Kaca:Kajawen 40 1927-10-06.pdf/9

Saka Wikisumber
Menyang navigasi Menyang panggolèkan
Kaca iki durung katitiwaca

꧋ꦕꦫꦶꦪꦺꦴꦱ꧀ꦱꦮꦠꦮꦶꦱ꧀ꦧꦧ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦪꦸꦒ꧈​ꦲꦶꦁ​ꦏꦁ​ꦥꦶꦤꦁ​ꦒꦶꦃ​ꦮꦺꦴꦤ꧀ꦠꦼꦤ꧀ꦲꦶꦁ​ꦥꦿꦶꦩ꧀ꦧꦺꦴꦤ꧀꧉​

꧋ꦕꦤ꧀ꦝꦏ꧀ꦏꦶꦥꦸꦤ꧀ꦏꦗꦮꦺꦤ꧀ꦎꦁ​ꦏ 39.

꧋ꦩꦶꦠꦸꦫꦸꦠ꧀ꦥꦿꦶꦩ꧀ꦧꦺꦴꦤ꧀ꦥꦿꦶꦩ꧀ꦧꦺꦴꦤ꧀ꦲꦶꦁ​ꦏꦁ​ꦱꦩ꧀ꦥꦸꦤ꧀ꦏꦕꦫꦶꦪꦺꦴꦱ꧀ꦱꦏꦼꦤ꧀ꦱꦮꦠꦮꦶꦱ꧀ꦲꦶꦁ​ꦏꦗꦮꦺꦤ꧀꧈​ꦎꦁ​ꦏ​꧇꧓꧙꧇​꧈​ꦲꦶꦁ​ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦢꦺꦴꦚ​ꦒꦸꦩꦼꦭꦂ꧈​ꦦꦔꦺꦫꦤ꧀ꦭꦗꦼꦁ​ꦲꦤꦶꦠꦃꦲꦏꦼꦤ꧀꧇​ꦟꦧꦶ​ꦄꦢꦩ꧀꧉​ꦱꦥꦼꦁ​ꦏꦼꦂꦫꦶꦥꦸꦤ꧀ꦤꦧꦶ​ꦄꦢꦩ꧀꧇​ꦲꦭꦩ꧀ꦏꦼꦂꦠ꧉​ꦲꦶꦁ​ꦒꦶꦃ​ꦲꦶꦁ​ꦲꦭꦩ꧀ꦏꦼꦂꦠ​ꦥꦸꦤꦶꦏ​ꦠꦸꦩꦶꦠꦃꦲꦶꦥꦸꦤ꧀ꦤꦧꦶ​ꦆꦢꦿꦶꦱ꧀꧈​ꦠꦸꦮꦶꦤ꧀ꦤꦨꦶ​ꦟꦸꦃ꧉​ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦲꦭꦩ꧀ꦥꦸꦤꦶꦏ꧈​ꦭꦗꦼꦁ​ꦲꦭꦩ꧀ꦢꦸꦥꦫ꧈​ꦠꦸꦩꦶꦠꦃꦲꦶꦥꦸꦤ꧀ꦤꦨꦶ​ꦆꦨꦿꦲꦶꦩ꧀꧈​ꦭꦤ꧀ꦤꦨꦶ​ꦩꦸꦯ꧉​ꦱꦧꦶꦧꦂꦫꦶꦥꦸꦤ꧀ꦭꦗꦼꦁ​ꦲꦭꦩ꧀ꦏꦭꦶꦪꦸꦒ꧉​ꦲꦶꦁ​ꦗꦩꦤ꧀ꦥꦸꦤꦶꦏ​ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦤꦨꦶ​ꦆꦯ​ꦭꦤ꧀ꦤꦨꦶ​ꦩꦸꦃꦲꦩꦢ꧀꧈​ꦥꦸꦤꦥ​ꦩꦭꦶꦃ​ꦲꦭꦩ꧀ꦩꦶꦥꦸꦤ꧀ꦥꦫ​ꦫꦠꦸ​ꦲꦶꦁ​ꦠꦤꦃ​ꦗꦮꦶ꧈​ꦲꦶꦁ​ꦦꦗꦗꦂꦫꦤ꧀꧈​ꦠꦸꦮꦶꦤ꧀ꦲꦶꦁ​ꦑꦂꦠ꧈​ꦱꦲ​ꦥꦫ​ꦮꦭꦶꦱꦔ꧉​

꧋ꦥꦸꦤꦥꦢꦺꦤꦺ​ꦲꦶꦁ​ꦥꦿꦶꦩ꧀ꦧꦺꦴꦤ꧀ꦚꦫꦶꦪꦺꦴꦱ꧀ꦱꦏꦼꦤ꧀꧈​ꦲꦶꦁ​ꦱꦭꦗꦼꦁ​ꦔꦶꦥꦸꦤ꧀ꦲꦶꦁ​ꦠꦤꦃ​ꦗꦮꦶ​ꦤꦸꦤ꧀ꦠꦼꦤ꧀ꦠꦤ꧀ꦱꦃ​ꦢꦲꦸꦫꦸ꧈​ꦏꦛꦃ​ꦏꦫꦶꦱꦏ꧀ꦏꦤ꧀ꦭꦤ꧀ꦥꦼꦥꦼꦗꦃ꧉​ꦮꦸꦱꦤ​ꦫꦠꦸ​ꦥꦶꦥꦶꦠꦸ​ꦲꦶꦁ​ꦠꦤꦃ​ꦗꦮꦶ​ꦢꦭꦃ​ꦱꦮꦢꦾꦧꦭꦤꦶꦥꦸꦤ꧀ꦲꦶꦁ​ꦏꦁ​ꦱꦩꦶ​ꦲꦁ​ꦱꦭ꧀ꦲꦶꦩꦤ꧀꧈​ꦮꦂꦤꦶꦤꦶꦥꦸꦤ꧀ꦭꦗꦼꦁ​ꦱꦩꦶ​ꦢꦢꦺꦴꦱ꧀ꦧꦒꦸꦱ꧀ꦧꦒꦸꦱ꧀ꦱꦢꦪ꧈​ꦱꦲ​ꦭꦗꦼꦁ​ꦱꦩꦶ​ꦱꦼꦏ꧀ꦠꦶ​ꦩꦺꦴꦤ꧀ꦢꦿꦒꦸꦤ꧉​ꦥꦫ​ꦫꦠꦸ​ꦲꦶꦁ​ꦏꦁ​ꦱꦩꦶ​ꦲꦁ​ꦱꦭ꧀ꦲꦶꦩꦤ꧀ꦮꦲꦸ꧈​ꦭꦗꦼꦁ​ꦱꦩꦶ​ꦠꦼꦭꦸꦏ꧀ꦝꦠꦼꦁ​ꦱꦠꦸꦁ​ꦒꦶꦭ꧀ꦭꦶꦁ​ꦤꦠ꧈​ꦲꦶꦁ​ꦏꦁ​ꦲꦗꦸꦗꦸꦭꦸꦏ꧀꧇​ꦑꦁ​ꦗꦼꦁ​ꦥꦔꦺꦫꦤ꧀ꦑꦸꦢꦿꦠ꧀ꦠꦸꦭ꧀ꦭꦃ꧈​ꦱꦲ​ꦲꦶꦁ​ꦏꦁ​ꦩꦼꦤ꧀ꦠꦱ꧀ꦲꦠꦥ​ꦮꦺꦴꦤ꧀ꦠꦼꦤ꧀ꦲꦶꦁ​ꦉꦢꦶ​ꦯꦶꦂꦩꦭ꧉​ꦫꦮꦸꦃꦲꦶꦥꦸꦤ꧀ꦱꦁ​ꦑꦸꦢꦿꦠ꧀ꦠꦸꦭ꧀ꦭꦃ​ꦮꦲꦸ꧈​ꦥꦽꦭꦸ​ꦧꦝꦺ​ꦩꦶꦱꦃ​ꦝꦠꦼꦁ​ꦲꦶꦁ​ꦏꦁ​ꦱꦩꦶ​ꦠꦤ꧀ꦱꦃ​ꦲꦧꦺꦴꦤ꧀ꦢꦪꦸꦢ꧉​ꦲꦶꦁ​ꦒꦶꦃ​ꦯꦁ​ꦑꦸꦢꦿꦠ꧀ꦠꦸꦭ꧀ꦭꦃ​ꦥꦸꦤꦶꦏ​ꦲꦶꦁ​ꦏꦁ​[2] ꦲꦔꦿꦠꦺꦴꦤ꧀ꦤꦶ​ꦲꦶꦁ​ꦠꦤꦃ​ꦗꦮꦶ​ꦱꦲ​ꦭꦗꦼꦁ​ꦲꦔꦝꦠꦺꦴꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦩꦼꦝꦁ​ꦏꦩꦸꦭꦤ꧀꧉​ꦲꦶꦁ​ꦱꦉꦃꦤꦶꦁ​ꦥꦔꦿꦺꦃꦲꦶꦥꦸꦤ꧀ꦲꦶꦁ​ꦠꦤꦃ​ꦗꦮꦶ​ꦮꦲꦸ​ꦥꦚ꧀ꦕꦺꦤ꧀ꦤꦩꦸꦁ​ꦏꦁ​ꦒꦺ​ꦲꦩꦶꦠꦸꦭꦸꦁ​ꦔꦶ​ꦏꦫꦶꦱꦏ꧀ꦏꦤ꧀ꦏꦺꦩꦮꦺꦴꦤ꧀꧈​ꦢꦢꦺꦴꦱ꧀ꦥꦤꦶꦤ꧀ꦢꦏ꧀ꦏꦶꦁ​ꦥꦥꦿꦺꦤ꧀ꦠꦃꦲꦤ꧀ꦤꦶꦥꦸꦤ꧀ꦫꦠꦸ​ꦮꦲꦸ​ꦱꦩ꧀ꦥꦸꦤ꧀ꦠꦩ꧀ꦠꦸ​ꦲꦢꦶꦭ꧀ꦥꦫꦩꦂꦠ꧉​ꦢꦺꦤꦺ​ꦥꦫ​ꦫꦠꦸ​ꦲꦶꦁ​ꦏꦁ​ꦱꦩꦶ​ꦠꦼꦭꦸꦏ꧀ꦮꦲꦸ꧈​ꦲꦶꦁ​ꦏꦁ​ꦲꦭꦶꦩ꧀ꦏꦠꦼꦠꦼꦥ꧀ꦥꦏꦼꦤ꧀ꦢꦢꦺꦴꦱ꧀ꦥꦔꦸꦭꦸ꧈​ꦲꦶꦁ​ꦏꦁ​ꦩꦺꦴꦩꦺꦴꦠ꧀ꦏꦢꦢꦺꦴꦱ꧀ꦱꦏꦼꦤ꧀ꦗꦏ꧀ꦱ꧈​ꦲꦶꦁ​ꦏꦁ​ꦲꦢꦶꦭ꧀ꦏꦢꦢꦺꦴꦱ꧀ꦱꦏꦼꦤ꧀ꦥꦠꦶꦃ꧈​ꦱꦲ​ꦱꦩꦶ​ꦏꦢꦸꦤꦸꦁ​ꦔꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦕꦶꦉꦨꦺꦴꦤ꧀꧈​ꦨꦤ꧀ꦠꦼꦤ꧀ꦭꦤ꧀ꦲꦶꦁ​ꦩꦡꦫꦩ꧀꧉​

꧋ꦥꦫꦶꦧꦱꦤ꧀ꦤꦶꦥꦸꦤ꧀꧈​ꦲꦶꦁ​ꦗꦩꦤ꧀ꦥꦸꦤꦶꦏ​ꦗꦩꦤ꧀ꦲꦼꦩꦱ꧀꧈​ꦥꦶꦏꦗꦼꦁ​ꦔꦶꦥꦸꦤ꧀꧇​ꦱꦏꦶꦁ​ꦠꦠ​ꦫꦲꦂꦗꦤꦶꦁ​ꦥꦿꦗ꧈​ꦩꦶꦫꦃ​ꦱꦤ꧀ꦝꦁ​ꦭꦤ꧀ꦠꦼꦝ꧈​ꦔꦤ꧀ꦠꦺꦴꦱ꧀ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀ꦠꦶꦪꦁ​ꦲꦶꦁ​ꦏꦁ​ꦱꦩꦶ​ꦭꦩ꧀ꦥꦃ​ꦢꦸꦂꦗꦤ​ꦗꦸꦠꦶ꧉​ꦱꦝꦺꦔꦃ​ꦥꦿꦤꦠꦤ꧀ꦲꦸꦠꦮꦶ​ꦥꦥꦿꦺꦤ꧀ꦠꦃꦲꦤ꧀ꦢꦶꦥꦸꦤ꧀ꦠꦶꦤ꧀ꦢꦏ꧀ꦏꦏꦼꦤ꧀ꦏꦭꦶꦪꦤ꧀ꦲꦢꦶꦭ꧀ꦱꦪꦼꦏ꧀ꦠꦺꦴꦱ꧀꧉​ꦩꦼꦁ​ꦒꦃ​ꦱꦗꦠꦺꦴꦱ꧀ꦱꦶꦥꦸꦤ꧀ꦲꦶꦁ​ꦏꦁ​ꦗꦸꦩꦼꦤꦼꦁ​ꦫꦠꦸ​ꦲꦢꦶꦭ꧀ꦮꦲꦸ꧈​ꦏꦕꦫꦶꦪꦺꦴꦱ꧀꧇​ ꦟꦧꦶ​ꦆꦯ꧈​ꦱꦂꦠ​ꦲꦁ​ꦒꦺꦤ꧀ꦤꦶꦥꦸꦤ꧀ꦔꦱ꧀ꦠ​ꦥꦥꦿꦺꦤ꧀ꦠꦃꦲꦤ꧀ꦲꦶꦁ​ꦏꦁ​ꦲꦢꦶꦭ꧀ꦮꦲꦸ​ 607 ꦠꦲꦸꦤ꧀ꦭꦩꦶꦤꦶꦥꦸꦤ꧀꧈​ꦱꦭꦗꦼꦁ​ꦔꦶꦥꦸꦤ꧀ꦱꦢꦪ​ꦱꦼꦫꦠ꧀ꦱꦼꦫꦠ꧀ꦠꦤ꧀ꦢꦶꦥꦸꦤ꧀ꦊꦧꦸꦂ​ꦢꦺꦤꦶꦁ​ꦲꦶꦁ​ꦏꦁ​ꦩꦲ​ꦏꦮꦱ꧈​ꦮꦶꦮꦶꦠ꧀ꦠꦶꦥꦸꦤ꧀ꦢꦶꦥꦸꦤ꧀ꦫꦶꦱꦏ꧀ꦲꦶꦁ​ꦢꦶꦤ꧀ꦠꦼꦤ꧀ꦱꦧ꧀ꦠꦸ​ꦠꦁ​ꦒꦭ꧀ꦏꦥꦶꦁ​ 1 ꦮꦸꦭꦤ꧀ꦱꦸꦫ꧉​ꦲꦶꦁ​ꦥꦿꦶꦩ꧀ꦧꦺꦴꦤ꧀ꦏꦠꦿꦁ​ꦔꦤ꧀ꦤꦶꦁ​ꦠꦲꦸꦤ꧀ꦤꦶꦥꦸꦤ꧀ꦧꦺꦴꦠꦼꦤ꧀ꦏꦱꦼꦧꦸꦠ꧀ꦠꦏꦼꦤ꧀꧉​ꦤꦭꦶꦏ​ꦧꦝꦺ​ꦥꦔ꧀ꦭꦼꦧꦸꦂꦫꦶꦥꦸꦤ꧀ꦱꦼꦫꦠ꧀ꦱꦼꦫꦠ꧀ꦮꦲꦸ꧈​ꦔꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦒꦫ​ꦒꦫ꧇​ꦗꦮꦃ​ꦢꦼꦉꦱ꧀꧈​ꦒꦼꦭꦥ꧀ꦲꦔꦩ꧀ꦥꦂ​ꦲꦩ꧀ꦥꦂ​ꦔꦤ꧀ꦠꦺꦴꦱ꧀ 3 ꦠꦲꦸꦤ꧀ꦭꦩꦶꦤꦶꦥꦸꦤ꧀꧈​ꦗꦮꦃ​ꦭꦠꦸ​ 3 ꦠꦲꦸꦤ꧀꧈​ꦭꦶꦤ꧀ꦝꦸ 7 ꦠꦲꦸꦤ꧀ 7 ꦮꦸꦭꦤ꧀ 7 ꦢꦶꦤ꧀ꦠꦼꦤ꧀꧉​

꧋ꦮꦮꦱ꧀ꦱꦤ꧀ꦠꦸꦩꦿꦥ꧀ꦕꦕꦿꦶꦪꦺꦴꦱ꧀ꦱꦤ꧀ꦆꦱ꧀ꦭꦩ꧀ꦧꦧ꧀ꦮꦺꦴꦤ꧀ꦠꦼ