Kaca:Kajawen 41 1927-10-13.pdf/20

Saka Wikisumber
Menyang navigasi Menyang panggolèkan
Kaca iki durung katitiwaca

FEUILLETON

꧋ꦭꦭꦩ꧀ꦥꦃꦲꦤ꧀ꦤꦶꦥꦸꦤ꧀ꦦꦿꦧꦸ​ Tristan ꦭꦤ꧀ꦥꦸꦠꦿꦶ​ Isolde꧉​

꧇꧒꧒꧇​

꧋ꦩꦤꦮ​ Tristan ꦭꦤ꧀ Isolde ꦢꦸꦮꦺ​ꦭꦭꦏꦺꦴꦤ꧀ꦏꦁ​ꦲꦺꦴꦫ​ꦧꦼꦤꦼꦂ꧈​ꦲꦸꦮꦶꦱ꧀ꦩꦼꦱ꧀ꦛꦶ​ꦲꦺꦴꦫ​ꦧꦏꦭ꧀ꦲꦸꦁ​ꦒꦸꦭ꧀ꦥꦼꦫꦁ​ꦔꦺ꧉​ꦢꦶꦥꦝ​ꦔꦠꦶ​ꦲꦠꦶ​ꦧꦺꦴꦏ꧀ꦩꦤꦮ Tristan ꦏꦁ​ꦮꦶꦱ꧀ꦲꦶꦁ​ꦱꦸꦤ꧀ꦠꦸꦤ꧀ꦝꦸꦁ​ꦩꦲꦸ꧈​ꦲꦶꦪ​ꦲꦶꦏꦸ​ꦩꦂꦒ​ꦱꦏ​ꦲꦁ​ꦒꦺꦴꦤ꧀ꦤꦶꦁ​ꦱꦸꦤ꧀ꦏꦸꦢꦸ​ꦏꦸꦢꦸ​ꦲꦤꦸꦫꦸꦠ꧀ꦠꦶ​ꦥꦤꦸꦮꦸꦤ꧀ꦤꦶꦫ​ꦲꦶꦏꦸ꧈​ꦧꦏꦭ꧀ꦲꦶꦁ​ꦱꦸꦤ꧀ꦠꦶꦩ꧀ꦧꦭ꧀ꦭꦶ꧈​ꦱꦸꦥꦪ​ꦧꦭꦶ​ꦩꦤꦺꦃ​ꦩꦫꦁ​ꦲꦶꦁ​ Cornwallis꧉​

꧋ꦱꦉꦁ​ꦧꦫꦺꦴꦤ꧀ꦠꦶꦠꦶꦒ​ꦲꦶꦁ​ꦏꦁ​ꦱꦩꦶ​ꦲꦮꦺꦴꦤ꧀ꦩꦤꦃꦲꦶꦥꦸꦤ꧀ꦱꦂꦠ​ꦲꦩ꧀ꦧꦼꦒ꧀ꦗꦶꦫꦶꦃ​ꦮꦲꦸ​ꦩꦶꦉꦁ​ꦥꦔꦤ꧀ꦢꦶꦏꦤ꧀ꦤꦶꦥꦸꦤ꧀ꦱꦁ​ꦤꦠ​ꦩꦏꦠꦼꦤ꧀ꦮꦲꦸ​ꦱꦩꦶ​ꦲꦗꦿꦶꦃ꧈​ꦧꦢꦤ꧀ꦤꦶꦥꦸꦤ꧀ꦲꦤ꧀ꦝꦫꦺꦴꦝꦺꦴꦒ꧀꧈​ꦫꦸꦩꦲꦺꦴꦱ꧀ꦱꦶꦥꦸꦤ꧀ꦦꦿꦧꦸ​ꦡꦿꦶꦱ꧀ꦠꦤ꧀ꦱꦩ꧀ꦥꦸꦤ꧀ꦝꦠꦼꦁ​ꦲꦩꦽꦗꦪ​ꦝꦠꦼꦁ​ꦥꦶꦪꦩ꧀ꦧꦏ꧀ꦏꦶꦥꦸꦤ꧀꧈​ꦲꦠꦸꦂꦫꦶꦥꦸꦤ꧀꧇​ꦓꦸꦱ꧀ꦠꦶ꧈​ꦥꦿꦩꦶꦭ​ꦏꦮꦸꦭ​ꦱꦩꦶ​ꦒꦝꦃ​ꦲꦠꦸꦂ​ꦩꦏꦠꦼꦤ꧀꧈​ꦩꦂꦒꦶ​ꦏꦮꦸꦭ​ꦱꦢꦪ​ꦫꦸꦩꦲꦺꦴꦱ꧀ꦢꦢꦺꦴꦱ꧀ꦲꦧ꧀ꦢꦶ​ꦥꦢꦸꦏ꧈​ꦱꦂꦠ​ꦫꦸꦩꦲꦺꦴꦱ꧀ꦮꦗꦶꦧ꧀ꦠꦸꦩꦸꦠ꧀ꦲꦚ꧀ꦗꦒꦶ​ꦏꦭꦸꦲꦸꦂꦫꦤ꧀ꦤꦶꦁ​ꦲꦱ꧀ꦩ​ꦥꦢꦸꦏ꧈​ꦩꦏꦠꦼꦤ꧀ꦮꦲꦸ​ꦩꦤꦮꦶ​ꦥꦢꦸꦏ​ꦏꦂꦱ​ꦲꦤ꧀ꦝꦲꦂ​ꦝꦠꦼꦁ​ꦲꦠꦸꦂ​ꦏꦮꦸꦭ꧈​ꦩꦤꦮꦶ​ꦧꦺꦴꦠꦼꦤ꧀ꦏꦂꦱ​ꦲꦶꦁ​ꦒꦶꦃ​ꦱꦩ꧀ꦥꦸꦤ꧀꧈​ꦩꦸꦒꦶ​ꦱꦩ꧀ꦥꦸꦤ꧀ꦢꦢꦺꦴꦱ꧀ꦢꦸꦏ꧉​ꦩꦤꦮꦶ​ꦥꦢꦸꦏ​ꦧꦺꦴꦠꦼꦤ꧀ꦏꦂꦱ​ꦲꦔꦧ꧀ꦢꦺꦏ꧀ꦲꦏꦼꦤ꧀ꦝꦠꦼꦁ​ꦏꦮꦸꦭ​ꦠꦶꦪꦁ​ꦠꦶꦠꦶꦒ꧈​ꦱꦸꦩꦺꦴꦁ​ꦒ​ꦏꦂꦱ꧉​

꧋ꦦꦿꦧꦸ Marc ꦱꦉꦁ​ꦩꦶꦉꦁ​ꦲꦠꦸꦂꦫꦶꦥꦸꦤ꧀ꦥꦫ​ꦧꦫꦺꦴꦤ꧀ꦩꦏꦠꦼꦤ꧀ꦥꦸꦤꦶꦏ​ꦱꦁ​ꦱꦪ​ꦢꦸꦏ꧈​ꦤꦸꦤ꧀ꦠꦼꦤ꧀ꦗꦸꦩꦼꦤꦼꦁ​ꦲꦶꦁ​ꦱꦺꦴꦁ​ꦒꦮꦼꦝꦶꦤꦶꦁ​ꦠꦶꦠꦶꦃꦲꦤ꧀ꦤꦶꦥꦸꦤ꧀꧈​ꦥꦔꦤ꧀ꦢꦶꦏꦤꦶꦥꦸꦤ꧀꧇​ꦲꦺꦃ꧈​ꦮꦺꦴꦁ​ꦲꦭ꧈​ꦲꦺꦁ​ꦒꦭ꧀ꦥꦝ​ꦱꦶꦫ​ꦭꦸꦔꦲ​ꦱꦏ​ꦤꦒꦫꦤꦶꦁ​ꦱꦸꦤ꧀ꦏꦺꦤꦺ꧈​ꦲꦶꦁ​ꦱꦸꦤ꧀ꦲꦺꦴꦫ​ꦏꦂꦱ​ꦲꦔꦧ꧀ꦢꦺꦏ꧀ꦲꦏꦼꦤ꧀ꦩꦫꦁ​ꦱꦶꦫ​ꦩꦤꦺꦃ꧉​

꧋ꦧꦫꦺꦴꦤ꧀ꦠꦶꦠꦶꦒ​ꦮꦲꦸ​ꦱꦩꦶ​ꦲꦩꦁ​ꦱꦸꦭ꧀ꦭꦶ꧇​ꦏꦮꦸꦭ​ꦱꦩꦶ​ꦱꦸꦩꦫꦃ​ꦲꦶꦁ​ꦏꦂꦱ​ꦥꦢꦸꦏ꧈​ꦒꦸꦱ꧀ꦠꦶ꧈​ꦱꦂꦠ​ꦧꦺꦴꦠꦼꦤ꧀ꦲꦗꦿꦶꦃ​ꦲꦸꦠꦮꦶ​ꦏꦸꦮꦠꦺꦴꦱ꧀ꦱꦏꦼꦝꦶꦏ꧀ꦏꦼꦝꦶꦏ꧀ꦏ꧈​ꦗꦭꦂꦫꦤ꧀ꦏꦫꦠꦺꦴꦤ꧀ꦏꦮꦸꦭ​ꦱꦩꦶ​ꦱꦤ꧀ꦠꦺꦴꦱ꧈​ꦏꦶꦤꦸꦧꦼꦁ​ꦲꦶꦁ​ꦥꦒꦼꦂ​ꦏꦗꦼꦁ​ꦮꦼꦠꦃꦲꦤ꧀ꦏꦶꦪꦠ꧀ꦱꦔꦼꦠ꧀꧉​ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦱꦩꦶ​ꦩꦠꦸꦂ​ꦩꦏꦠꦼꦤ꧀ꦭꦗꦼꦁ​ꦱꦩꦶ​ꦏꦺꦱꦃ​ꦲꦚꦤ꧀ꦢꦼꦂꦫꦏꦼꦤ꧀ꦏꦥꦭ꧀ꦠꦸꦩ꧀ꦥꦏ꧀ꦏꦤ꧀ꦤꦶꦥꦸꦤ꧀ꦧꦺꦴꦠꦼꦤ꧀ꦱꦫꦤ​ꦥꦩꦶꦠ꧀ꦠꦤ꧀ꦲꦸꦠꦮꦶ​ꦲꦔꦸꦂꦩꦠ꧀ꦠꦶ​ꦝꦠꦼꦁ​ꦯꦁ​ꦤꦠ꧉​ꦩꦏꦠꦼꦤ꧀ꦲꦸꦒꦶ​ꦯꦁ​ꦤꦠ​ꦲꦶꦁ​ꦒꦶꦃ​ꦲꦺꦁ​ꦒꦭ꧀ꦲꦁ​ꦒꦼꦧꦿꦒ꧀ꦠꦶꦠꦶꦃꦲꦤ꧀ꦤꦶꦥꦸꦤ꧀ꦏꦱꦤ꧀ꦢꦼꦂꦫꦏꦼꦤ꧀꧈​ꦏꦺꦴꦤ꧀ꦢꦸꦂ​ꦝꦠꦼꦁ​ꦏꦫꦠꦺꦴꦤ꧀ Tintagel꧈​ꦧꦺꦴꦠꦼꦤ꧀ꦲꦔꦼꦤ꧀ꦠꦺꦴꦱ꧀ꦱꦶ​ꦔꦼꦩ꧀ꦥꦭ꧀ꦭꦶꦥꦸꦤ꧀ꦥꦫ​ꦲꦧ꧀ꦢꦶ​ꦒꦼꦂꦩ​ꦠꦸꦮꦶꦤ꧀ꦲꦧ꧀ꦢꦶ​ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧉​ꦱꦢꦸꦩꦸꦒꦶꦤꦶꦥꦸꦤ꧀ꦲꦶꦁ​ꦏꦫꦠꦺꦴꦤ꧀ꦲꦺꦁ​ꦒꦭ꧀ꦭꦸꦩꦼꦧꦼꦠ꧀ꦲꦶꦁ​ꦥꦤ꧀ꦝꦥ꧈​ꦏꦥꦥꦒ꧀ꦒꦏꦼꦤ꧀ꦢꦺꦤꦶꦁ​ꦯꦁ​ꦦꦿꦩꦺꦱ꧀ꦮꦫꦶ꧈​ꦲꦶꦁ​ꦏꦁ​ꦩꦶꦉꦁ​ꦱ꧀ꦮꦫꦤꦶꦁ​ꦠꦶꦤ꧀ꦢꦏ꧀ꦏꦶꦥꦸꦤ꧀꧉​ꦏꦢꦺꦴꦱ꧀ꦲꦶꦁ​ꦏꦁ​ꦱꦩ꧀ꦥꦸꦤ꧀ꦱꦩ꧀ꦥꦸꦤ꧀꧈​ꦯꦁ​ꦦꦿꦩꦺꦱ꧀ꦮꦫꦶ​ꦲꦤꦩ꧀ꦥꦺꦤ꧀ꦤꦶ​ꦲꦒꦼꦩ꧀ꦩꦶꦥꦸꦤ꧀ꦥꦼꦝꦁ​꧈​ꦭꦗꦼꦁ​ꦲꦔꦠꦸꦂꦫꦏꦼꦤ꧀ꦥꦏꦸꦂꦩꦠ꧀ꦠꦤ꧀ꦱꦫꦤ​ꦲꦤ꧀ꦝꦶꦁ​ꦏꦸꦭ꧀ꦭꦏꦼꦤ꧀ꦱꦫꦶꦫ​ꦔꦤ꧀ꦠꦺꦴꦱ꧀ꦢꦸꦩꦸꦒꦶ​ꦲꦶꦁ​ꦱꦩ꧀ꦥꦺꦪꦤ꧀ꦤꦶꦥꦸꦤ꧀ꦱꦁ​ꦤꦠ꧉​ꦲꦱ꧀ꦠꦤꦶꦥꦸꦤ꧀ꦱꦁ​ꦦꦿꦩꦺꦱ꧀ꦮꦫꦶ​ꦤꦸꦤ꧀ꦠꦼꦤ꧀ꦢꦶꦥꦸꦤ꧀ꦲꦱ꧀ꦠ​ꦲꦶꦁ​ꦯꦁ​ꦦꦿꦧꦸ꧈​ꦏꦠꦫꦶꦏ꧀ꦩꦔꦶꦁ​ꦒꦶꦭ꧀ꦱꦸꦥꦢꦺꦴꦱ꧀ꦗꦸꦩꦼꦤꦼꦁ​꧉​ꦱꦉꦁ​ꦯꦁ​ꦦꦿꦩꦺꦱ꧀ꦮꦫꦶ​ꦲꦩꦿꦶꦏ꧀ꦱꦤ꧀ꦤꦶ​ꦥꦱꦸꦂꦪꦤ꧀ꦤꦶꦥꦸꦤ꧀ꦱꦁ​ꦤꦠ​ꦲꦩ꧀ꦧꦿꦧꦏ꧀ꦲꦧꦿꦶꦠ꧀ꦱꦔꦼꦠ꧀꧈​ꦏꦢꦺꦴꦱ꧀ꦤꦭꦶꦏ​ꦮꦺꦴꦤ꧀ꦠꦼꦤ꧀ꦲꦶꦁ​ꦥꦥꦤ꧀ꦥꦔꦺꦴꦧꦺꦴꦁ​ꦔꦤ꧀ꦫꦸꦩꦶꦪꦶꦤ꧀꧈​ꦲꦔꦶꦤ꧀ꦠꦼꦤ꧀ꦧꦶꦭꦶꦃ​ꦲꦁ​ꦒꦺꦤ꧀ꦤꦶꦥꦸꦤ꧀ꦢꦸꦏ​ꦯꦁ​ꦤꦠ​ꦮꦲꦸ​ꦩꦂꦒꦶ​ꦲꦔꦸꦤꦶꦔꦤ꧀ꦤꦶ​ꦧꦶꦭꦶꦃ​ꦦꦿꦧꦸ​ Tristan ꦢꦺꦫꦺꦁ​ꦏꦺꦱꦃ​ꦱꦏꦶꦁ​ꦲꦶꦁ​ Cornwallis꧉​ꦥꦔꦸꦤꦤ꧀ꦢꦶꦏꦤꦶꦥꦸꦤ꧀꧇​ꦎ꧈​ꦦꦔꦺꦫꦤ꧀ꦏꦁ​ꦩꦲ​ꦲꦒꦸꦁ​ꦥꦸꦤꦥ​ꦏꦏꦱꦶꦃ​ꦏꦸꦭ​ꦏꦲꦸꦤꦶꦁ​ꦔꦤ꧀ꦲꦶꦁ​ꦯꦁ​ꦤꦠ꧈​ꦱꦂꦠ​ꦱꦩ꧀ꦥꦸꦤ꧀ꦢꦶꦥꦸꦤ꧀ꦕꦼꦥꦼꦁ​꧉​ꦱꦤꦭꦶꦏ​ꦯꦁ​ꦦꦿꦩꦺꦱ꧀ꦮꦫꦶ​ꦏꦤ꧀ꦠꦏ꧈​ꦝꦮꦃ​ꦲꦶꦁ​ꦱꦩ꧀ꦥꦺꦪꦤ꧀ꦤꦶꦥꦸꦤ꧀ꦯꦁ​ꦦꦿꦧꦸ꧈​ꦯꦁ​ꦥꦸꦠꦿꦶ​ꦭꦗꦼꦁ​ꦢꦶꦥꦸꦤ꧀ꦥꦺꦴꦤ꧀ꦝꦺꦴꦁ​ꦏꦧꦼꦏ꧀ꦠ​ꦭꦸꦩꦼꦧꦼꦠ꧀꧈​ꦝꦠꦼꦁ​ꦲꦶꦁ​ꦢꦊꦩ꧀ꦱꦂꦠ​ꦢꦶꦥꦸꦤ꧀ꦲꦫꦱ꧀ꦱꦶ꧉​ꦧꦺꦴꦠꦼꦤ꧀ꦲꦤ꧀ꦠꦮꦶꦱ꧀ꦢꦔꦸ​ꦮꦸꦔꦸ​ꦱꦏꦶꦁ​ꦲꦁ​ꦒꦺꦤ꧀ꦤꦶꦥꦸꦤ꧀ꦏꦤ꧀ꦠꦏ꧉​ꦯꦁ​ꦤꦠ​ꦤꦸꦤ꧀ꦠꦼꦤ꧀ꦲꦤ꧀ꦢꦔꦸ꧈​ꦥꦔꦤ꧀ꦢꦶꦏꦤꦶꦥꦸꦤ꧀꧇​ꦪꦪꦶ꧈​ꦲꦥ​ꦩꦂꦩꦤꦺ​ꦢꦺꦤꦺ​ꦱꦶꦫ​ꦔꦤ꧀ꦠꦶ​ꦢꦢꦶ​ꦏꦤ꧀ꦠꦸ꧈​ꦲꦥ​ꦱꦶꦫ​ꦭꦒꦶ​ꦤꦤ꧀ꦝꦁ​ꦒꦼꦫꦃ꧉​

꧋ꦯꦁ​ꦦꦿꦩꦺꦱ꧀ꦮꦫꦶ​ꦩꦠꦸꦂ꧇​ꦝꦸꦃ​ꦯꦁ​ꦦꦿꦧꦸ꧈​ꦥꦸꦥꦸꦤ꧀ꦝꦺꦤ꧀ꦏꦮꦸꦭ꧈​ꦏꦮꦸꦭ​ꦲꦗꦿꦶꦃ​ꦱꦔꦼꦠ꧀꧈​ꦩꦂꦒꦶ​ꦏꦭ​ꦮꦲꦸ​ꦏꦠꦶꦔꦭ꧀ꦭꦶꦥꦸꦤ꧀ꦥꦢꦸꦏ​ꦢꦸꦏ​ꦱꦔꦼꦠ꧀꧉​

꧋ꦯꦁ​ꦤꦠ​ꦲꦔꦤ꧀ꦢꦶꦏ​ꦩꦭꦶꦃ꧇​ꦨꦼꦤꦼꦂ​ꦥꦚꦤꦤꦶꦫ​ꦲꦶꦏꦸ꧈​ꦪꦪꦶ꧈​ꦩꦸꦭꦤꦺ​ꦲꦶꦁ​ꦱꦸꦤ꧀ꦲꦺꦁ​ꦒꦭ꧀ꦧꦭꦶ꧈​ꦲꦮꦶꦠ꧀ꦲꦤ​ꦥꦿꦏꦫ​ꦏꦁ​ꦲꦒꦮꦺ​ꦱꦼꦏꦼꦭ꧀ꦭꦶꦁ​ꦥꦁ​ꦒꦭꦶꦃ​ꦲꦶꦁ​ꦱꦸꦤ꧀꧉​

꧋ꦯꦁ​ꦦꦿꦩꦺꦱ꧀ꦮꦫꦶ​ꦩꦠꦸꦂ​ꦩꦭꦶꦃ꧇​ꦝꦸꦃ꧈​ꦯꦁ​ꦤꦠ꧈​ꦩꦤꦮꦶ​ꦥꦫ​ꦒꦼꦂꦩ​ꦲꦶꦁ​ꦏꦁ​ꦲꦢꦩꦼꦭ꧀ꦱꦼꦏꦼꦭ꧀ꦭꦶꦁ​ꦥꦁ​ꦒꦭꦶꦃ꧈​ꦱꦏꦶꦁ​ꦥꦩꦁ​ꦒꦶꦃ​ꦏꦮꦸꦭ​ꦧꦺꦴꦠꦼꦤ꧀ꦥꦼꦂꦭꦸ​ꦥꦢꦸꦏ​ꦒꦭꦶꦃ​ꦱꦔꦼꦠ꧀ꦱꦔꦼꦠ꧀꧈​ꦲꦮꦶꦠ꧀ꦥꦿꦏꦮꦶꦱ꧀ꦩꦏꦠꦼꦤ꧀ꦥꦸꦤꦶꦏ​ꦱꦗꦠꦺꦴꦱ꧀ꦱꦶꦥꦸꦤ꧀ꦤꦩꦸꦁ​ꦥꦿꦏꦮꦶꦱ꧀ꦱꦥꦺꦭꦺ꧉

​꧋ꦯꦁ​ꦤꦠ​ꦩꦺꦱꦼꦩ꧀ꦲꦩꦶꦉꦁ​ꦔꦏꦼꦤ꧀ꦥꦔꦤ꧀ꦢꦶꦏꦤꦶꦥꦸꦤ꧀ꦱꦁ​ꦥꦸꦠꦿꦶ꧈​ꦥꦔꦤ꧀ꦢꦶꦏꦤꦶꦥꦸꦤ꧀꧇​ꦪꦪꦶ꧈​ꦏꦁ​ꦲꦚ꧀ꦗꦭꦂꦫꦶ​ꦢꦸꦏꦤꦶꦁ​ꦱꦸꦤ꧀ꦩꦲꦸ​ꦢꦸꦢꦸ​ꦥꦫ​ꦒꦼꦂꦩ꧈​ꦤꦔꦶꦁ​ꦧꦫꦺꦴꦤ꧀ꦠꦼꦠꦼꦭꦸ​ꦏꦁ​ꦥꦝ​ꦲꦭ​ꦲꦠꦶꦤꦺ​ꦱꦂꦠ​ꦢꦽꦁ​ꦏꦶ꧈​ꦪꦲꦶꦏꦸ Andret꧈​ Denoalen ꦭꦤ꧀ Gondoine꧉​ꦥꦫ​ꦧꦫꦺꦴꦤ꧀ꦩꦲꦸ​ꦤꦸꦭꦶ​ꦲꦶꦁ​ꦱꦸꦤ꧀ꦠꦸꦤ꧀ꦝꦸꦁ​ꦱꦸꦥꦪ​ꦭꦸꦔ​ꦱꦏ​ꦲꦶꦁ​ꦤꦒꦫꦶꦤꦶꦁ​ꦱꦸꦤ꧀ꦏꦺꦤꦺ꧈​ꦲꦮꦶꦠ꧀ꦱꦭꦮꦱ꧀ꦱꦺ​ꦩꦸꦁ​ꦲꦔ꧀ꦭꦶꦁ​ꦱꦼꦩ꧀ꦩꦏꦺ​ꦩꦫꦁ​ꦥꦚ꧀ꦗꦼꦤꦼꦁ​ꦔꦤ꧀ꦤꦶꦁ​ꦱꦸꦤ꧀ꦧꦲꦺ꧉​

꧋ꦯꦁ​ꦦꦿꦩꦺꦱ꧀ꦮꦫꦶ​ꦩꦠꦸꦂ꧇​ꦓꦸꦱ꧀ꦠꦶ꧈​ꦥꦸꦤꦥ​ꦢꦺꦴꦱꦤꦶꦥꦸꦤ꧀ꦠꦶꦪꦁ​ꦠꦶꦠꦶꦒ​ꦮꦲꦸ꧈​ꦢꦺꦤꦺ​ꦔꦤ꧀ꦠꦺꦴꦱ꧀ꦥꦢꦸꦏ​ꦏꦂꦱꦏ꧀ꦲꦏꦼꦤ꧀ꦏꦺꦱꦃ​ꦱꦏꦶꦁ​ꦲꦶꦁ​ Cornwallis꧉​ꦩꦤꦮꦶ​ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦲꦔꦮꦺꦴꦤ꧀ꦲꦮꦺꦴꦤ꧀ꦝꦠꦼꦁ​ꦏꦮꦸꦭ​ꦩꦭꦶꦃ꧈​ꦢꦺꦴꦱ​ꦥꦸꦤꦥ​ꦲꦶꦁ​ꦏꦁ​ꦏꦲꦠꦸꦂꦫꦏꦼꦤ꧀ꦲꦶꦁ​ꦥꦢꦸꦏ꧉​

꧋ꦝꦮꦸꦃ​ꦥꦔꦤ꧀ꦢꦶꦏꦤꦶꦥꦸꦤ꧀ꦱꦁ​ꦦꦿꦧꦸ꧇​ꦪꦪꦶ꧈​ꦥꦿꦏꦫ​ꦲꦶꦏꦸ​ꦲꦺꦴꦫ​ꦲꦤ​ꦥꦲꦺꦢꦃꦲꦺ​ꦢꦶꦉꦩ꧀ꦧꦸꦒ꧀ꦩꦤꦺꦃ꧈​ꦗꦭꦂꦫꦤ꧀ꦧꦫꦺꦴꦤ꧀ꦩꦲꦸ​ꦮꦶꦱ꧀ꦥꦝ​ꦲꦶꦁ​ꦱꦸꦤ꧀ꦠꦸꦤ꧀ꦝꦸꦁ​꧉​

꧋ꦯꦁ​ꦦꦿꦩꦺꦱ꧀ꦮꦫꦶ​ꦤꦸꦤ꧀ꦠꦼꦤ꧀ꦤꦼꦩ꧀ꦧꦃ꧈​ꦲꦠꦸꦂꦫꦶꦥꦸꦤ꧀꧇​ꦎ꧈​ꦧꦺꦴꦠꦼꦤ꧀ꦩꦏꦠꦼꦤ꧀꧈​ꦯꦁ​ꦦꦿꦧꦸ꧈​ꦱꦢꦪ​ꦠꦶꦪꦁ​ꦥꦸꦤꦶꦏ​ꦒꦝꦃ​ꦲꦏ꧀ꦲꦔ꧀ꦭꦲꦶꦂꦫꦏꦼꦤ꧀ꦥꦩꦁ​ꦒꦶꦃꦲꦶꦥꦸꦤ꧀꧉​ꦩꦏꦠꦼꦤ꧀ꦲꦸꦒꦶ​ꦏꦮꦸꦭ​ꦲꦶꦁ​ꦒꦶꦃ​ꦒꦝꦃ​ꦲꦏ꧀꧈​ꦲꦚꦸꦩꦼꦉꦥ꧀ꦥꦶ​ꦥꦤ꧀ꦢꦏ꧀ꦮ​ꦲꦮꦺꦴꦤ꧀ꦲꦶꦁ​ꦏꦁ​ꦏꦝꦮꦃꦲꦏꦼꦤ꧀ꦝꦠꦼꦁ​ꦏꦮꦸꦭ​ꦮꦲꦸ꧉​ꦱꦶꦤ꧀ꦠꦼꦤ꧀ꦲꦶꦁ​ꦏꦁ​ꦧꦝꦺ​ꦱꦸꦏ​ꦱꦸꦩꦼꦉꦥ꧀ꦝꦠꦼꦁ​ꦏꦮꦸꦭ꧈​ꦩꦤꦮꦶ​ꦥꦢꦸꦏ​ꦧꦺꦴꦠꦼꦤ꧀ꦏꦂꦱ​ꦲꦤ꧀ꦝꦮꦸꦃꦲꦏꦼꦤ꧀꧉​ꦮꦺꦴꦤ꧀ꦠꦼꦤ꧀ꦲꦶꦁ​ꦔꦿꦶꦏꦶ​ꦏꦮꦸꦭ​ꦫꦸꦩꦲꦺꦴꦱ꧀ꦭꦺꦴꦭ꧈​ꦤꦩꦸꦁ​ꦥꦢꦸꦏ​ꦫꦠꦸ​ꦏꦮꦸꦭ꧈​ꦠꦸꦮꦶꦤ꧀ꦲꦶꦁ​ꦏꦁ​ꦏꦼꦢꦃ​ꦲꦚ꧀ꦗꦒꦶ​ꦝꦠꦼꦁ​ꦏꦮꦶꦭꦸꦗꦼꦁ​ꦔꦤ꧀ꦠꦸꦮꦶꦤ꧀ꦱꦲꦺꦤꦶꦁ​ꦤꦩ​ꦏꦮꦸꦭ꧉​

꧋ꦥꦔꦤ꧀ꦢꦶꦏꦤꦶꦥꦸꦤ꧀ꦱꦁ​ꦦꦿꦧꦸ꧉​ꦪꦺꦤ꧀ꦩꦁ​ꦏꦺꦴꦤꦺꦴ​ꦏꦂꦱꦤꦶꦫ꧈​ꦲꦶꦁ​ꦱꦸꦤ꧀ꦲꦶꦪ​ꦧꦏꦭ꧀ꦚꦫꦶꦠꦏ꧀ꦲꦏꦺ​ꦲꦠꦸꦂꦫꦺ​ꦮꦺꦴꦁ​ꦮꦺꦴꦁ​ꦏꦁ​ꦢꦽꦁ​ꦏꦶ​ꦩꦲꦸ꧈​ꦩꦸꦁ​ꦒꦸꦃ​ꦏꦁ​ꦢꦢꦶ​ꦲꦠꦸꦂꦫꦺ꧇​ꦩꦤꦸꦠ꧀ꦥꦤꦼꦩꦸꦤꦺ꧈​ꦱꦸꦥꦪ​ꦥꦤ꧀ꦢꦏ꧀ꦮ​ꦲꦭ​ꦏꦁ​ꦮꦶꦱ꧀ꦠꦸꦩꦶꦧ​ꦲꦶꦁ​ꦱꦶꦫ​ꦧꦶꦪꦺꦤ꧀ꦧꦶꦱ​ꦱꦶꦂꦤ​ꦧꦧꦂꦥꦶꦱꦤ꧀꧈​ꦱꦶꦫ​ꦏꦸꦢꦸ​ꦲꦔ꧀ꦭꦏꦺꦴꦤ꧀ꦤꦶ​ꦱꦸꦩ꧀ꦥꦃ​ꦲ