Kaca iki wis divalidasi
Wulangan 4
I. A. Pacelathon
Tindakna!
Ngingu Welut
| Bambang | : | Gus, kowe doyan welut? |
| Agus | : | Doyan tur banget. |
| Bambang | : | Yen doyan ngingua! |
| Agus | : | Yen mangan doyan, ning yen weruh gila. Karodene apa ana welut diingu? |
| Bambang | : | Lho, gila kok doyan mangan. Lucu, ki! |
| Agus | : | Gila olehe mbayar, kok. |
| Bambang | : | Wah, kejlungup aku. Pinter kowe. Yen aku ora gila kok, Gus. Wong aku ngingu dhewe. |
| Agus | : | Lha kowe duwe sawah, kena kanggo ngingu welut. Aku ora. |
| Bambang | : | Yen kepengin ngingu gampang. |
| Agus | : | Gampang tenan pa piye. Mbok aku wurukana! |
| Bambang | : | Gampang banget. Tukua tong wadhah aspal, mengko takwuruki carane |
| Agus | : | E ....., iya, iya. |
B. Wacanen kang patitis, lagune kang trep!
- Lho lho lho, piye ki, mlaku kok ora ngingetke dalan!
- Lho lho lho, piye ki, nggraji kok ngawur bae!
- Lho lho lho, piye Le, omong kok waton muni!
- Lho lho lho, piye Yu, ndakwa kok angger ndakwa!
23
