153. Panggurit: Restu Ari Kurniawan 00000817
Aku Cinta Jawa Tengah
Ing provinsi iki aku lair
Aku seneng bisa dadi warga provinsi iki
Provinsi kang nduwéni anéka ragam budaya
Provinsi kang terdhiri saka 29 kabupatén lan 6 kutha
Slogan bali désa mbangun désa dadi idéntitas
kanggo saben wargané
Muga-muga Jawa Tengah saged mujudaké
kasejahteraan kanggo wargané
154. Panggurit: Pandu Giwangkoro 00001136
Swaraning Jawa Tengah
Swaraning ombak sing gumleger
Kaya mbelah buwana kang isih seger
Nètraning srengéngé kang mawa parabawa
Mratandhakaké kaagunganing Sing Kuasa
Bumi sing dakpidak
Sing subur Jan kebak pangarep-arep
Nduwéni rasa sing bakal taksigrak
Dadi siti sing nuwuhaké rasa kekarep
Jawa Tengah...
Daérah sing sumringah
Dadi suryaning para penganggah
Didapuk dadi buminé para umat sing kepradah
Madhep mantep para pengagung dunya
Handarbéni jiwaning buwana