Pakubuwana ingkang kaping 3, ing Surakarta, ingkang apeparab Kangdjeng Susuhunan Swarga.
Kapetik ing ngriki namung kalih bab ingkang prelu kémawon.
1 Bab, bilih arsa nglampahi siram sesutji, saben ing dinten Senèn Pon, Djum'at Legi, lan Ahad Wagé, siramipun para Wali ing pulo Djawi, kénging kagem ing pandjenengan-dalem Sri Naréndra, sarat kedah wonten ing tirta mili punapa tirta pantjuran.
,,Bismi'llahi'rrahmani'rrahimi, ingsun adus ing talaga kalkahosar, amantjur saka tuk putih, antjik-antjikku watu gilang, dinusan kinramasan, dinusaké ing guna, kinramasaken sakèh supata, ija ingsun anané Pandita Sekti, alanang sadjati, ingsun tan kena tuwa salawasé, kang amurba djagad iki kabèh, Allahu akbar."
2 Bab, ismu bilih mentas saking siram medal ing djawi. Bismillahirrahmani'rrahimi, salla'llahu 'alaihi wasallam, mentasku adus katurunan tjahja nurbuwat Nabi Muchammad Rasulullah, gumilang-gilang kadi wulan purnama, amadangi djagad iki kabèh, telesing hèrnawa ora mung ngedusi raga, angulihaken kamané, si bapa si bijung, miwah njiram ngajemi sadulur papat, bumi miwah langit kang neksèni, salla'llahu 'alaihi wasallam, la kahola wala kuwatta, ila birobil'alaijil 'alim."
3 Bab, ngantos dumugi 12 Bab, boten kapetik ing ngriki.
Punika Tarèkipun angudi Rahsaning Sukenja, asmaranipun, Ingkang Sinuhun Kali Djaga, ingkang sampun kapundut betuwah dateng Ingkang Sinuhun Kangdjeng Susuhunan Susuhunan Pakubuwana ingkang kaping 4, ing Surakarta, ingkang apeparab Kangdjeng Susuhunan Bagus, piwulang punika wedaripun lumantar saking Pangeran Widjil ingkang kaping 3.
Kapetik ing ngriki namung sangang bab ingkang prelu kémawon.
1 Bab, ismu panawangan bilih arsa pariksa kudratipun manusa, badé kados pundi ing tembé ingkang linampahan, raganira pribadi tuwin djanma sanèsipun. Tapanipun sabar rila narima ènget, jakti sinungan waspada, sarta ing dalu sampun saré bilih dèrèng ambalijut.
,,Bismi'llahi'rrahmani'rrahimi, ing tingalingsun terus bumi sap pitu, smara pitu, terus maring karsaningsun, ingkang adoh katon ingkang parek katon, panggawéné ingkang ala ingkang betjik, atiraganira sianu (aku) sadjroning paningaling Allah, ingsun Sang Manik Maja Putih, lenging ma'rifat sutji, duwé tjahja saking
Pangéran, ja hu Allah, ja hu Allah, la ilaha illa'llah.”
39
