ꦏꦶꦠꦧ꧀ꦱꦸꦕꦶꦥꦽꦗꦚ꧀ꦗꦶꦪꦤ꧀ꦲꦚꦂ/꧇꧒꧇ꦪꦺꦴꦲ꦳ꦤꦼꦱ꧀

꧁꧋ꦭꦪꦁꦔꦺꦫꦱꦸꦭ꧀ꦪꦺꦴꦲꦤꦼꦱ꧀꧈​꧂
ꦭꦪꦁꦤꦺꦴꦩꦼꦂꦭꦺꦴꦫꦺꦴ

---

꧋ꦥꦼꦩ꧀ꦧꦸꦏꦏ꧀ꦏꦤ꧀ꦭꦤ꧀ꦥꦩꦸꦗꦶꦱ꧀ꦭꦩꦼꦠ꧀꧈​

꧇​꧑꧇​

¹꧋ꦲꦶꦏꦶ​ꦭꦪꦁ​ꦱꦁꦏꦪꦺꦴꦲꦤꦼꦱ꧀ ꦥꦶꦤꦶꦠꦸꦮꦤꦺ​ꦥꦱꦩꦸꦮꦤ꧀ ꦩꦫꦁ​ꦲꦶꦧꦸ​ꦱꦶꦁ​ꦢꦶꦥꦶꦭꦶꦃ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦩꦫꦁ​ꦲꦤꦏ꧀ꦲꦤꦏ꧀ꦏꦺ​꧉​ꦏꦺꦴꦮꦺ​ꦏꦧꦺꦃ​ꦥꦚ꧀ꦕꦺꦤ꧀ꦠꦏ꧀ꦠꦿꦺꦱ꧀ꦤꦤ꧀ꦤꦶꦠꦼꦤꦤ꧀꧈​ꦲꦺꦴꦫ​ꦤꦩꦸꦁ​ꦲꦏꦸ​ꦢꦺꦮꦺ꧈​ꦤꦁꦔꦶꦁ​ꦲꦸꦒ​ꦱꦏ꧀ꦏꦺꦃꦲꦺꦮꦺꦴꦁ​ꦱꦶꦁ​ꦥꦢ​ꦥꦽꦕꦪ​ꦩꦫꦁ​ꦥꦶꦠꦸꦠꦸꦂ​ꦱꦶꦁ​ꦱꦼꦗꦠꦶ​꧈​ꦏꦧꦺꦃ​ꦥꦢ​ꦤꦿꦺꦱ꧀ꦤꦤ꧀ꦤꦶꦏꦺꦴꦮꦺ​꧉​ ²ꦥꦶꦠꦸꦠꦸꦂ​ꦩꦲꦸ​ꦠꦼꦠꦼꦥ꧀ꦩꦁꦒꦺꦴꦤ꧀ꦲꦶꦁ​ꦲꦠꦶꦤꦺ​ꦲꦮꦏ꧀ꦏꦺ​ꦢꦺꦮꦺꦭꦤ꧀ꦧꦏꦭ꧀ꦩꦁꦒꦺꦴꦤ꧀ꦠꦼꦫꦸꦱ꧀ ꦱ꧀ꦭꦮꦱ꧀ꦱꦺ꧉​

³꧋ꦩꦸꦒꦩꦸꦒ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦺꦲꦮꦏ꧀ꦏꦺ​ꦢꦺꦮꦺꦭꦤ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦶꦱ꧀ꦡꦸꦱ꧀ ꦲꦤꦏ꧀ꦏꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧈​ꦔꦼꦢꦸꦤ꧀ꦤꦏꦺꦧꦼꦂꦏꦃꦲꦺ​꧈​ꦏꦧꦼꦕꦶꦏ꧀ꦏꦤ꧀ꦤꦺ​ꦭꦤ꧀ꦏꦠꦼꦤ꧀ꦠꦽꦩꦤ꧀ꦤꦺꦩꦫꦁ​ꦏꦺꦴꦮꦺ​ꦭꦤ꧀ꦲꦏꦸ​ꦏꦧꦺꦃ​꧈​ꦱꦸꦥꦪ​ꦲꦮꦏ꧀ꦏꦺ​ꦢꦺꦮꦺꦧꦶꦱ​ꦢꦢꦶ​ꦱꦶꦗꦶ​ꦠꦼꦫꦸꦱ꧀ꦧꦼꦧꦉꦁꦔꦤ꧀ꦲꦶꦁ​ꦥꦶꦠꦸꦠꦸꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦭꦤ꧀ꦲꦶꦁ​ꦏꦠꦿꦺꦱ꧀ꦤꦤ꧀꧈​

꧋ꦥꦶꦠꦸꦠꦸꦂ​ꦱꦶꦁ​ꦧꦼꦤꦼꦂ​ꦭꦤ꧀ꦏꦠꦿꦺꦱ꧀ꦤꦤ꧀꧈​

⁴꧋ꦲꦏꦸ​ꦥꦚ꧀ꦕꦺꦤ꧀ꦧꦸꦔꦃ​ꦠꦼꦤꦤ꧀ꦧꦶꦱ​ꦮꦼꦫꦸꦃ​ꦲꦤꦏ꧀ꦲꦤꦏ꧀ꦩꦸ​ꦲꦺꦤꦺꦁꦱꦶꦁ​ꦥꦢ​ꦩꦤꦸꦠ꧀ꦩꦫꦁ​ꦥꦶꦠꦸꦠꦸꦂ​ꦱꦶꦁ​ꦧꦼꦤꦼꦂ​꧈​ꦏꦪ​ꦱꦶꦁ​ꦮꦶꦱ꧀ꦢꦶꦮꦸꦭꦁꦔꦏꦺꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦺꦲꦮꦏ꧀ꦏꦺ​ꦢꦺꦮꦺ꧉​ ⁵ꦩꦸꦭꦤꦺ​ꦲꦏꦸ​ꦪ​ꦔꦺꦭꦶꦁꦔꦏꦺꦱꦼꦥꦶꦱ꧀ꦱꦤ꧀ꦩꦼꦤꦺꦃ​꧈​ꦲ꦳ꦪꦸꦏ꧀ꦥꦢ​ꦠꦿꦺꦱ꧀ꦤꦠꦼꦫꦸꦱ꧀ꦩꦫꦁ​ꦱꦏ꧀ꦥꦢꦥꦢ꧉​ꦱꦶꦁ​ꦠꦏ꧀ꦲꦺꦴꦩꦺꦴꦁ​ꦲꦶꦏꦶ​ꦲꦺꦴꦫ​ꦥꦽꦏꦫ​ꦱꦶꦁ​ꦲꦚꦂ​꧈​ꦲꦮꦶꦠ꧀ꦲꦁꦒꦼꦂꦫꦁꦒꦼꦂ​ꦲꦶꦏꦶ​ꦮꦶꦱ꧀ꦢꦶꦏꦺꦏ꧀ꦏꦏꦺꦩꦫꦁ​ꦲꦮꦏ꧀ꦏꦺ​ꦢꦺꦮꦺꦏꦮꦶꦠ꧀ꦮꦶꦮꦶꦠ꧀ꦠꦤ꧀ꦤꦺ​꧉​ ⁶ꦤꦺꦏ꧀ꦲꦮꦏ꧀ꦏꦺ​ꦢꦺꦮꦺꦠꦿꦺꦱ꧀ꦤ꧈​ꦠꦼꦒꦼꦱ꧀ꦱꦺ​ꦲꦮꦏ꧀ꦏꦺ​ꦢꦺꦮꦺꦤꦸꦫꦸꦠ꧀ꦠꦶ​ꦏꦼꦏꦉꦥ꧀ꦥꦤ꧀ꦤꦺ​ꦒꦸꦱ꧀ꦠꦶ​ꦄꦭ꧀ꦭꦃ​꧉​ꦪꦏꦸꦮꦶ​ꦲꦁꦒꦼꦂꦫꦁꦒꦼꦂꦫꦺ​ꦒꦸꦱ꧀ꦠꦶ​ꦄꦭ꧀ꦭꦃ​ꦱꦶꦁ​ꦮꦶꦱ꧀ꦢꦶꦠꦩ꧀ꦥ​ꦲꦮꦏ꧀ꦏꦺ​ꦢꦺꦮꦺꦏꦮꦶꦠ꧀ꦮꦶꦮꦶꦠ꧀ꦠꦤ꧀ꦤꦺ​:ꦲꦮꦏ꧀ꦏꦺ​ꦢꦺꦮꦺꦏꦸꦢꦸ​ꦠꦿꦺꦱ꧀ꦤꦩꦫꦁ​ꦱꦏ꧀ꦥꦢꦥꦢ꧉​

꧋ꦱꦶꦁ​ꦲꦠꦶꦲꦠꦶꦏꦫꦺꦴ​ꦱꦶꦁ​ꦠꦸꦏꦁ​ꦔꦥꦸꦱ꧀ꦱꦶ​꧉​

⁷꧋ꦥꦫ​ꦱꦼꦢꦸꦭꦸꦂ​꧈​ꦥꦢ​ꦔꦼꦂꦠꦶꦪ​ꦤꦺꦏ꧀ꦒꦸꦫꦸ​ꦥꦼꦤꦱꦂꦫꦤ꧀ꦥꦶꦫꦁꦥꦶꦫꦁ​ꦮꦶꦱ꧀ꦥꦢ​ꦚ꧀ꦗꦼꦢꦸꦭ꧀ꦭꦤ꧀ꦥꦢ​ꦤ꧀​ꦢ꧀ꦭꦗꦃꦲꦶ​ꦗꦒꦠ꧀꧈​ꦮꦺꦴꦁꦮꦺꦴꦁ​ꦏꦸꦮꦶ​ꦲꦺꦴꦫ​ꦔꦏꦺꦴꦤ꧀ꦤꦶ​ꦤꦺꦏ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦶꦱ꧀ꦡꦸꦱ꧀ꦮꦶꦱ꧀ꦠꦼꦏ​ꦤꦁꦗꦒꦠ꧀ꦫꦸꦥ​ꦩꦤꦸꦁꦱ​꧉​ꦪ​ꦮꦺꦴꦁꦮꦺꦴꦁ​ꦏꦸꦮꦶ​ꦱꦶꦁ​ꦏꦼꦤꦺꦁꦢꦶꦲꦫꦤ꧀ꦤꦶ​ꦠꦸꦏꦁ​ꦔꦥꦸꦱ꧀ꦱꦶ​ꦲꦥ​ꦲꦤ꧀ꦠꦶꦏꦿꦶꦱ꧀ꦡꦸꦱ꧀꧈​ ⁸ꦩꦸꦭꦤꦺ​ꦏꦺꦴꦮꦺ​ꦏꦸꦢꦸ​ꦱꦶꦁ​ꦲꦠꦶꦲꦠꦶ꧈​ꦲꦗ​ꦱꦩ꧀ꦥꦺꦏ꧀ꦏꦺꦭꦁꦔꦤ꧀ꦥꦼꦔꦤ꧀ꦢꦼꦭ꧀ꦱꦶꦁ​ꦮꦶꦱ꧀ꦢꦶꦢꦼꦢꦼꦂꦲꦶꦁ​ꦲꦠꦶꦩꦸ​ꦏꦫꦺꦴ​ꦲꦮꦏ꧀ꦏꦺ​ꦢꦺꦮꦺ꧉​ꦏꦺꦴꦮꦺ​ꦩꦭꦃ​ꦏꦸꦢꦸ​ꦔ꧀ꦭꦸꦩꦸꦃꦲꦶꦱꦸꦥꦪ​ꦧꦶꦱ​ꦤꦩ꧀ꦥ​ꦲꦸꦥꦃꦱꦏ꧀ꦏꦧꦺꦃꦲꦺ꧈​ꦏꦪ​ꦱꦶꦁ​ꦮꦶꦱ꧀ꦢꦶꦗꦚ꧀ꦗꦶꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​꧉​

⁹꧋ꦱꦥ​ꦱꦶꦁ​ꦲꦺꦴꦫ​ꦩꦤ꧀ꦠꦼꦥ꧀ꦲꦶꦁ​ꦥꦶꦮꦸꦭꦁꦔꦺ​ꦏꦿꦶꦱ꧀ꦡꦸꦱ꧀ ꦤꦁꦔꦶꦁ​ꦩꦭꦃ​ꦚꦶꦩ꧀ꦥꦁ​ꦱꦁꦏꦥꦶꦮꦸꦭꦁ​ꦩꦲꦸ​꧈​ꦮꦺꦴꦁ​ꦏꦸꦮꦶ​ꦮꦶꦱ꧀ꦥꦼꦢꦺꦴꦠ꧀ꦱꦁꦏꦒꦸꦱ꧀ꦠꦶ​ꦄꦭ꧀ꦭꦃ​꧉​ꦤꦁꦔꦶꦁ​ꦱꦥ​ꦱꦶꦁ​ꦩꦤ꧀ꦠꦼꦥ꧀ꦲꦶꦁ​ꦥꦶꦮꦸꦭꦁ​ꦏꦸꦮꦶ​꧈​ꦮꦺꦴꦁ​ꦏꦸꦮꦶ​ꦱꦶꦁ​ꦲꦸꦫꦶꦥ꧀ꦢꦢꦶ​ꦱꦶꦗꦶ​ꦏꦫꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦥꦏ꧀ꦏꦺꦲꦮꦏ꧀ꦏꦺ​ꦢꦺꦮꦺꦭꦤ꧀ꦒꦸꦱ꧀ꦠꦶ​ꦪꦺꦯꦸꦱ꧀ꦏꦿꦶꦱ꧀ꦡꦸꦱ꧀ ꦲꦤꦏ꧀ꦏꦺ​꧉​ ¹⁰ꦩꦸꦭꦤꦺ​꧈​ꦤꦺꦏ꧀ꦲꦺꦤꦺꦁꦮꦺꦴꦁ​ꦠꦼꦏ​ꦤꦁꦔ꧀ꦒꦺꦴꦤ꧀ꦩꦸ​ꦔ꧀ꦒꦮ​ꦥꦶꦮꦸꦭꦁ​ꦭꦶꦪꦤꦺ​ꦱꦶꦁ​ꦢꦸꦢꦸ​ꦥꦶꦮꦸꦭꦁꦔꦺ​ꦏꦿꦶꦱ꧀ꦡꦸꦱ꧀ ꦲꦗ​ꦢꦶꦊꦧꦺꦴꦏ꧀ꦏꦏꦺꦤꦁꦲꦺꦴꦩꦃꦩꦸ​ꦭꦤ꧀ꦲꦗ​ꦢꦶꦧꦒꦺꦏ꧀ꦏꦏꦺ꧉​ ¹¹ꦲꦮꦶꦠ꧀ꦤꦺꦏ꧀ꦏꦺꦴꦮꦺ​ꦔ꧀ꦊꦧꦺꦴꦏ꧀ꦏꦏꦺꦮꦺꦴꦁ​ꦏꦸꦮꦶ​꧈​ꦠꦶꦧꦏꦺ​ꦏꦺꦴꦮꦺ​ꦚꦼꦠꦸꦗꦺꦴꦤ꧀ꦤꦶ​ꦮꦺꦴꦁꦔꦺ​ꦏꦫꦺꦴ​ꦥꦼꦁꦒꦮꦺꦏꦸꦲꦭ​ꦏꦸꦮꦶ​꧉​

꧋ꦥꦼꦤꦸꦠꦸꦥ꧀꧈​

¹²꧋ꦥꦫ​ꦱꦼꦢꦸꦭꦸꦂ​꧈​ꦱꦏ꧀ꦗꦤꦺꦲꦶꦗꦶꦏ꧀ꦲꦺꦤꦺꦁꦥꦽꦏꦫ​ꦲꦺꦴꦏꦺꦃꦱꦶꦁ​ꦏꦸꦢꦸ​ꦠꦏ꧀ꦉꦩ꧀ꦧꦸꦏ꧀ ꦤꦁꦔꦶꦁ​ꦲꦺꦴꦫ​ꦤꦁꦭꦪꦁ​ꦲꦶꦏꦶ​꧉​ꦠꦏ꧀ꦏꦶꦫꦲꦺꦴꦫ​ꦱꦸꦮꦶꦩꦼꦤꦺꦃ​ꦲꦏꦸ​ꦧꦏꦭ꧀ꦏꦼꦥꦼꦠꦸꦏ꧀ꦏꦫꦺꦴ​ꦏꦺꦴꦮꦺ​꧉​ꦭꦸꦮꦸꦁꦠꦏ꧀ꦉꦩ꧀ꦧꦸꦏ꧀ꦲꦢꦼꦥ꧀ꦥꦢꦼꦥ꧀ꦥꦤ꧀ꦮꦲꦺ​ꦏꦫꦺꦴ​ꦏꦺꦴꦮꦺ​꧈​ꦢꦢꦶꦤꦺ​ꦧꦶꦱ​ꦤ꧀ꦢꦢꦺꦏ꧀ꦏꦏꦺꦏꦼꦩꦉꦩ꧀ꦩꦤ꧀ꦤꦺ​ꦲꦠꦶꦩꦸ​ꦭꦤ꧀ꦲꦠꦶꦏꦸ​꧉​

¹³꧋ꦱꦼꦩꦺꦤꦺꦮꦲꦺꦭꦪꦁꦲꦶꦏꦶꦭꦤ꧀ꦤꦩ꧀ꦥꦲꦏꦧꦂꦱ꧀ꦭꦩꦼꦠ꧀ꦲꦸꦒꦱꦁꦏꦱꦼꦢꦸꦭꦸꦂꦱꦼꦢꦸꦭꦸꦂꦱꦶꦁꦤꦁꦥꦱꦩꦸꦮꦤ꧀ꦏꦺꦤꦺ꧉​

ꦪꦺꦴꦲꦤꦼꦱ꧀

↑ ↑ ↑

← ꧇꧑꧇ꦪꦺꦴꦲ꦳ꦤꦼꦱ꧀

꧇꧓꧇ꦪꦺꦴꦲ꦳ꦤꦼꦱ꧀ →