Kaca:Kajawen 40 1927-10-06.pdf/8

Saka Wikisumber
Kaca iki durung katitiwaca

꧋ꦏꦠꦿꦁ​ꦔꦤ꧀꧈

꧋ꦏꦮꦿꦠ꧀ꦲꦶꦁ​ꦏꦗꦮꦺꦤ꧀ꦎꦁ​ꦏ꧓꧘꧈​ꦥꦚ꧀ꦗꦼꦤꦼꦁ​ꦔꦤ꧀ꦤꦶꦥꦸꦤ꧀ꦱꦝꦺꦫꦺꦏ꧀ ꦮ꧈​ꦲꦤ꧀ꦢꦔꦸ​ꦧꦧ꧀ꦠꦼꦒꦼꦱ꧀ꦱꦶꦥꦸꦤ꧀ꦥꦫꦶꦧꦱꦤ꧀꧉​ꦥꦚ꧀ꦗꦼꦤꦼꦁ​ꦔꦤ꧀ꦤꦶꦥꦸꦤ꧀ꦱꦩ꧀ꦥꦸꦤ꧀ꦢꦔꦸ​ꦲꦁ​ꦒꦺꦤ꧀ꦤꦶꦥꦸꦤ꧀ꦚꦶꦩ꧀ꦥꦼꦤ꧀ꦥꦫꦶꦧꦱꦤ꧀ꦮꦲꦸ꧇​ꦤꦔꦶꦁ​ꦢꦺꦫꦺꦁ​ꦔꦽꦠꦺꦴꦱ꧀ꦠꦼꦒꦼꦱ꧀ꦱꦶꦥꦸꦤ꧀꧉​

꧋ꦏꦊꦉꦱ꧀ꦱꦤ꧀ꦱꦂꦠ​ꦏꦥꦱꦁ​ꦪꦺꦴꦒꦾ​ꦱꦔꦼꦠ꧀꧈​ꦢꦺꦤꦺ​ꦏꦸꦭ​ꦲꦶꦁ​ꦒꦶꦃ​ꦒꦝꦃ​ꦥꦺꦔꦼꦠ꧀ꦠꦤ꧀ꦲꦶꦁ​ꦏꦁ​ꦲꦶꦱꦶ​ꦥꦫꦶꦧꦱꦤ꧀ꦮꦲꦸ꧈​ꦗꦁ​ꦏꦼꦥ꧀ꦱꦏꦠꦿꦁ​ꦔꦤ꧀ꦤꦶꦥꦸꦤ꧀ꦥꦶꦱꦤ꧀꧈​ꦩꦶꦭ​ꦲꦶꦁ​ꦫꦶꦏꦶ​ꦏꦸꦭ​ꦲꦠꦸꦂꦫꦏꦼꦤ꧀ꦥꦸꦤꦥ​ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀꧉​

꧑ ꧋ꦲꦩ꧀ꦧꦭꦶ​ꦩꦸꦏ​ꦲꦩꦶꦒꦤ꧀ꦠꦏ꧉​

꧋ꦠꦼꦒꦼꦱ꧀ꦱꦶꦁ​ꦠꦼꦩ꧀ꦧꦸꦁ​꧇​ꦲꦩꦭꦶꦏ꧀ꦫꦲꦶ​ꦲꦚꦶꦁ​ꦏꦶꦂꦫꦶ​ꦥꦼꦗꦃ꧉​ꦏꦗꦼꦁ​ꦔꦶꦥꦸꦤ꧀꧇​ꦲꦚꦺꦭꦏ꧀ꦏꦶ​ꦗꦚ꧀ꦗꦶ​ꦧꦝꦺ​ꦚꦼꦚꦸꦏꦤ꧀ꦤꦶ꧉​ꦢꦢꦺꦴꦱ꧀ꦧꦺꦴꦠꦼꦤ꧀ꦱꦲꦺꦱ꧀ꦠꦸ​ꦚꦸꦏꦤ꧀ꦤꦶ꧉​

꧒ ꧋ꦲꦁ​ꦒꦸꦥꦶꦠ​ꦱꦧ꧀ꦢ꧉​

꧋ꦠꦼꦒꦼꦱ꧀ꦱꦶꦁ​ꦠꦼꦩ꧀ꦧꦸꦁ​꧇​ꦔꦁ​ꦒꦶꦠ꧀ꦒꦶꦤꦼꦩ꧀(ꦲꦁ​ꦒꦸꦥꦶꦠ=ꦔꦁ​ꦒꦶꦠ꧀꧈​ꦔꦿꦸꦩ꧀ꦥꦏ)꧉​ꦏꦗꦼꦁ​ꦔꦶꦥꦸꦤ꧀꧇​ꦠꦶꦪꦁ​ꦢꦩꦼꦭ꧀ꦢꦩꦼꦭ꧀ꦲꦸꦠꦮꦶ​ꦔꦛꦶꦏ꧀ꦲꦛꦶꦏ꧀ꦲꦸꦗꦂ꧉​

꧓ ꧋ꦕꦺꦴꦤ꧀ꦢꦿ​ꦏꦭꦩꦸꦏ꧀ꦏꦤ꧀ꦧꦸꦢ꧉​

꧋ꦠꦼꦒꦼꦱ꧀ꦱꦶꦁ​ꦠꦼꦩ꧀ꦧꦸꦁ​꧇​ꦕꦺꦴꦤ꧀ꦢꦿ=ꦉꦩ꧀ꦧꦸꦭꦤ꧀꧈​ꦏꦭꦩꦸꦏ꧀ꦏꦤ꧀=ꦏꦲꦭꦶꦁ​ꦔꦤ꧀ꦥꦼꦝꦸꦠ꧀꧈​ꦧꦸꦢ=ꦮꦸꦢ​(ꦧꦸꦢꦶ)꧈​ꦏꦗꦼꦁ​ꦔꦶꦥꦸꦤ꧀꧇​ꦠꦶꦪꦁ​ꦏꦠꦂꦏ​ꦧꦺꦴꦠꦼꦤ꧀ꦊꦉꦱ꧀꧇​ꦠꦼꦫꦁ​ꦔꦶꦥꦸꦤ꧀꧇​ꦠꦶꦪꦁ​ꦧꦺꦴꦠꦼꦤ꧀ꦉꦒꦼꦢ꧀ꦢꦶꦥꦸꦤ꧀ꦠꦂꦏ꧉​

꧔ ꧋ꦕꦠꦸꦂ​ꦩꦁ​ꦒꦭ꧉​

꧋ꦠꦼꦒꦼꦱ꧀ꦱꦶꦁ​ꦠꦼꦩ꧀ꦧꦸꦁ​꧇​ꦕꦠꦸꦂ=ꦱꦏꦮꦤ꧀꧈​ꦩꦁ​ꦒꦭ=ꦥꦔꦒꦼꦁ​꧈​ꦥꦔꦗꦼꦁ​꧈​ꦲꦸꦠꦮꦶ​ꦲꦸꦫꦁ​꧉​ꦲꦶꦁ​ꦫꦶꦏꦶ​ꦲꦶꦁ​ꦏꦁ​ꦢꦶꦥꦸꦤ꧀ꦏꦗꦼꦁ​ꦔꦏꦼꦤ꧀ꦕꦠꦸꦂ​ꦩꦁ​ꦒꦭ꧈​ꦥꦔꦒꦼꦁ​ꦱꦏꦮꦤ꧀꧈​ꦲꦶꦁ​ꦒꦶꦃ​ꦥꦸꦤꦶꦏ꧇​ꦥꦠꦶꦃ꧈​ꦥꦔꦸꦭꦸ꧈​ꦗꦼꦏ꧀ꦱ꧈​ꦥꦸꦗꦺꦴꦁ​ꦒ꧉​

꧕ ꧋ꦱꦫ​ꦥꦿꦤ​ꦥꦤ꧀ꦝꦶꦠ​ꦩꦸꦂꦕꦶꦠ꧉​

꧋ꦤꦗꦤ꧀ꦲꦶꦁ​ꦏꦗꦮꦺꦤ꧀ꦩꦸꦔꦼꦭ꧀꧇​ꦱꦫꦥꦿꦢ​ꦥꦤ꧀ꦝꦶꦠ​ꦩꦸꦂꦕꦶꦠ꧈​ꦲꦺꦮꦢꦺꦤꦺ​ꦧꦺꦴꦏ꧀ꦩꦤꦮꦶ​ꦊꦥꦠ꧀ꦥꦔꦼꦱꦺꦠ꧀ꦠꦶꦥꦸꦤ꧀꧉​

꧋ꦠꦼꦒꦼꦱ꧀ꦱꦶꦁ​ꦠꦼꦩ꧀ꦧꦸꦁ​꧇​ꦱꦫ=ꦭꦭꦤ꧀ꦝꦼꦥ꧀꧇​ꦗꦼꦩ꧀ꦥꦫꦶꦁ​꧈​ꦥꦿꦤ=ꦩꦤꦃ꧇​ꦧꦸꦢꦶ꧇​ꦮꦠꦼꦏ꧀꧈​ꦩꦸꦂꦕꦶꦠ=ꦩꦸꦱ꧀ꦤ꧇​ꦏ꧀ꦭꦼꦔꦼꦂ꧇​ꦝꦮꦃ꧉​ꦏꦗꦼꦁ​ꦔꦶꦥꦸꦤ꧀꧇​ꦥꦤ꧀ꦝꦶꦠ​ꦝꦸꦩꦮꦃ​ꦲꦶꦁ​ꦠꦶꦮꦱ꧀꧈​ꦲꦩꦂꦒꦶ​ꦱꦏꦶꦁ​ꦩꦸꦭꦁ​ꦔꦺꦭ꧀ꦩꦸ​ꦏꦢꦸꦂꦗꦤꦤ꧀(ꦚꦸꦏꦤ꧀ꦤꦶ​ꦱꦫꦠ꧀ꦝꦠꦼꦁ​ꦢꦸꦂꦗꦤ)꧉​

꧋ꦱꦫ​ꦥꦿꦤ​ꦏꦗꦼꦁ​ꦔꦶꦥꦸꦤ꧀ꦚꦸꦏꦤ꧀ꦤꦶ​ꦢꦢꦩꦼꦭ꧀ꦭꦶꦁ​ꦩꦤꦃ꧉​(ꦥꦩ꧀ꦧꦸꦢꦶ​ꦲꦸꦠꦮꦶ​ꦥꦿꦠꦶꦏꦼꦭ꧀)꧉​

꧋ꦤꦩꦸꦁ​ꦱꦩꦤ꧀ꦠꦼꦤ꧀ꦲꦠꦸꦂ​ꦏꦸꦭ꧈​ꦩꦸꦒꦶ​ꦲꦤ꧀ꦢꦢꦺꦴꦱ꧀ꦤ​ꦥꦫꦶꦏ꧀ꦱ꧉​ꦏꦗꦮꦶ​ꦥꦸꦤꦶꦏ꧈​ꦏꦛꦃ​ꦥꦤꦸꦁ​ꦒꦶꦭ꧀ꦭꦤ꧀ꦤꦶꦥꦸꦤ꧀ꦥꦫꦶꦧꦱꦤ꧀ꦲꦶꦁ​ꦏꦁ​ꦏꦢꦺꦴꦱ꧀ꦩꦏꦠꦼꦤ꧀ꦮꦲꦸ꧈​ꦲꦶꦁ​ꦏꦁ​ꦱꦩꦁ​ꦏꦺ​ꦱꦩ꧀ꦥꦸꦤ꧀ꦲꦮꦶꦱ꧀ꦲꦶꦁ​ꦏꦁ​ꦩꦔꦼꦂꦠꦺꦴꦱ꧀꧈​ꦩꦭꦃ​ꦩꦶꦉꦁ​ꦏꦺꦩꦮꦺꦴꦤ꧀ꦲꦶꦁ​ꦒꦶꦃ​ꦧꦺꦴꦠꦼꦤ꧀ꦤꦠꦺ꧉​ꦢꦺꦤꦺ​ꦭꦶꦩꦿꦃꦲꦶꦥꦸꦤ꧀꧈​ꦲꦶꦁ​ꦒꦶꦃ​ꦤꦩꦸꦁ​ꦝꦠꦼꦁ​ꦥꦫꦶꦧꦱꦤ꧀ꦲꦶꦁ​ꦏꦁ​ꦲꦱꦿꦶꦁ​ꦏꦱꦿꦩ꧀ꦧꦃ​ꦮꦺꦴꦤ꧀ꦠꦼꦤ꧀ꦲꦶꦁ​ꦒꦶꦤꦼꦩ꧀ꦲꦸꦠꦮꦶ​ꦲꦶꦁ​ꦱꦼꦫꦠ꧀ꦱꦼꦫꦠ꧀꧉​

꧋K.M. ꦯꦱꦿꦱꦸꦩꦂꦠ꧉​