Kakawin Arjunawiwāha/Pupuh 10
Pupuh 10 - Mṛdukomala 
1.
a. oṃ sambahning anātha tinghalana de Trilokaśaraṇa
b. wāhyâdhyātmika sambahi nghulun i jöngta tan hana waneh
c. sang lwir agni sakêng tahĕn kadi miñak sakêng dadhi kita
d. sang sākṣāt mĕtu yan hana wwang amutĕr tutur pinahayu
2.
a. byāpi-byāpaka sārining paramatattwa durlabha kita
b. icchānta n hana tan hanâgamal alit lawan halahayu
c. utpatti sthiti linaning dadi kitâta kāraṇanika
d. sang sangkan-paraning sarāt sakala-niṣkalātmaka kita