Kaca:Serat Asmaralaya.pdf/10

ꦢ꧀ꦝꦶ꧈​​ꦲꦶꦪ​ꦲꦶꦏꦸ​ꦲꦔꦼꦤ꧀ꦲꦔꦼꦤ꧀ꦧꦭꦺ​ꦲꦠ꧀ꦩ꧉​​ ꧄​ꦤꦺꦁ​ꦗꦿꦺꦴ​ꦗꦤ꧀ꦠꦸꦁ​ꦗꦼꦤꦏ꧀ꦗꦼꦚ꧀ꦗꦼꦩ꧀ꦲꦚ꧀ꦗꦼꦗꦁꦏꦸꦁ꧈​​ꦱꦏꦽꦗꦼꦠꦶꦁ​ꦱꦼꦗ꧈​​ꦫꦱ​ꦥꦔꦿꦱ​ꦕꦶꦥ꧀ꦠ​ꦱꦶꦂ꧈​​ꦥꦚ꧀ꦕꦩꦪ​ꦥꦚ꧀ꦕꦢꦿꦶꦪ​ꦏꦮꦱꦺꦱ꧉​​ ꧄​ꦩꦂꦩ​ꦪꦺꦤ꧀ꦮꦸꦱ꧀ꦥꦿꦥ꧀ꦠ​ꦲꦤ꧀ꦠꦫꦤꦶꦁ​ꦭꦩ꧀ꦥꦸꦱ꧀꧈​​ꦲꦔꦼꦤ꧀ꦲꦔꦼꦤꦶꦫ꧈​​ꦤꦼꦁꦤ​ꦲꦪ꧀ꦮ​ꦩꦺꦴꦧꦃ​ꦩꦺꦴꦱꦶꦏ꧀꧈​​ꦫꦱꦤꦶꦫ​ꦱꦶꦂꦤꦏ꧀ꦤ​ꦩꦿꦶꦁ​ꦏꦺꦴꦤꦺꦴ​ꦥꦺꦴꦩ꧉​​ ꧄​ꦪꦼꦏ꧀ꦠꦶ​ꦤꦼꦩꦸ​ꦱꦗꦠꦶꦤꦺ​ꦏꦴꦤꦤ꧀ꦩꦸ꧈​​ꦠꦤ꧀ꦱꦸꦱꦃ​ꦱꦶꦤꦼꦢꦾ꧈​​ꦥꦤ꧀ꦮꦸꦱ꧀ꦩꦁꦒꦶꦃ​ꦱꦮꦂꦒꦢꦶ꧈​​ꦠꦼꦩꦃ​ꦤꦶꦏ꧀ꦩꦠ꧀ꦩꦸꦥ꦳ꦔꦠ꧀ꦱꦭꦩꦶꦤꦶꦫ꧉​​ ꧄​ꦮꦼꦤꦺꦃ​ꦤꦸꦢꦸꦃ​ꦗꦠꦶꦤꦶꦁ​ꦲꦸꦫꦶꦥ꧀ꦢꦸꦩꦸꦤꦸꦁ꧈​​ꦲꦤꦺꦁ​ꦱꦸꦭ꧀ꦧꦶꦤꦶꦫ꧈​​ꦥꦥꦤ꧀ꦏꦤꦶꦏ꧀ꦩꦠꦤ꧀ꦪꦼꦏ꧀ꦠꦶ꧈​​ꦥꦸꦂꦮꦺꦁ​ꦲꦸꦫꦶꦥ꧀ꦱꦏꦶꦁ​ꦏꦺꦴꦤꦺꦴ​ꦱꦁꦏꦤꦶꦫ꧉​​ ꧄​ꦩꦂꦩ​ꦧꦺꦱꦸꦏ꧀ꦪꦺꦤ꧀ꦮꦸꦱ꧀ꦲꦂꦱ​ꦥꦿꦥ꧀ꦠꦺꦁ​ꦭꦪꦸ꧈​​ꦲꦶꦁ​ꦥꦔꦺꦱ꧀ꦛꦶꦤꦶꦫ꧈​​ꦢꦸꦩꦸꦤꦸꦁꦤ​ꦲꦤꦺꦁ​ꦱꦸꦭ꧀ꦧꦶ꧈​​ꦪꦼꦏ꧀ꦠꦶ​ꦩꦸꦭꦾ​ꦮꦭꦸꦪ​ꦩꦿꦶꦁ​ꦲꦸꦫꦶꦥꦶꦫ꧉​​ ꧄​ꦠꦸꦂ​ꦲꦩꦼꦁꦏꦸ​ꦱꦭ꧀ꦮꦶꦫꦶꦁ​ꦫꦱ​ꦱꦢꦫꦸꦩ꧀꧈​​ꦩꦸꦁ​ꦤꦶꦏ꧀ꦩꦠ꧀ꦩꦸꦥ꦳ꦔꦠ꧀꧈​​ꦱꦭꦩꦼꦠ꧀ꦱꦭꦩꦶ​ꦭꦩꦶ꧈​​ꦭꦁꦒꦼꦁ​ꦲꦸꦫꦶꦥ꧀ꦩꦁꦏ​ꦮꦶꦠꦶꦁ​ꦫꦱ​ꦩꦸꦭꦾ꧉​​ ꧄​ꦮꦼꦤ꧀ꦤꦺꦃ​ꦱꦸꦁ​ꦮꦿꦸꦃ​ꦗꦠꦶꦤꦶꦁ​ꦒꦸꦱ꧀ꦠꦶ​ꦮꦸꦱ꧀ꦏꦫꦸꦃ꧈​​ꦧꦺꦚ꧀ꦗꦁ​ꦭꦩꦸꦤ꧀ꦱꦶꦫ꧈​​ꦮꦸꦱ꧀ꦥꦉꦏ꧀ꦲꦤ꧀ꦠꦫꦺꦁ​ꦥꦠꦶ꧈​​ꦲꦤ​ꦫꦸꦥ​ꦏꦢꦾ​ꦫꦸꦥꦤ꧀ꦠ​ꦥꦿꦶꦪꦺꦴꦁꦒ꧉​​