ꦏꦶꦠꦧ꧀ꦱꦸꦕꦶꦥꦽꦗꦚ꧀ꦗꦶꦪꦤ꧀ꦲꦚꦂ/ꦠꦶꦠꦸꦱ꧀/3

Saka Wikisumber

ꦥꦱꦭ꧀ ꧇​꧑꧇​ ꧇​꧒꧇​ ꧇​꧓꧇​

꧋ꦏꦠꦿꦺꦱ꧀ꦤꦤꦺꦒꦸꦱ꧀ꦠꦶ​ꦄꦭ꧀ꦭꦃ​ꦩꦫꦁ​ꦩꦤꦸꦁꦱ​꧉​

꧇​꧓꧇​ 1꧋ꦠꦶꦠꦸꦱ꧀ ꦮꦺꦴꦁꦮꦺꦴꦁꦥꦢꦢꦶꦲꦺꦭꦶꦁꦔꦏꦺꦤꦺꦏ꧀ꦏꦸꦢꦸꦩꦤꦸꦠ꧀ꦩꦫꦁꦱꦶꦁꦤꦠꦭꦤ꧀ꦔ꧀ꦮꦱꦤꦶꦤꦼꦒꦫ꧉​ꦏꦸꦢꦸꦩꦤꦸꦠ꧀ꦩꦫꦁꦥꦫꦥꦼꦔꦉꦥ꧀ꦭꦤ꧀ꦱꦏ꧀ꦮꦚ꧀ꦕꦶꦮꦚ꧀ꦕꦶꦏꦸꦢꦸꦒꦼꦊꦩ꧀​ꦔ꧀ꦒꦸꦪꦸꦥ꧀ꦥꦶꦱꦼꦩ꧀ꦧꦫꦁꦱꦶꦁꦧꦼꦕꦶꦏ꧀꧈​ 2ꦲꦗ​ꦲꦺꦤ꧀ꦠꦸꦏ꧀ꦔꦿꦱꦤꦶ​ꦭꦶꦪꦤꦺ​ꦲꦥ​ꦠꦸꦏꦂꦥꦢꦸ​ꦏꦫꦺꦴ​ꦭꦶꦪꦤꦺ​꧈​ꦩꦭꦃꦩꦭꦃꦏꦸꦢꦸ​ꦒꦼꦩꦠꦶ​ꦭꦤ꧀ꦔꦗꦺꦤ꧀ꦤꦶ​ꦩꦫꦁ​ꦱꦧꦼꦤ꧀ꦮꦺꦴꦁ​꧉​ 3ꦥꦢ​ꦢꦶꦲꦺꦭꦶꦁꦔꦏꦺ꧈​ꦲꦮꦶꦠ꧀​ꦩ꧀ꦧꦶꦪꦺꦤ꧀ꦲꦮꦏ꧀ꦏꦺ​ꦢꦺꦮꦺꦪ​ꦥꦢ​ꦮꦲꦺ​ꦧꦺꦴꦢꦺꦴ꧉​ꦲꦺꦴꦫ​ꦒꦼꦊꦩ꧀ꦩꦤꦸꦠ꧀ꦩꦫꦁ​ꦱꦥꦱꦥ​꧈​ꦩꦭꦃ​ꦤꦸꦫꦸꦠ꧀ꦥꦶꦠꦸꦠꦸꦂ​ꦱꦶꦁ​ꦲꦺꦴꦫ​ꦧꦼꦤꦼꦂ​꧉​ꦲꦮꦏ꧀ꦏꦺ​ꦢꦺꦮꦺꦏꦭꦃ​ꦏꦫꦺꦴ​ꦱꦏ꧀ꦮꦼꦂꦤꦤꦺ​ꦏꦼꦱꦼꦤꦼꦁꦔꦤ꧀ꦱꦶꦁ​ꦲꦭ​꧉​ꦱꦶꦁ​ꦢꦶꦥꦶꦏꦶꦂ​ꦄꦮꦤ꧀ꦮꦼꦔꦶꦤꦩꦸꦁ​ꦧꦫꦁ​ꦱꦶꦁ​ꦲꦺꦴꦫ​ꦔ꧀ꦒꦼꦤꦃ​꧉​ꦱꦼꦤꦼꦁ​ꦩꦺꦫꦶ​ꦏꦫꦺꦴ​ꦭꦶꦪꦤꦺ​꧉​ꦢꦶꦱꦼꦔꦶꦠ꧀ꦠꦶ​ꦮꦺꦴꦁ​ꦭꦤ꧀ꦲꦮꦏ꧀ꦏꦺ​ꦢꦺꦮꦺꦪ​ꦥꦢ​ꦮꦲꦺ​ꦱꦼꦤꦼꦁ​ꦚꦼꦔꦶꦠ꧀ꦠꦶ​ꦭꦶꦪꦤꦺ​꧉​ 4ꦤꦁꦔꦶꦁꦠꦼꦫꦸꦱ꧀ꦲꦺꦤꦺꦁꦮꦚ꧀ꦕꦶꦤꦺꦗꦸꦫꦸꦱ꧀ꦭꦩꦼꦠ꧀ꦠꦺꦭꦤ꧀ꦒꦸꦱ꧀ꦠꦶꦄꦭ꧀ꦭꦃꦲꦺꦲꦮꦏ꧀ꦏꦺꦢꦺꦮꦺꦤ꧀ꦢꦸꦢꦸꦃꦲꦏꦺꦏꦮꦼꦭꦱ꧀ꦱꦤ꧀ꦤꦺꦭꦤ꧀ꦏꦠꦿꦺꦱ꧀ꦤꦤꦺꦩꦫꦁꦩꦤꦸꦁꦱ꧉​ 5ꦱꦲꦶꦏꦶ​ꦲꦮꦏ꧀ꦏꦺ​ꦢꦺꦮꦺꦮꦶꦱ꧀ꦢꦶꦱ꧀ꦭꦩꦼꦠ꧀ꦠꦏꦺ꧉​ꦲꦺꦴꦫ​ꦗꦭꦂꦫꦤ꧀ꦲꦮꦏ꧀ꦏꦺ​ꦢꦺꦮꦺꦲꦶꦏꦶ​ꦔ꧀ꦭꦏꦺꦴꦤ꧀ꦤꦶ​ꦧꦼꦕꦶꦏ꧀ꦲꦥ​ꦏꦼꦥꦿꦶꦪꦺ​ꦮꦲꦺ​꧈​ꦲꦺꦴꦫ​꧈​ꦤꦁꦔꦶꦁ​ꦗꦭꦂꦫꦤ꧀ꦢꦺꦏ꧀ꦤꦺꦠꦿꦺꦱ꧀ꦤꦭꦤ꧀ꦩꦼꦭꦱ꧀ꦩꦫꦁ​ꦲꦮꦏ꧀ꦏꦺ​ꦢꦺꦮꦺ꧉​ꦒꦸꦱ꧀ꦠꦶ​ꦪꦺꦯꦸꦱ꧀ꦔꦼꦢꦸꦱ꧀ꦱꦶ​ꦲꦮꦏ꧀ꦏꦺ​ꦢꦺꦮꦺꦭꦤ꧀ꦠꦂꦫꦤ꧀ꦫꦺꦴꦃ​ꦱꦸꦕꦶ​꧉​ꦪ​ꦫꦺꦴꦃ​ꦱꦸꦕꦶ​ꦲꦶꦏꦶ​ꦱꦶꦁ​ꦮꦶꦱ꧀​ꦔ꧀ꦭꦲꦶꦂꦫꦏꦺꦲꦮꦏ꧀ꦏꦺ​ꦢꦺꦮꦺꦩꦼꦤꦺꦃ​ꦭꦤ꧀ꦔꦚꦂꦫꦏꦺꦲꦸꦫꦶꦥ꧀ꦥꦺꦭꦤ꧀​ꦏ꧀ꦭꦏꦸꦮꦤ꧀ꦤꦺ​ꦲꦮꦏ꧀ꦏꦺ​ꦢꦺꦮꦺ꧉​ 6ꦭꦤ꧀ꦠꦂꦫꦤ꧀ꦒꦸꦱ꧀ꦠꦶꦪꦺꦯꦸꦱ꧀ꦏꦿꦶꦱ꧀ꦡꦸꦱ꧀ ꦗꦸꦫꦸꦱ꧀ꦭꦩꦼꦠ꧀ꦠꦺꦲꦮꦏ꧀ꦏꦺꦢꦺꦮꦺ꧈​ꦒꦸꦱ꧀ꦠꦶꦄꦭ꧀ꦭꦃꦔꦼꦢꦸꦤ꧀ꦤꦏꦺꦫꦺꦴꦃꦱꦸꦕꦶꦏꦁꦒꦺꦴꦤꦸꦭꦸꦁꦔꦶꦲꦮꦏ꧀ꦏꦺꦢꦺꦮꦺꦲꦶꦁꦲꦥꦮꦲꦺ꧉​ 7ꦩꦼꦁꦏꦺꦴꦤꦺꦴ​ꦒꦸꦱ꧀ꦠꦶ​ꦄꦭ꧀ꦭꦃ​ꦮꦶꦱ꧀ꦔꦼꦠꦺꦴꦏ꧀ꦏꦏꦺꦏꦧꦼꦕꦶꦏ꧀ꦏꦤ꧀ꦤꦺ​ꦭꦤ꧀ꦱꦲꦶꦏꦶ​ꦢꦺꦏ꧀ꦤꦺꦮꦶꦱ꧀ꦔꦁꦒꦼꦥ꧀ꦲꦮꦏ꧀ꦏꦺ​ꦢꦺꦮꦺꦧꦼꦤꦼꦂ​꧈​ꦲꦺꦴꦫ​ꦤ꧀ꦢꦸꦮꦺꦱꦭꦃ​ꦩꦼꦤꦺꦃ​꧉​ꦲꦮꦏ꧀ꦏꦺ​ꦢꦺꦮꦺꦮꦶꦱ꧀ꦤꦩ꧀ꦥ​ꦲꦸꦫꦶꦥ꧀ꦭꦁꦒꦼꦁ​ꦱꦶꦁ​ꦢꦶꦲꦉꦥ꧀ꦲꦉꦥ꧀꧈​ 8ꦲꦶꦏꦶ​ꦥꦶꦠꦸꦠꦸꦂ​ꦱꦶꦁ​ꦧꦼꦤꦼꦂ​꧉​

꧋ꦏꦉꦥ꧀ꦏꦸ​ꦏꦧꦺꦃ​ꦲꦶꦏꦶ​ꦲꦩ꧀ꦧꦺꦴꦏ꧀ꦮꦸꦭꦁꦔꦏꦺꦱꦶꦁ​ꦠꦼꦤꦤ꧀ꦤꦤ꧀꧈​ꦢꦢꦶꦤꦺ​ꦮꦺꦴꦁꦮꦺꦴꦁ​ꦱꦶꦁ​ꦥꦽꦕꦪ​ꦩꦫꦁ​ꦒꦸꦱ꧀ꦠꦶ​ꦄꦭ꧀ꦭꦃ​ꦧꦶꦱ​ꦩꦸꦤ꧀ꦢꦏ꧀ꦲꦼꦁꦒꦺꦴꦤꦺ​ꦔ꧀ꦒꦮꦺ​ꦧꦼꦕꦶꦏ꧀꧈​ꦏꦸꦮꦶ​ꦲꦥꦶꦏ꧀ꦭꦤ꧀ꦏꦁꦒꦺꦴ​ꦒꦮꦺ​꧉​ 9ꦤꦁꦔꦶꦁ​ꦏꦺꦴꦮꦺ​ꦲꦗ​ꦩꦺꦭꦸ​ꦲꦺꦁꦏꦺꦭ꧀ꦭꦺꦁꦏꦺꦭ꧀ꦭꦤ꧀ꦧꦧ꧀ꦉꦩ꧀ꦧꦸꦏ꧀ꦏꦤ꧀ꦱꦶꦁ​ꦲꦺꦴꦫ​ꦲꦺꦤꦺꦁꦠꦼꦒꦼꦱ꧀ꦱꦺ​꧉​ꦲꦸꦒ​ꦧꦧ꧀ꦮꦺꦠ꧀ꦮꦺꦠ꧀ꦠꦺꦮꦺꦴꦁ​ꦙꦸꦭꦤ꧀ꦧꦧ꧀​ꦩ꧀ꦧꦃꦩ꧀ꦧꦲꦤ꧀ꦤꦺꦩ꧀ꦧꦶꦪꦺꦤ꧀ꦭꦤ꧀ꦠꦸꦫꦸꦤ꧀ꦠꦸꦫꦸꦤꦤ꧀ꦤꦺ꧉​ꦏꦸꦮꦶ​ꦢꦶꦱꦶꦁꦏꦶꦂꦫꦶꦮꦲꦺ​꧈​ꦲꦮꦶꦠ꧀ꦏꦸꦮꦶ​ꦧ꧀ꦭꦱ꧀ꦲꦺꦴꦫ​ꦏꦁꦒꦺꦴ​ꦒꦮꦺ​ꦲꦥꦲꦥ​꧉​ 10ꦮꦺꦴꦁ​ꦱꦶꦁ​ꦲꦉꦥ꧀​ꦔ꧀ꦒꦮꦺ​ꦧꦸꦧꦿꦃꦲꦺꦥꦱꦩꦸꦮꦤ꧀ꦏꦸꦢꦸ​ꦲꦩ꧀ꦧꦺꦴꦏ꧀ꦒꦫꦥ꧀꧈​ꦤꦺꦏ꧀ꦲꦶꦗꦶꦏ꧀ꦢꦶꦠꦼꦫꦸꦱ꧀ꦱꦏꦺ꧈​ꦢꦶꦲꦺꦭꦶꦁꦔꦏꦺꦱꦼꦥꦶꦱ꧀ꦱꦤ꧀ꦩꦼꦤꦺꦃ​꧉​ꦤꦺꦏ꧀ꦮꦺꦴꦁꦔꦺ​ꦩꦼꦏ꧀ꦱ​ꦢꦸꦫꦸꦁ​ꦩꦤꦸꦠ꧀ ꦢꦶꦲꦼꦠꦺꦴꦏ꧀ꦏꦏꦺ꧉​ 11ꦮꦺꦴꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦲꦺꦴꦫ​ꦔ꧀ꦒꦺꦴꦭꦺꦏ꧀ꦧꦫꦁ​ꦧꦼꦕꦶꦏ꧀ ꦤꦁꦔꦶꦁ​ꦤꦸꦗꦸ​ꦧꦫꦁ​ꦲꦭ​꧉​ꦮꦺꦴꦁ​ꦏꦪ​ꦔꦺꦴꦤꦺꦴ​ꦏꦸꦮꦶ​ꦏꦼꦠꦫ​ꦧꦔꦼꦠ꧀ꦱꦭꦃꦲꦺ​꧉​

꧋ꦏꦧꦂ​ꦱꦶꦗꦶꦭꦺꦴꦫꦺꦴ꧉​

12꧋ꦠꦶꦠꦸꦱ꧀ ꦲꦶꦏꦶ​ꦲꦶꦗꦶꦏ꧀ꦲꦺꦤꦺꦁꦏꦧꦂꦏꦧꦂꦩꦼꦤꦺꦃ​꧉​ꦄꦂꦠꦺꦩꦱ꧀ꦭꦤ꧀ꦡꦶꦏꦶꦏꦸꦱ꧀ꦲꦉꦥ꧀ꦠꦏ꧀ꦏꦺꦴꦁꦏꦺꦴꦤ꧀ꦤꦁꦔ꧀ꦒꦺꦴꦤ꧀ꦩꦸ​꧉​ꦤꦺꦏ꧀ꦮꦺꦴꦁ​ꦭꦺꦴꦫꦺꦴ​ꦲꦶꦏꦶ​ꦮꦶꦱ꧀ꦠꦼꦏꦤ꧀ꦏꦺꦴꦤꦺꦴ​꧈​ꦲꦏꦸ​ꦚꦸꦮꦸꦤ꧀ꦏꦺꦴꦮꦺ​ꦲꦶꦤ꧀ꦠꦼꦂꦫꦩꦼꦠꦸꦮꦲꦏꦸ​ꦤꦁꦤꦶꦏꦺꦴꦥꦺꦴꦭꦶꦱ꧀꧈​ꦲꦏꦸ​ꦩꦶꦏꦶꦂ​ꦲꦏꦸ​ꦧꦏꦭ꧀ꦤꦁꦏꦺꦴꦤꦺꦴ​꧈​ꦲꦩ꧀ꦧꦺꦱꦸꦏ꧀ꦤꦺꦏ꧀ꦮꦚ꧀ꦕꦶ​ꦲꦢꦼꦩ꧀ꦭꦤ꧀ꦲꦔꦶꦤ꧀ꦧꦤ꧀ꦠꦼꦂ​꧉​ 13ꦯꦺꦤꦱ꧀ ꦱꦶꦁ​ꦥꦁꦏꦠ꧀ꦠꦺ​ꦲꦢ꧀ꦮ꦳ꦺꦴꦏꦠ꧀ꦭꦤ꧀ꦄꦥꦺꦴꦭꦺꦴꦱ꧀ꦥꦢ​ꦢꦶꦫꦺꦮꦁꦔꦶ​ꦧꦺꦤ꧀​ꦤ꧀ꦢꦁꦧꦸꦢꦭ꧀ꦭꦤ꧀ꦲꦗ​ꦱꦩ꧀ꦥꦺꦏ꧀ꦏꦼꦏꦸꦫꦁꦔꦤ꧀ꦲꦥꦲꦥ​꧉​ 14ꦭꦤ꧀ꦩꦼꦤꦺꦃ​꧈​ꦱꦼꦢꦸꦭꦸꦂꦱꦼꦢꦸꦭꦸꦂ​ꦱꦶꦁ​ꦥꦽꦕꦪ​ꦥꦢ​ꦢꦶꦮꦸꦭꦁꦔꦶ꧈​ꦱꦸꦥꦪ​ꦥꦢ​ꦔ꧀ꦭꦸꦩꦸꦃꦲꦶꦤꦸꦭꦸꦁꦔꦶ​ꦭꦤ꧀ꦚꦸꦏꦸꦥ꧀ꦥꦶ​ꦭꦶꦪꦤꦺ​ꦱꦶꦁ​ꦏꦼꦏꦸꦫꦁꦔꦤ꧀ꦲꦶꦁ​ꦱꦤ꧀ꦢꦁꦥꦔꦤ꧀ꦤꦺ꧉​ꦢꦢꦶꦤꦺ​ꦲꦸꦫꦶꦥ꧀ꦥꦺꦲꦺꦴꦫ​ꦩꦸꦱ꧀ꦥꦿ​꧈​ꦤꦁꦔꦶꦁ​ꦏꦁꦒꦺꦴ​ꦒꦮꦺ​ꦏꦁꦒꦺꦴ​ꦭꦶꦪꦤꦺ​꧉​

꧋ꦥꦼꦤꦸꦠꦸꦥ꧀ꦭꦤ꧀ꦥꦩꦸꦗꦶ​ꦱ꧀ꦭꦩꦼꦠ꧀꧈​

15꧋ꦕꦸꦏꦸꦥ꧀ꦱꦼꦩꦺꦤꦺꦮꦲꦺ꧈​ꦱꦼꦢꦸꦭꦸꦂꦱꦼꦢꦸꦭꦸꦂꦱꦶꦁꦤꦁꦏꦺꦤꦺꦏꦫꦺꦴꦲꦏꦸꦥꦢꦏꦶꦫꦶꦩ꧀ꦱ꧀ꦭꦩꦼꦠ꧀ ꦩꦫꦁꦏꦺꦴꦮꦺ꧉​ꦲꦮꦏ꧀ꦏꦺꦢꦺꦮꦺꦲꦸꦒꦏꦶꦫꦶꦩ꧀ꦱ꧀ꦭꦩꦼꦠ꧀ꦩꦫꦁꦱꦼꦢꦸꦭꦸꦂꦱꦼꦢꦸꦭꦸꦂꦱꦶꦁꦏꦫꦺꦴꦏꦺꦴꦮꦺ꧈​ꦱꦶꦁꦥꦢꦠꦿꦺꦱ꧀ꦤꦲꦮꦏ꧀ꦏꦺꦢꦺꦮꦺ꧉​

꧋ꦩꦸꦒꦩꦸꦒꦒꦸꦱ꧀ꦠꦶꦄꦭ꧀ꦭꦃꦔꦺꦠꦺꦴꦏ꧀ꦏꦏꦺꦏꦧꦼꦕꦶꦏ꧀ꦏꦤ꧀ꦤꦺꦩꦫꦁꦏꦺꦴꦮꦺꦏꦧꦺꦃ꧉​

ꦦꦈꦭꦸꦱ꧀

↑ ↑ ↑

← ꧇​꧒꧇​