Kaca iki wis divalidasi
Wulangan 7
I. A. Pacelathon
Tindakna!
Satriya Kumbakarna
Darmadi : Bapak, Kumbakarna rak raseksa, inggih? Bapak : Bener, Dar! Wujude buta gedhe dhuwur. Darmadi : Galak, Pak? Bapak : Ketoke galak, ning empan papan. Darmadi : Dados, boten kados danawa sanes-sanesipun? Bapak : Pancen beda. Mula sok ditembungake: satriya nanging awujud buta. Darmadi : O, inggih ta. Dados wujudipun danawa nanging jiwanipun satriya. Ngaten, Pak? Bapak : Lha, ya ngono kuwi. Mula dijak perang mbelani kakange ora saguh, marga mase sing salah.
Darmadi : Punapa prabu Dasamuka punika ingkang ngajak perang? Bapak : Pinter tibake, Darmadi ki! Kuwi ana tembange barang. Mengko dakwuruki!
B. Wacanen kang patitis, lagune sing trep!
- Meneng-meneng pinter tibake Anta ki!
- Cilik-cilik pedhes tibake lombok jemprit ki!
- Glotha-glathe bener tibake anggonku mbedhek!
- Ngerti-ngerti wis tengah wengi tibake!
- Gedhe-gedhe mundhak bagus Kridha kae!48
