Kaca:Mardi Basa lan Sastra Jawi 1.pdf/48

Guru	:	“Lha iya. Ya kanggo kesed kuwi. Apa ana kesed liyane sepet ?”
Mardi	:	“Wonten, Pak, model sapunika, ingkang dipun damel karet, kawat utawi tosan.”
Guru	:	“Apa bocah-bocah kepengin ajar gawe kesed ?”
Murid-murid	:	“Inggih, Pak, kepengin sanget.”
Guru	:	“Yen ngono sesuk, apa suk kapan dakwuruki.”
Murni	:	“Kadospundi, Pak, sepet kados ngaten saged dados kesed nam-naman sae punika ?”
Guru	:	“Kabeh mau, yen durung bisa pancen angel. Nanging, yen wis ngerti carane, ora ana barang angel. Jenenge ngelmu angel yen durung ketemu.”
Murid-murid	:	“Saestu nyuwun wuruk, Pak, benjing sanes dinten.”
Guru	:	“Ya, iya, suk bebarengan padha digarap.”

B. Ukara-ukara iki wacanen, lagune sing trep karo surasane ukara !

1. Darman lunga.      ( andharan lugu ).
2. Darman lunga ?     ( pitakon ).
3. Darman, lunga !     ( pakon sereng ).
4. Adhuh, Darman lunga.   ( ngemu rasa cuwa).
5. Sokur Darman lunga.    ( ngemu rasa seneng ).
6. Lha rak tenan kandhaku,  ( rasa bombong jalaran
   Darman lunga ta.     cocog panggrayange ).
7. He, Darman lunga ?    ( gumun, ora ngira ).
8. Darman, lunga ora ?   ( nari ).

46