Kaca iki wis divalidasi
Geguritan
pedhot katresnan!
sasana laya papaning pati
nunggu tumekaning krendha
luwangan ngisor semboja
tansah menga tanpa lawang
Agustus 1997
RECA
kasunyataning urip ngalam donya
mokal kalimput para kawula
tilas tumapaking laku wis karupa reca
ngadeg mawa rega mayuta-yuta
senadyan kawulaning tansah sengsara
tengerana ngadeging reca
iki pratandha urip duwe rega
senadyan ngawula saderma bandha
luru kamulyaning ngalam donya
nilas darmaning raga
kaliri rupa endahing reca
reca wayanganing raga
mangadeg ngendahi bangsa
nanging mblereng paningal
tumrap ngrembakaning kasengsaran
Agustus 1997
46