Adja sira anembah ta Wudjil, lamun nora iku katingalan, sembah pudji tanpa gawé, pan kang sinembah iku, anèng ngarsa tjahja dumeling, apan nedya minangka, anané Hjang Agung, anané déwé pan sirna, ija iku enengé ingkang wong urip, katon kang sedya purba.
Lawan malihé ta sira Wudjil, atakona sadjatining nijat, adja mungken ing tjiptané, apan tjipta puniku, kang anjipta anambut iki, dudu kahanan nijat, sembah pudji iku, tan wruh anèng pangurakan, kang atampa denda pisan lawan djilit, ramé pada giliran.
Sira Wudjil nijat iku luwih, saking 'amalipun ing akatah, nora basa swara mangké, nijaté pingil iku, kang gumelar ananirèki, sadjatiné kang nijat, tan ana puniku, nijaté pingil gumelar, nijatira sembahhjang nora bédèki, lan nijat ambebégal.
Sira Wudjil marmané wong serik, kupur-kinupuraken ing lampah, anggugu maring 'ilmuné, pidjet-pinidjet iku, aksarané asru pinidi, sawusé asembahhjàng, mahgerib puniku, ramé samja kabarangan, awekasan salin kebjok ing kulambi, destaré kulaweran.
Pan sinapih aramé nèng masdjid, awekasan pada pepurikan, asembahhjang déwé-déwé, puniku milanipun, sirik gugon nauring tulis, tan wruh djatining nijat, pikiré wong bingung, lanang wadon pada ngarah, angulati nijat kang sadjatinèki, tan wruh wruh ing dedalannja.
Hèh ta Wudjil ing ngagesang, mapan éwuh mati sadjroning ngaurip, awis kang tumekaa.
Mati patetes ingkang ajakti, nora étang Wudjil wewilangan, pan mulih maring djatiné, tan ana kétang kétung, jakti sira nora pepanggih, kalawan kang sinedya, jèn sirarsa temu, sirnakena raganira, jèn wus temu atemuwa karo kapti, kapti anunggal karsa.
Tunggal rupa séhos namanèki, tunggal nama séhos rupanira, tinunggal sarwa-sarwiné, sampun tinunggal iku, sahasa ja pati ja urip, larangan datan ana, sandang-panganipun, sakarsané tunggal karsa, wong sinihan tan ana andum amilih, sirna tinunggal karsa.
Punang kang sinung andum amilih, ija iku wong kang anèng djaba, nora weruh ing djeroné, sembahipun dèn sawur, tan wruh marang ing dalem puri, anging warta kéwala, tan wruh ing kadatun, dja sira ngemungna warta, warta iku anasaraken sirèki, jèn sira sisip tampa.
Lah Sadpada agé mèta tjremin, nulja mangkat Ni Sadpada ika, prapta punang tjremin mangké, katur dateng Sang Wiku, dyan ngandika sëndëkna iki, ing kaju tangi ika, lah Wudjil sirèku, kalawan
sira Sadpada, angilowa karo ing tjremin puniki, Wudjil andapa sira.
8
