2. Tembung Kriya (Verba)
Tembung kriya yaiku tembung kang mratelakake pagawean utawa obah.
Tuladha tembung kriya lingga: lunga, adus, tangi, lsp.
Tembung kriya andhahan upamane: nulis, digambari, kagawa, lsp.
Tembung kriya iku yen wasesaning ukara diarani kriya wasesa.
Ana tembung kriya tanduk upamane : njaluk, mbalang, nggandhuli, lsp.
Ana uga tembung kriya tanggap upamane : digawa, katulis, jinaluk,lsp.
Tembung kriya iku ana kang mawa lesan (transitif) umpamane : nulis, mangan, njaluk, lsp.
Ana uga kang tanpa lesan (intransitif), upamane: tangi, lunga, adus, nangis, lsp.
3. Tembung Kaanan (Ajektifa)
Tembung kaanan iku tembung kang mratelakake sipat, watak utawa kaananing barang utawa kang dianggep barang.
Upamane: |
Omah iku gedhe. |
4. Tembung Wilangan (Numeralia)
Tembung wilangan iku tembung kang mratelakake cacah utawa urutan (tataran).
Tembung wilangan kang mratelakake cacah uga diarani tembung wilangan baku,umpamane : siji, loro, telu, lsp.
Kang mratelakake urut-urutan (tataran) umpamane: kapisan, kapindho, katelu,lsp.
5. Tembung Sesulih (Pronomina)
Tembung sesulih iku tembung kang dadi sesulihing barang utawa kang dianggep barang.
