9 Bab, bilih arsa memengsahan, apesa luluha ingkang raga, liliha manahipun, bilih njidra ndawahi dedamel sampun ngantos pasah. Lampahipun njirik ulam ambekan, sarta pala pendem, kawan dasa dinten lan, dalu, tjegah sahwat, saré sapisan, nglowong sadinten sadalu, boten saré. Rijajanipun djadjan pasar, miludjengi erah.
,,Bismi'llahi'rrahmani'rrahimi, girang-girang manu girang, sampurna wis djaja, ja aku kang sampurna, luput djajaning nung, ja aku Allah kang kawasa, eh aku kang kawasa jà Allah, la ilaha illa'llah."
10 Bab, ismu Bradjamusti, bilih arsa nebak tijang jakti pedjah, bilih kagegem jekti lumpuh tanpa baju. Lampahipun mutih dahar ketan kawan dasa dinten, nglowong sadinten sadalu, anggegem ketan, boten saré, éndjing dahar. Rijajanipun bubur surba kang gurih, angsung dahar Sajidina 'Ali, kadonganan pijambak, punika dongané.
,,Bismillahirrahmani'rrahimi, Allahumma Radja Suléman, tulak tanggul Radja Suléman, panudung Radja Saléman, kiri kara Sang Galeberputih tulak Sang Radja Suléman, dzat Suléman, tjahjané tunggal tjahjaku, tjahja kang wisésa, aranku Djalaluhu ipat-ipating Pangéran, sabat Suléman, sabat Suléman, sabat Suléman, sabat Suléman, bjar Suléman, bjar Suléman, bjar Suléman, ragaku Radja Suléman, ragaku Radja Suléman, ragaku Radja Suléman, bi rahmat ka ja archamarochimin."
,,Bismillahirrahmani'rrahimi, tarip tirap ing dadaku, Kalatjakra. ing gigirku, barat prahara ing napasku, gelap ngampar ing swaraku, pukul wesi èpèk-èpèkku, kepelaku watu, buta kang sun-tradjang remak rempu, eh, ja aku Bradjamusti, la ilaha illa'llah."
11 Bab, ismu Tjandabirawa, murih kèringan sasama. Lampahipun mutih pitung dinten saha dalu nglowong sadinten sadalu boten saré - mepet pangandika.
Bismillahirrahmani'rrahimi, salla'llahu 'alaihi wasallam, Allahumma tulis-amba, angutjap amba, angrungu swarané, kun pajakun mudjidjet sipatu'llah eh, ingsun sadjatiné manusa".
Sarwi andjedjeg siti kaping 3 kalajan megeng napas. Tuwin njirik sogok-sogok wadja sarana kenaka.
12 Bab, ismunipun peksi prekutut, bilih arsa kuwat ingkang sarira, tebih lumampah, pandjang kang juswa, Kawatja saben éndjing kaping 7, sonten kaping 7, manawi badé nglampahi nglowong sadinten sadalu. Rijaja djadjan pasar.
,,Bismillahirrahmani'rrahimi, Allahumma husawisun, sudur nasi minaldjinati wanasi, la ilaha illa'llah."
Punika Ismu Pamiraos, agemipun ingkang Sinuhun Kali Djaga, lumantar saking Pangéran Widjil ingkang kaping 3, kapundut
wasijat winulangaken dateng Ingkang Sinuhun Kangdjeng Susuhunan
38
