Kaca iki wis divalidasi
AKU CINTA JAWA TENGAH
193. Panggurit: Yuanita Apriliani 00000234
Panjangka Utama
Dumèling ing gangsa
Ing wanci lingsir ratri
Mahanani swasana kingkin
Sarta agawé sengsemé ati
Geter ing manah nuwuhaké panerakit jiwa
Nedya janji tan kena tinundha
Asung darma marang nusa bangsa
Kinarya ambangun ndésa
Nadyan datan pana ing nétra
Ananging nyata ing pangrasa
Angucap tanpa rinasa
Hanjurung rerangken bali désa ambangun ndésa.
194. Panggurit: Widiastuti Dian Setyaningrum 00000236
Ciri Khasku
Wiwit saka kruntil kanti pelok
Mung siji sing dadi ciri khasku
Sumèh lugu lan sopan
Tuturku alus kayata roti
Mahoni pahit rak isa dadi gula
Diantem watu dibales karo roti
Iku wong Jawa Tengah
Wong sing nduwéni tata karma.
130
