— 45 —
49. Patih sang apatih patih satya ta,
Sabhrtya pariciraka kapwacara,
Teékeng anak anat ulah tan salah,
Praja ya milu jagra niti hayu.
50. Prayatna ri ngulah atah ngwang prabhu,
Maweha tuladan tirun ning sa rat,
Yadin salah ulah sasar rat kabeh,
Pan-andapada sang mawangrat tinut.
51. Lawan sira kinonakén katwanga,
Apan hana bhatara munggwi sira,
Wwalung hyang apupul ryyawak sang prabhu,
Dumeh sira maha prabhiwisama.
52. Hyang Indra Yama Suryya Candranila
Kuwera Barunagni nahan wwalu
Sira ta maka angga sang bhiipati.
Matang niran inisti Astabrata.
53. Nihan bratanira sang hyang Indralapén:
hudanakén tumrpting jagat.
tuladén ta Indrabrata,
sadana ya hudanta manglyabi rat.
54. Yamabrata dumanda karma hala.
Sirekana malungmaling yar pejah.
Umilwa kita malwangolah salah.
Asing ngumawarang sarat prih pati.
55. Bhatara Rawi mangisep wwai lana.
nDa tan tara canaih-canaih denira.
Samangkana kitatalap pangguhen,
Tatar gelisa yeka Suryya brata.
56. Cacibrata umarsa kang rat kabeh
Ulah ta midu komala yan katon,
Guyunta mamanis ya tulyamita,
Asing matuha panditatswagatan.
57. Angin ta kita yat panginte ulah.
Kumawruhana bhuddhining rat kabeh.
Sucara ya panonta tatankaton.
Ya dibya guna suksma Bayubrata.
Milik Negara Rep. Indonesia
