Kaca iki wis divalidasi
Geguritan
Gandung S. Mangkudiharja
- IBU (Soedirman)
Ibu, kedep netra nglirik manengen
njola widyatmaka
nyudhet kamardikan ingkang dereng sampurna
tumuju parakarto
Ibu, pertiwi kapedhotan tresna ageng
kejot amblasah dumugi ron-ron anem
luluh-layu kados kecalan warih ing mangsa katiga
Ibu, salira aputih kertas
rinumpaka sekar sungkawa
amrik ganda arum
sumebar ing angkasa
ngundang mendhung
mayungi kunarpa
Ibu, sugeng tindhak
Yogyakarta, 22 Agustus 1997
32