Kaca:Serat Asmaralaya.pdf/9

ꦪ꧀ꦮ​ꦏꦭꦪꦠꦤ꧀꧈​​ꦲꦺꦴꦱ꧀ꦮꦤ꧀ꦠ​ꦫꦕꦸꦠꦼꦤ꧀ꦤꦸꦭꦶ꧈​​ꦮꦺꦴꦂꦤ​ꦭꦮꦤ꧀ꦫꦱ​ꦭꦤ꧀ꦥꦔꦿꦱꦤꦶꦫ꧉​​ ꧄ꦥꦔꦿꦱꦺꦏꦸ​ꦲꦤꦤꦺ​ꦒꦸꦱ꧀ꦠꦶ​ꦱꦱ꧀ꦠꦸ꧈​​ꦏꦮꦸꦭ​ꦫꦱꦤ꧀ꦠ꧈​​ꦪꦺꦤ꧀ꦫꦱ​ꦭꦤ꧀ꦥꦔꦿꦱ​ꦮꦶꦱ꧀꧈​​ꦮꦺꦴꦂ​ꦱꦗꦸꦒ​ꦠꦼꦠꦼꦥ꧀ꦲꦶꦁ​ꦥꦤꦸꦁꦒꦭꦶꦫ꧉​​ ꧄ꦱꦶꦂꦤ​ꦱꦩ꧀ꦥꦸꦤ꧀ꦠꦤ꧀ꦥ​ꦫꦱ​ꦥꦔꦿꦱ​ꦮꦸꦱ꧀꧈​​ꦩꦸꦭꦶꦃ​ꦩꦸꦭꦤꦶꦫ꧈​​ꦢꦸꦏ꧀ꦱꦶꦫ​ꦢꦸꦫꦸꦁ​ꦢꦸꦩꦢꦶ꧈​​ꦧꦭꦶ​ꦤꦼꦁ​ꦤꦶꦁ​ꦤꦺꦴꦫ​ꦩꦸꦤꦶ​ꦤꦺꦴꦫ​ꦩꦸꦤ꧉​​ ꧄​ꦮꦼꦤ꧀ꦤꦺꦃ​ꦩꦸꦮꦸꦱ꧀ꦗꦠꦶꦤꦺ​ꦏꦁ​ꦩꦸꦂꦮꦺꦁ​ꦲꦶꦝꦸꦥ꧀꧈​​ꦪꦲꦶꦏꦸ​ꦥꦿꦩꦤ꧈​​ꦏꦁ​ꦩꦱꦺꦱ​ꦲꦶꦁ​ꦱꦏꦭꦶꦂ꧈​​ꦢꦸꦩꦸꦤꦸꦁꦚ​ꦤꦺꦁ​ꦈꦠꦾꦏ​ꦒꦸꦫꦸꦭꦺꦴꦏ꧉​​ ꧄​ꦲꦶꦪ​ꦲꦶꦏꦸ​ꦠꦼꦩ꧀ꦧꦸꦁ​ꦄꦫꦧ꧀ꦧꦺꦠꦭ꧀ꦩꦏ꧀ꦩꦸꦂ꧈​​ꦠꦤ꧀ꦝꦤꦺ​ꦏꦁ​ꦚꦠ꧈​​ꦲꦤꦺꦁ​ꦒꦼꦧꦾꦫꦶꦁ​ꦥꦔꦺꦏ꧀ꦱꦶ꧈​​ꦭ꧀ꦮꦶꦃ​ꦮꦱ꧀ꦥꦢ​ꦮꦿꦸꦃ​ꦒꦸꦩ꧀ꦭꦫꦶꦁ​ꦲꦭꦩ꧀ꦢꦸꦚ꧉​​ ꧄​ꦪꦺꦤ꧀ꦥꦸꦤꦶꦏꦸ​ꦊꦉꦩ꧀ꦱꦶꦫ​ꦤꦸꦭꦶ​ꦠꦸꦫꦸ꧈​​ꦪꦺꦤ꧀ꦱꦶꦂꦤ​꧈​​ꦩꦸꦭꦤꦺ​ꦲꦺꦱ꧀ꦛꦶꦤꦺ​ꦏꦏꦶ꧈​​ꦩꦸꦁ​ꦥꦿꦩꦤ​ꦏꦁ​ꦧꦶꦱ​ꦤꦸꦤ꧀ꦠꦸꦤ꧀ꦩꦿꦶꦁ​ꦱ꧀ꦮꦂꦒ꧉​​ ꧄​​ꦮꦼꦤꦺꦃ​ꦗꦩ꧀ꦲꦸꦂ​ꦲꦩꦂꦤ​ꦏꦁ​ꦩꦲ​ꦫꦸꦲꦸꦂ꧈​​ꦪꦲꦶꦏꦸ​ꦱꦸꦮꦫ꧈​​ꦏꦁ​ꦏꦸꦮꦱ​ꦩꦸꦂꦮꦺꦁ​ꦲꦸꦫꦶꦥ꧀꧈​​ꦥꦿꦠꦤ꧀ꦝꦤꦺ​ꦭꦩꦸꦤ꧀ꦱꦶꦂꦤ​ꦱ꧀ꦮꦫꦤꦶꦫ꧉​​ ꧄​ꦥꦿꦥ꧀ꦠꦺꦁ​ꦭꦩ꧀ꦥꦸꦱ꧀ꦩꦼꦤꦼꦁ​ꦤꦺꦴꦫ​ꦧꦶꦱ​ꦩꦸꦮꦸꦱ꧀꧈​​ꦱꦮꦼꦤꦺꦃ​ꦥꦤ꧀ꦝꦶꦠ꧈​​ꦩꦼꦗꦁ​ꦲꦤꦤꦶꦁ​ꦲꦾꦁ​ꦮꦶ ​