Kaca iki wis divalidasi
BANDHA KAMARDIKAN 7
LANGIT KATUTUP REMBULAN
Desideria
Apa ana langit katutup rembulan?
wah..., wah, lucu, banget lucu
langit kang jembar lan bawera
kadhang kala katutup rembulan
kang mung sethimik .... cilik
langit kang duwe sewu rembulan
bisa katutup rembulan
kang mung sawiji
wah... wah, lucu. lucu tenan
nanging ana... ana...tenan.., tenan!
ana langit katutup rembulan
ana... ana tenan
kuwi jebul paribasan
wong mung siji bisa ngalahake bangsa
negara Kang duwe wong rongatus yuta
wong mau bisa nutupi kabeh salahe
marang negara bangsa kang gedhe
kang jembare tan winates
kang marake ati kekes
wah...., wah, lucu, lucu tenan
ana langit katutup rembulan
