ​ꦠꦶꦠꦶꦪꦁ​ꦥꦿꦶꦧꦸꦩꦶ​ꦱꦢꦪ꧈​ꦥꦔꦿꦺꦃ​ꦥꦏꦼꦩ꧀ꦥꦭ꧀ꦭꦤ꧀ꦩꦸꦃꦲꦩ꧀ꦩꦢ꧀ꦢꦶꦪꦃ​ꦭꦗꦼꦁ​ꦚꦸꦮꦸꦤ꧀ꦏꦠꦿꦁ​ꦔꦤ꧀ꦝꦠꦼꦁ​ꦥꦥꦠꦶꦃ​ꦢꦊꦩ꧀ꦩꦼꦁ​ꦒꦃ​ꦊꦉꦱ꧀ꦧꦺꦴꦠꦼꦤ꧀ꦤꦶꦥꦸꦤ꧀ꦥꦮꦂꦠꦺꦴꦱ꧀ꦏꦱ꧀ꦧꦸꦠ꧀ꦔꦶꦁ​ꦒꦶꦭ꧀꧉​ꦩꦼꦁ​ꦒꦃ​ꦏꦠꦿꦁ​ꦔꦤ꧀ꦤꦶꦥꦸꦤ꧀ꦥꦮꦂꦠꦺꦴꦱ꧀ꦲꦶꦁ​ꦏꦁ​ꦩꦏꦠꦼꦤ꧀ꦮꦲꦸ​ꦧꦺꦴꦠꦼꦤ꧀ꦊꦉꦱ꧀꧈​ꦲꦶꦁ​ꦏꦁ​ꦥꦸꦤꦶꦏ​ꦥꦔꦿꦺꦃ​ꦩꦸꦃꦲꦩ꧀ꦩꦢ꧀ꦢꦶꦪꦃ​ꦭꦗꦼꦁ​ꦲꦚꦼꦧꦂ​ꦱꦼꦫꦠ꧀ꦮꦫ​ꦮꦫ꧈​ꦲꦶꦁ​ꦏꦁ​ꦲꦚꦫꦶꦪꦺꦴꦱ꧀ꦱꦏꦼꦤ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦲꦭꦁ​ꦔꦤ꧀ꦤꦶꦥꦸꦤ꧀꧈​ꦧꦶꦭꦶꦃ​ꦥꦫ​ꦲꦧ꧀ꦢꦶ​ꦢꦊꦩ꧀ꦱꦩꦶ​ꦲꦔꦸꦢꦶ​ꦝꦠꦼꦁ​ꦲꦒꦩꦶ​ꦆꦱ꧀ꦭꦩ꧀꧉ ​ ꧋ꦥꦔꦒꦼꦁ​ꦔꦶꦁ​ꦥꦏꦂꦪꦤ꧀ꦧꦫꦁ​ꦧꦫꦁ​ꦏꦶꦤ​ꦩꦂꦠꦺꦴꦱ꧀ꦱꦏꦼꦤ꧀꧇​ꦏꦭ​ꦲꦶꦁ​ꦮꦸꦭꦤ꧀ꦄꦒꦸꦱ꧀ꦠꦸꦱ꧀ꦲꦶꦁ​ꦏꦁ​ꦏꦥꦼꦁ​ꦏꦼꦂ​ꦥꦸꦤꦶꦏ꧈​ꦠꦶꦪꦁ​ꦤꦩ​ꦥꦏ꧀ꦫꦤ꧀ꦢꦶꦤ꧀꧈​ꦢꦸꦢꦸꦤꦸꦁ​ꦲꦶꦁ​ꦝꦸꦱꦸꦤ꧀ꦔꦼꦩ꧀ꦥ꧀ꦭꦏ꧀ꦱꦼꦩꦺꦴꦁ​ꦔꦤ꧀(ꦯꦼꦩꦫꦁ​)ꦮꦺꦴꦤ꧀ꦠꦼꦤ꧀ꦲꦶꦁ​ꦥꦏꦮꦶꦱ꧀ꦱꦤ꧀ꦤꦶꦥꦸꦤ꧀ꦩꦁ​ꦒꦶꦃ​ꦉꦕ꧈​ꦲꦶꦁ​ꦏꦁ​ꦮꦸꦱꦤꦤꦶꦥꦸꦤ꧀ꦭꦗꦼꦁ​ꦏꦱꦢꦺ​ꦝꦠꦼꦁ​ꦥꦏꦂꦪꦤ꧀ꦏꦱ꧀ꦧꦸꦠ꧀ꦔꦶꦁ​ꦒꦶꦭ꧀꧉​ꦱꦩꦁ​ꦏꦺ​ꦠꦼꦠꦺꦭ​ꦧꦶꦭꦶꦃ​ꦉꦕ​ꦮꦲꦸ​ꦉꦕꦤꦶꦥꦸꦤ꧀ꦧꦸꦢꦶ​ꦯꦠ꧀ꦮ꧉​ꦲꦶꦁ​ꦒꦶꦭ꧀ꦭꦶꦁ​ꦉꦕ​ 28 c.M. ​ꦱꦲ​ꦏꦢꦩꦼꦭ꧀ꦱꦏꦶꦁ​ꦱꦭꦏ​ꦠꦸꦭꦺꦤ꧀꧈​ꦧꦺꦴꦠꦺꦤ꧀[9]ꦢꦔꦸ​ꦩꦭꦶꦃ​ꦉꦕ​ꦥꦸꦤꦶꦏ​ꦧꦝꦺ​ꦢꦶꦥꦸꦤ꧀ꦥꦶꦠꦺꦴꦁ​ꦠꦺꦴꦤ꧀ꦤꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦩꦸꦱꦺꦲꦸꦩ꧀ꦲꦶꦁ​ꦮꦺꦭ꧀ꦠꦼꦥꦿꦺꦝꦼꦤ꧀꧉​

꧋ꦲꦶꦁ​ꦱꦼꦫꦠ꧀[10]ꦏꦭꦮꦂꦠꦶ​ꦮꦸꦭꦤ꧀ꦤꦤ꧀ꦲꦶꦁ​ꦏꦁ​ꦏꦮꦼꦢꦭ꧀ꦭꦏꦼꦤ꧀ꦲꦶꦁ​ꦗꦼꦂꦩꦤ꧀꧈​ꦤꦩ꧇​ Nord und Zud ꦮꦺꦴꦤ꧀ꦠꦼꦤ꧀ꦱꦼꦫꦠ꧀ꦠꦤ꧀ꦤꦶꦥꦸꦤ꧀ꦏꦁ​ꦗꦼꦁ​ꦠꦸꦮꦤ꧀ꦲꦶꦁ​ꦏꦁ​ꦮꦶꦕꦏ꧀ꦱꦤ Graaf van Limburg Stirum ꦧꦧ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁ​ꦠꦤꦃ​ꦲꦶꦤ꧀ꦢꦶꦪ꧉​ꦲꦶꦁ​ꦏꦫꦁ​ꦔꦤ꧀ꦮꦲꦸ​ꦲꦶꦁ​ꦏꦁ​ꦮꦶꦕꦏ꧀ꦱꦤ​ꦲꦩꦁ​ꦒꦭꦶꦃ​ꦥꦽꦭꦸ​ꦱꦔꦼꦠ꧀ꦔꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦲꦺꦮꦃ​ꦲꦺꦮꦃꦲꦤ꧀ꦠꦸꦩꦿꦥ꧀ꦮꦂꦒꦤꦶꦁ​ꦥꦺꦴꦊꦏ꧀ꦱꦿꦢ꧀꧈​ꦲꦶꦁ​ꦒꦶꦃ​ꦥꦸꦤꦶꦏ​ꦮꦂꦒ​ꦦꦿꦶꦧꦸꦩꦶ​ꦏꦼꦢꦃ​ꦭꦁ​ꦏꦸꦁ​ꦏꦛꦃ​ꦠꦶꦤꦶꦩ꧀ꦧꦁ​ꦮꦂꦒ​ꦧꦺꦴꦁ​ꦱ​ꦌꦫꦺꦴꦦꦃ꧉​ꦩꦏꦠꦼꦤ꧀ꦲꦸꦒꦶ​ꦏꦥꦁ​ꦒꦭꦶꦃ​ꦥꦽꦭꦸ꧈​ꦲꦤꦼꦠꦼꦥ꧀ꦥꦏꦼꦤ꧀ꦠꦶꦠꦶꦪꦁ​ꦦꦿꦶꦧꦸꦩꦶ​ꦢꦢꦺꦴꦱ꧀ꦮꦂꦒ​ꦫꦢ꧀ꦥꦤ꧀ꦆꦤ꧀ꦢꦶꦪ꧉ ​ ꧋ꦮꦺꦴꦤ꧀ꦠꦼꦤ꧀ꦥꦮꦂꦠꦺꦴꦱ꧀꧈​ꦧꦶꦭꦶꦃ​ꦠꦶꦠꦶꦪꦁ​ꦏꦺꦴꦩ꧀ꦩꦸꦤꦶꦱ꧀ꦲꦶꦁ​ꦏꦁ​ꦱꦩꦶ​ꦢꦶꦥꦸꦤ꧀ꦠꦲꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦒꦿꦶꦪ​ꦥꦏꦸꦚ꧀ꦗꦫꦤ꧀ꦲꦶꦁ​ꦓ꧀ꦭꦺꦴꦝꦺꦴꦒ꧀꧈​ꦨꦠꦮꦶ꧈​ꦱꦩꦶ​ꦏꦥꦼꦤ꧀ꦝꦏ꧀ꦏꦤ꧀ꦲꦁ​ꦒꦺꦤ꧀ꦤꦶꦥꦸꦤ꧀ꦧꦝꦺ​ꦢꦩꦼꦭ꧀ꦒꦺꦒꦺꦂꦫꦤ꧀ꦩꦭꦶꦃ꧈​ꦠꦸꦗꦸꦤꦶꦥꦸꦤ꧀ꦱꦼꦢꦾꦤꦶꦁ​ꦠꦶꦠꦶꦪꦁ​ꦮꦲꦸ​ꦲꦺꦁ​ꦒꦭ꧀ꦱꦒꦼꦢ꧀ꦢꦶꦥꦸꦤ꧀ꦲꦭꦁ​ꦲꦭꦁ​ꦔꦶ꧉ ​ ꧋ꦱꦼꦫꦠ꧀ꦏꦧꦂ​ A.I.D. ꦩꦂꦠꦺꦴꦱ꧀ꦱꦏꦼꦤ꧀꧈​ꦧꦶꦭꦶꦃ​ꦧꦺꦴꦠꦼꦤ꧀ꦢꦔꦸ​ꦩꦭꦶꦃ​ꦲꦶꦁ​ꦨꦤ꧀ꦝꦸꦁ​ꦧꦝꦺ​ꦲꦔꦼꦢꦭ꧀ꦭꦏꦼꦤ꧀ꦱꦼꦫꦠ꧀ꦏꦧꦂ​ꦢꦶꦤ꧀ꦠꦼꦤ꧀ꦤꦤ꧀ꦧꦱ​ꦯꦸꦤ꧀ꦝ​ꦲꦶꦁ​ꦏꦁ​ꦧꦝꦺ​ꦏꦤꦩꦺꦏ꧀ꦲꦏꦼꦤ꧀꧇​ꦡꦁ​ꦏꦸꦧꦤ꧀ꦥꦿꦲꦸ꧈​ꦱꦲ​ꦧꦝꦺ​ꦢꦶꦥꦸꦤ꧀ꦕꦶꦛꦏ꧀ꦲꦶꦁ​ꦏꦤ꧀ꦠꦺꦴꦂ​ꦕꦶꦛꦏ꧀꧇​ꦏꦲꦎꦩ꧀ꦏꦶꦠ꧉​ꦮꦶꦮꦶꦠ꧀ꦠꦁ​ꦒꦭ꧀ 1 ꦤꦺꦴꦥꦺꦩ꧀ꦧꦼꦂ​ꦲꦶꦁ​ꦔꦗꦼꦁ​ꦥꦸꦤꦶꦏ꧈​ꦱꦼꦫꦠ꧀ꦏꦧꦂ​ꦮꦲꦸ​ꦭꦁ​ꦏꦸꦁ​ꦫꦸꦩꦶꦪꦶꦤ꧀ꦧꦝꦺ​ꦏꦮꦼꦢꦭ꧀ꦭꦏꦼꦤ꧀ꦱꦧꦼꦤ꧀ꦱꦢꦱ​ꦢꦶꦤ꧀ꦠꦼꦤ꧀ꦱꦥꦶꦱꦤ꧀꧈​ꦱꦲ​ꦧꦝꦺ​ꦢꦶꦥꦸꦤ꧀ꦥꦤ꧀ꦢꦺꦒꦤ꧀ꦤꦶ​ꦢꦺꦤꦶꦁ​ꦮꦫ​ꦄꦤ꧀ꦢꦪꦮꦂꦱꦶꦃ꧈​ꦏꦧꦤ꧀ꦠꦸ​ꦢꦺꦤꦶꦁ​ꦠꦸꦮꦤ꧀ꦪꦸꦲꦤ꧀ꦤꦃ꧉​

꧋ꦥꦢꦸꦏ​ꦠꦸꦮꦤ꧀ J.F. Vos ꦄꦢ꧀ꦩꦶꦤꦶꦱ꧀ꦠꦿꦠꦸꦂ​ꦏꦤ꧀ꦠꦺꦴꦂ​ꦨꦭꦺ​ꦥꦸꦱ꧀ꦠꦏ꧈​ꦤꦩ꧀ꦥꦶ​ꦱꦼꦫꦠ꧀ꦠꦫꦶꦩꦏꦱꦶꦃ​ꦱꦏꦶꦁ​ꦟꦒꦫꦶ꧈​ꦗꦭꦂꦫꦤ꧀ꦲꦁ​ꦒꦺꦤ꧀ꦤꦶꦥꦸꦤ꧀ꦲꦩꦿꦤꦠ​ꦱꦲ​ꦲꦔꦒꦼꦁ​ꦔꦏꦼꦤ꧀ꦏꦤ꧀ꦠꦺꦴꦂ​ꦥꦔꦼꦕꦥ꧀ꦥꦤ꧀ꦲꦶꦁ​ꦏꦤ꧀ꦠꦺꦴꦂ​ꦏꦱ꧀ꦧꦸꦠ꧀꧉​ꦩꦏꦠꦼꦤ꧀ꦲꦸꦒꦶ​ꦠꦸꦮꦤ꧀ J.C. van den Braak ꦠꦸꦮꦶꦤ꧀ꦠꦸꦮꦤ꧀ Th. J. Van Cleef ꦏꦭꦶꦃ​ꦏꦭꦶꦃꦲꦶꦥꦸꦤ꧀ꦏꦥꦭꦤꦶꦁ​ꦏꦤ꧀ꦠꦺꦴꦂ​ꦥꦔꦼꦕꦥ꧀ꦥꦤ꧀ꦧꦭꦺ​ꦥꦸꦱ꧀ꦠꦏ꧈​ꦱꦩꦶ​ꦲꦁ​ꦱꦭ꧀ꦱꦼꦫꦠ꧀ꦠꦫꦶꦩꦏꦱꦶꦃ​ꦱꦏꦶꦁ​ꦥꦢꦸꦏ​ꦠꦸꦮꦤ꧀ꦝꦶꦫꦺꦏ꧀ꦠꦸꦂ​ꦎꦤ꧀ꦢꦼꦂꦮꦶꦱ꧀꧉​