Kaca iki wis divalidasi
Dina Kemis sore, jam tampa tamu durung tekan pandome. Aku ditimbali ibu Asrama: "Magda, ana tamu adoh Iho." Mak dheg atiku. "Ditemoni ana kamar tamune ibu bae."
Ora padatan ibu Asrama marengake bocah² nemoni tamu² pribadhi ana ing kamar tamune. Atiku tansaya krumungsung kepengin ngerti sapa tamu kuwi. Muga² bae mas Hut, nanging mokal, amarga dheweke ora ngerti yen aku ana kene. Upama bapak ibu, methi njujuge nyang mas Agung. Kesusu banget anggonku salin. Rok biru kang mau esuk dak
- 19 -
