Kaca:Kajawen 40 1927-10-06.pdf/10

Saka Wikisumber
Menyang navigasi Menyang panggolèkan
Kaca iki durung katitiwaca

ꦤꦶꦥꦸꦤ꧀ꦪꦸꦒ​ꦱꦏꦮꦤ꧀꧈​ꦥꦸꦤꦶꦏ​ꦢꦶꦥꦸꦤ꧀ꦕꦫꦸꦧ꧀ꦏꦺꦩꦮꦺꦴꦤ꧀ꦏꦭꦶꦪꦤ꧀ꦕꦕꦿꦶꦪꦺꦴꦱ꧀ꦱꦤ꧀ꦧꦝꦺ​ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦫꦠꦸ​ꦲꦢꦶꦭ꧀꧈​ꦤꦔꦶꦁ​ꦩꦼꦁ​ꦒꦃ​ꦢꦪ꧈​ꦠꦸꦩꦿꦥ꧀ꦏꦥꦶꦠꦢꦺꦴꦱ꧀ꦱꦤ꧀ꦤꦶꦥꦸꦤ꧀ꦝꦠꦼꦁ​ꦆꦩꦩ꧀ ꦩꦃꦢꦶ꧈​ꦲꦶꦁ​ꦔꦿꦶꦏꦶ​ꦧꦺꦴꦠꦼꦤ꧀ꦱꦒꦼꦢ꧀ꦲꦶꦕꦭ꧀꧉​

꧋​ꦲꦶꦁ​ꦥꦿꦶꦩ꧀ꦧꦺꦴꦤ꧀ꦚꦫꦶꦪꦺꦴꦱ꧀ꦱꦏꦼꦤ꧀ꦝꦠꦼꦁ​ꦔꦶꦥꦸꦤ꧀ꦫꦠꦸ​ꦲꦢꦶꦭ꧀꧈​ꦲꦶꦁ​ꦱꦏꦮꦶꦠ꧀ꦲꦶꦁ​ꦒꦶꦃ​ꦧꦺꦴꦠꦼꦤ꧀ꦢꦶꦥꦸꦤ꧀ꦲꦁ​ꦒꦼꦥ꧀꧈​ꦧꦶꦭꦶꦃ​ꦫꦠꦸ​ꦥꦸꦤꦶꦏ꧇​ꦆꦩꦩ꧀ ​ꦩꦃꦢꦶ꧈​ꦤꦔꦶꦁ​ꦲꦮꦶꦠ꧀ꦱꦏꦶꦁ​ꦕꦺꦴꦫꦧ꧀ꦕꦫꦸꦧ꧀ꦧꦶꦁ​ꦥꦔꦁ​ꦒꦼꦥ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦫꦠꦸ​ꦲꦢꦶꦭ꧀꧈​ꦭꦤ꧀ꦆꦩꦩ꧀ ꦩꦃꦢꦶ꧈​ꦫꦠꦸ​ꦮꦲꦸ​ꦱꦭꦗꦼꦁ​ꦔꦶꦥꦸꦤ꧀ꦏꦲꦁ​ꦒꦼꦥ꧀ꦫꦠꦸ​ꦲꦢꦶꦭ꧀ꦆꦩꦩ꧀ ꦩꦃꦢꦶ꧉​

꧋ꦕꦫꦶꦪꦺꦴꦱ꧀ꦥꦸꦤꦶꦏ​ꦩꦤꦮꦶ​ꦢꦶꦥꦸꦤ꧀ꦭꦫꦱ꧀ꦭꦫꦱ꧀꧈​ꦱꦒꦼꦢ꧀ꦲꦩ꧀ꦧꦶꦔꦸꦁ​ꦔꦏꦼꦤ꧀꧈​ꦗꦭꦂꦫꦤ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦆꦩꦩ꧀꧈​ꦩꦃꦢꦶ꧈​ꦱꦩ꧀ꦥꦸꦤ꧀ꦏꦫꦸꦩꦶꦪꦶꦤ꧀ꦤꦤ꧀ꦗꦸꦩꦼꦤꦼꦁ​ꦔꦶꦥꦸꦤ꧀ꦫꦠꦸ​ꦲꦢꦶꦭ꧀ꦱꦤꦺꦱ꧀꧈​ꦥꦸꦤꦥ​ꦩꦭꦶꦃ​ꦢꦶꦥꦸꦤ꧀ꦕꦫꦶꦪꦺꦴꦱ꧀ꦱꦏꦼꦤ꧀꧈​ꦧꦶꦭꦶꦃ​ꦫꦠꦸ​ꦲꦢꦶꦭ꧀ꦮꦲꦸ​ꦠꦼꦏ​ꦭꦗꦼꦁ​ꦢꦶꦥꦸꦤ꧀ꦠꦼꦠꦼꦥ꧀ꦥꦏꦼꦤ꧀ꦢꦢꦺꦴꦱ꧀ꦥꦠꦶꦃ​ꦮꦺꦴꦤ꧀ꦠꦼꦤ꧀ꦲꦶꦁ​ꦩꦡꦫꦩ꧀꧈​ꦭꦤ꧀ꦩꦭꦶꦃ​ꦱꦩ꧀ꦥꦸꦤ꧀ꦱꦩꦶ​ꦏꦱꦸꦩꦼꦉꦥ꧀ꦥꦤ꧀꧈​ꦧꦶꦭꦶꦃ​ꦥꦫ​ꦤꦠ​ꦲꦶꦁ​ꦕꦶꦉꦨꦺꦴꦤ꧀꧈​ꦥꦸꦤꦶꦏ​ꦱꦢꦪ​ꦱꦩꦶ​ꦲꦭꦶꦩ꧀꧈​ꦮꦸꦱꦤ​ꦲꦶꦁ​ꦥꦿꦶꦩ꧀ꦧꦺꦴꦤ꧀ꦏꦕꦫꦶꦪꦺꦴꦱ꧀ꦱꦏꦼꦤ꧀꧈​ꦧꦶꦭꦶꦃ​ꦲꦶꦁ​ꦏꦁ​ꦏꦢꦸꦤꦸꦁ​ꦔꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦕꦶꦉꦨꦺꦴꦤ꧀꧈​ꦠꦼꦏ​ꦲꦶꦁ​ꦒꦶꦃ​ꦫꦠꦸ​ꦲꦶꦁ​ꦏꦁ​ꦲꦭꦶꦩ꧀꧉​

꧋ꦥꦚ꧀ꦕꦺꦤ꧀ꦤꦶꦥꦸꦤ꧀ꦩꦸꦫꦶꦃ​ꦧꦺꦴꦠꦼꦤ꧀ꦲꦢꦩꦼꦭ꧀ꦏꦺꦴꦝꦼꦁ​ꦔꦶꦁ​ꦥꦫ​ꦥꦚꦸꦫꦲꦺꦴꦱ꧀꧈​ꦲꦶꦁ​ꦥꦿꦶꦩ꧀ꦧꦺꦴꦤ꧀ꦢꦶꦥꦸꦤ꧀ꦕꦼꦛꦏ꧀ꦤ​ꦥꦶꦭꦃ​ꦥꦶꦭꦃꦲꦶꦁ​ꦕꦫꦶꦪꦺꦴꦱ꧀ꦱꦶꦥꦸꦤ꧀꧈​ꦥꦸꦤ꧀ꦢꦶ​ꦲꦶꦁ​ꦏꦁ​ꦒꦒꦪꦸꦠ꧀ꦠꦤ꧀ꦏꦭꦶꦪꦤ꧀ꦆꦱ꧀ꦭꦩ꧀꧈​ꦥꦸꦤ꧀ꦢꦶ​ꦲꦶꦁ​ꦏꦁ​ꦒꦒꦪꦸꦠꦤ꧀ꦏꦭꦶꦪꦤ꧀ꦗꦮꦶ​ꦏꦶꦤ꧈​ꦲꦶꦁ​ꦩꦺꦴꦁ​ꦏ​ꦔꦿꦶꦏꦸ​ꦠꦼꦏ​ꦢꦶꦥꦸꦤ꧀ꦕꦩ꧀ꦥꦸꦂ​ꦏꦺꦩꦮꦺꦴꦤ꧀꧈​ꦏꦢꦺꦴꦱ꧀ꦠ꧇​ꦆꦩꦩ꧀ ꦩꦃꦢꦶ꧈​ꦲꦶꦁ​ꦏꦁ​ꦱꦗꦠꦺꦴꦱ꧀ꦱꦶꦥꦸꦤ꧀ꦤꦨꦶ​ꦔꦶꦯ꧈​ꦠꦼꦏ​ꦢꦶꦥꦸꦤ꧀ꦕꦫꦶꦪꦺꦴꦱ꧀ꦱꦏꦼꦤ꧀ꦲꦔꦝꦠꦺꦴꦤ꧀ꦮꦺꦴꦤ꧀ꦠꦼꦤ꧀ꦲꦶꦁ​ꦩꦼꦝꦁ​ꦑꦩꦸꦭꦤ꧀꧉​ꦩꦶꦭ​ꦭꦗꦼꦁ​ꦲꦔꦶꦕꦭ꧀ꦭꦏꦼꦤ꧀ꦝꦠꦼꦁ​ꦱꦶꦱꦶꦥꦠ꧀ꦠꦤ꧀꧉​ꦥꦸꦤꦥꦢꦺꦤꦺ​ꦲꦶꦁ​ꦥꦿꦶꦩ꧀ꦧꦺꦴꦤ꧀ꦥꦸꦤꦶꦏ​ꦲꦸꦒꦶ꧈​ꦲꦶꦁ​ꦒꦶꦃ​ꦚꦫꦶꦪꦺꦴꦱ꧀ꦱꦏꦼꦤ꧀ꦧꦧ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦆꦩꦩ꧀ ꦩꦃꦢꦶ​ꦥꦶꦪꦩ꧀ꦧꦏ꧀꧈​ꦲꦶꦁ​ꦏꦁ​ꦕꦫꦶꦪꦺꦴꦱ꧀ꦱꦶꦥꦸꦤ꧀ꦧꦺꦴꦠꦼꦤ꧀ꦢꦶꦥꦸꦤ꧀ꦕꦺꦴꦫꦧ꧀ꦕꦫꦸꦧ꧀꧈​ꦥꦸꦤꦶꦏ​ꦧꦺꦢ​ꦱꦔꦼꦠ꧀꧉​ꦲꦶꦁ​ꦔꦿꦶꦏꦸ​ꦢꦶꦥꦸꦤ꧀ꦕꦫꦶꦪꦺꦴꦱ꧀ꦱꦏꦼꦤ꧀ꦗꦸꦩꦼꦤꦼꦔꦶꦁ​ꦥꦸꦤ꧀ꦆꦩꦩ꧀ ꦩꦃꦢꦶ꧈​ꦥꦸꦤꦶꦏ​ꦮꦺꦴꦤ꧀ꦠꦼꦤ꧀ꦲꦶꦁ​ꦏꦁ​ꦩꦱ꧀ꦠꦤ꧀ꦤꦶ 30 ꦠꦲꦸꦤ꧀꧈​ꦱꦮꦼꦤꦺꦃ​ 31 ꦠꦲꦸꦤ꧀꧈​ꦮꦺꦴꦤ꧀ꦠꦼꦤ꧀ꦩꦭꦶꦃ​ꦲꦶꦁ​ꦏꦁ​ꦩꦱ꧀ꦠꦤ꧀ꦤꦶ​ꦔꦤ꧀ꦠꦺꦴꦱ꧀ 40 ꦠꦲꦸꦤ꧀꧉​ꦏꦭ​ꦲꦶꦁ​ꦗꦩꦤ꧀ꦥꦸꦤꦶꦏ​ꦏꦕꦫꦶꦪꦺꦴꦱ꧀ꦱꦏꦼꦤ꧀ꦤꦩ꧇​ꦗꦩꦤ꧀ꦱꦤ꧀ꦠꦺꦴꦱ꧉​ꦩꦶꦠꦸꦫꦸꦠ꧀ꦕꦫꦶꦪꦺꦴꦱ꧀ꦱꦶꦥꦸꦤ꧀ꦲꦶꦁ​ꦗꦩꦤ꧀ꦥꦸꦤꦶꦏ꧇​ꦱꦶꦩ​ꦱꦒꦼꦢ꧀ꦩꦶꦩꦶꦠꦿꦤ꧀ꦱꦲꦺ​ꦏꦭꦶꦪꦤ꧀ꦩꦺꦤ꧀ꦢ꧈​ꦭꦫꦺ​ꦲꦭꦶꦠ꧀ꦱꦒꦼꦢ꧀ꦢꦺꦴꦭꦤꦤ꧀ꦱꦮꦼꦂ​ꦠꦸꦮꦶꦤ꧀ꦏꦭꦗꦼꦁ​ꦏꦶꦁ​ꦠꦤ꧀ꦥ​ꦧꦧꦪ꧉​ꦗꦩꦤ꧀ꦥꦸꦤꦶꦏ​ꦏꦕꦫꦶꦪꦺꦴꦱ꧀ꦱꦏꦼꦤ꧀ꦗꦩꦤ꧀ꦲꦶꦁ​ꦏꦁ​ꦭꦺꦴꦃ​ꦗꦶꦤꦮꦶ꧈​ꦮꦶꦗꦶ​ꦲꦶꦁ​ꦏꦁ​ꦱꦩꦶ​ꦢꦶꦥꦸꦤ꧀ꦠꦤꦼꦩ꧀꧈​ꦥꦸꦤꦶꦏ​ꦮꦺꦴꦃꦲꦶꦥꦸꦤ꧀ꦠꦶꦏꦼꦭ꧀ꦏꦥꦶꦁ​꧇꧗꧐꧇​꧉​ꦱꦢꦪ​ꦭꦩ꧀ꦥꦃ​ꦕꦶꦢꦿ​ꦧꦺꦴꦠꦼꦤ꧀ꦮꦺꦴꦤ꧀ꦠꦼꦤ꧀꧈​ꦥꦥꦿꦺꦤ꧀ꦠꦃꦲꦤ꧀ꦤꦶꦥꦸꦤ꧀ꦆꦩꦩ꧀꧈​ꦩꦃꦢꦶ​ꦮꦲꦸ꧈​ꦏꦢꦺꦴꦱ꧀ꦢꦺꦤꦺ​ꦥꦥꦿꦺꦤ꧀ꦠꦃꦲꦤ꧀ꦤꦶꦥꦸꦤ꧀ꦱꦁ​ꦆꦱ꧀ꦏꦤ꧀ꦢꦂ​ꦢꦸꦭ꧀ꦏꦂꦟꦺꦤ꧀ꦲꦸꦠꦮꦶ​ꦏꦢꦺꦴꦱ꧀ꦢꦺꦤꦺ​ꦟꦧꦶ​ꦯꦸꦭꦺꦩꦤ꧀꧈​ꦗꦭꦂꦫꦤ꧀ꦱꦏꦶꦁ​ꦲꦢꦶꦭ꧀ꦭꦶꦁ​ꦥꦥꦿꦺꦤ꧀ꦠꦃꦲꦤ꧀ꦤꦶꦥꦸꦤ꧀꧈​ꦏꦕꦫꦶꦪꦺꦴꦱ꧀ꦱꦏꦼꦤ꧀ꦧꦧꦂ​ꦥꦶꦱꦤ꧀ꦧꦺꦴꦠꦼꦤ꧀ꦤꦠꦺ​ꦮꦺꦴꦤ꧀ꦠꦼꦤ꧀ꦫꦃ​ꦲꦶꦁ​ꦏꦁ​ꦮꦸꦠꦃ꧉​