BANDHA KAMARDIKAN 23
REMBULAN LAN LINTANG
Andita Zhena F.
lingsir wengi iki daksawang rembulan
kang ngguyu lan ngawe-awe ing antariksa
cahyane cetha sumorot tanpa gawe blerenging mata
cahyane cetha madhangi nuswantara
rembulan ing langit memitran lawan lintang
janma citik kang duwe ati becik
sumebar ana antariksa
yaiku lintanging angga
lintang kang katon endah
kepara mapan sajak wus tinata
rembulan ...
akeh kang sesambat lan njaluk marang awakmu
kang lumrah njaluk ayu
bagusing cahyamu
iku tetembanganing wong tuwaku
saiki aku malah lali
lali njaluke anakku bagus lan ayu-Mu
rembulan ...tetap rembulan
lintang iku paribasan
nadyan cahyamu mung sakonang
ora nate gawe wirang
mung akeh kang ngenut pikiran kadang konang
rembulan kadanging lintang
aja wedi karo petenge pedhut lan mega
aja wedi cahyamu kasilep lan sirna
kurana lintang terus ana jejermu
nganti pungkasaning wengi iki
nganti sesuk........
malah gelem ngenteni lunganing nyawaku
