Kaca iki wis dikorèksi
Muhammad Rifan Fachrian
1. Wardaya Kangen
Aku kangen
Rena, bapa, lan adhiku
Saben dina udrasaku netes ing pipi
Nggawe bendungan saernawa
Dahana kangen ngobong wardaya
Dhuh Syang Hyang Widi
Kula nyuwun tamba kangen iki
Wardaya peteng tanpa cahya
Ratri kadya setra
Gegawa lungane baskara
Peteng tanpa candra, tanpa kartika
Nangis mbrebes mili
Nganti netra iki dadi mbranang
Amarga duwe kekayun
Sing mung dadi lelamunan
Kekayunku mung golek obat kangen
Kaya kakayun anggayuh lintang
Amung wektu sing bisa mangsuli kangenku
kapan aku bisa ketemu
Sabar lan syukur
kunci saka kabeh iki
muga wektu bisa cepet lumaku
kanggo nambani kangenku
Antologi Geguritan, Esai, Cerkak Bulan Bahasa dan Sastra
19