Kaca:Kajawen 41 1927-10-13.pdf/4

Saka Wikisumber
Menyang navigasi Menyang panggolèkan
Kaca iki durung katitiwaca

꧋ꦥꦩꦸꦔꦸ​ꦱꦸꦥꦢꦺꦴꦱ꧀ꦉꦩꦼꦤ꧀ꦝꦠꦼꦁ​ꦥꦤ꧀ꦢꦩꦼꦭ꧀ꦭꦤ꧀꧉​ (ꦱꦩ꧀ꦧꦼꦠ꧀ꦠꦶꦥꦸꦤ꧀ꦏꦗꦮꦺꦤ꧀ꦎꦁ​ꦏ​ 40)

꧋ꦲꦶꦁ​ꦱꦫꦺꦃꦤꦶꦁ​ꦚꦩ꧀ꦧꦸꦠ꧀ꦢꦩꦼꦭ꧀ꦥꦸꦤꦶꦏ​ꦥꦢꦺꦴꦱ꧀ꦲꦂꦠ꧈​ꦩꦶꦭ​ꦥꦤꦶꦤ꧀ꦢꦏ꧀ꦏꦶꦥꦸꦤ꧀ꦏꦼꦢꦃ​ꦲꦶꦁ​ꦏꦁ​ꦮꦼꦏꦼꦭ꧀ꦱꦲ​ꦝꦺꦴꦏꦺꦴꦃ꧈​ꦏꦢꦺꦴꦱ꧀ꦠ꧇​ꦚꦩ꧀ꦧꦸꦠ꧀ꦢꦩꦼꦭ꧀ꦠꦠꦤꦺꦤ꧀꧈​ꦩꦼꦱ꧀ꦛꦶꦤꦶꦥꦸꦤ꧀ꦧꦢꦤ꧀ꦤꦶꦥꦸꦤ꧀ꦒꦸꦥꦏ꧀ꦧꦊꦛꦺꦴꦏ꧀꧈​ꦢꦢꦺꦴꦱ꧀ꦩꦱꦶꦤꦶꦱ꧀꧈​ꦱꦤ꧀ꦝꦁ​ꦥꦔꦁ​ꦒꦺꦤ꧀ꦤꦶꦥꦸꦤ꧀ꦲꦶꦁ​ꦒꦶꦃ​ꦏꦺꦔꦶꦁ​ꦭꦶꦱꦃ​ꦠꦸꦮꦶꦤ꧀ꦉꦉꦒꦼꦢ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀꧉​ꦲꦶꦁ​ꦏꦁ​ꦩꦏꦠꦼꦤ꧀ꦮꦲꦸ꧈​ꦱꦤꦢꦾꦤ꧀ꦮꦸꦗꦸꦢ꧀ꦢꦶꦥꦸꦤ꧀ꦥꦠꦶꦁ​ꦕꦭꦺꦩꦿꦺꦴꦠ꧀꧈​ꦧꦺꦴꦠꦼꦤ꧀ꦏꦠꦶꦔꦭ꧀ꦱꦫꦸ​ꦲꦸꦠꦮꦶ​ꦲꦔ꧀ꦭꦶꦭꦶꦁ​ꦱꦼꦩ꧀ꦩꦶ꧈​ꦩꦤ꧀ꦢꦂ​ꦏꦠꦶꦔꦭ꧀ꦥꦤ꧀ꦠꦼꦱ꧀꧈​ꦥꦿꦠꦺꦴꦤ꧀ꦝ​ꦠꦶꦪꦁ​ꦝꦺꦴꦏꦺꦴꦃ​ꦱꦲ​ꦮꦼꦏꦼꦭ꧀ꦲꦶꦁ​ꦢꦩꦼꦭ꧀꧉​ꦏꦺꦴꦱꦺꦴꦏ꧀ꦮꦁ​ꦱꦸꦭ꧀ꦭꦶꦥꦸꦤ꧀ꦧꦶꦭꦶꦃ​ꦠꦶꦪꦁ​ꦚꦩ꧀ꦧꦸꦠ꧀ꦢꦩꦼꦭ꧀ꦲꦶꦁ​ꦏꦁ​ꦩꦼꦱ꧀ꦛꦶꦤꦶꦥꦸꦤ꧀ꦒꦸꦥꦏ꧀ꦉꦉꦒꦼꦢ꧀ꦧꦢꦤ꧀ꦤꦶꦥꦸꦤ꧀꧈​ꦩꦺꦴꦁ​ꦏ​ꦏꦠꦶꦔꦭ꧀ꦏꦫꦶꦱꦶꦏ꧀꧈​ꦥꦸꦤꦶꦏ​ꦩꦭꦃ​ꦧꦺꦴꦠꦼꦤ꧀ꦢꦶꦥꦸꦤ꧀ꦥꦶꦠꦢꦺꦴꦱ꧀ꦧꦶꦭꦶꦃ​ꦲꦁ​ꦒꦺꦤ꧀ꦤꦶꦥꦸꦤ꧀ꦚꦩ꧀ꦧꦸꦠ꧀ꦢꦩꦼꦭ꧀ꦏꦭꦪꦤ꧀ꦠꦸꦩꦼꦩꦼꦤ꧀꧉​ꦢꦢꦺꦴꦱ꧀ꦧꦧ꧀ꦥꦸꦤꦶꦏ​ꦏꦺꦔꦶꦁ​ꦏꦁ​ꦒꦺ​ꦥꦤꦶꦠꦶꦏ꧀ꦏꦤ꧀꧉​ꦱꦩꦶꦤꦶꦥꦸꦤ꧀ꦠꦶꦪꦁ​ꦲꦶꦁ​ꦏꦁ​ꦧꦢꦤ꧀ꦤꦶꦥꦸꦤ꧀ꦲꦩ꧀ꦧꦭꦺꦤ꧀ꦝꦼꦂ​ꦭꦩ꧀ꦧꦺ​ꦠꦤ꧀ꦱꦃ​ꦏ꧀ꦭꦶꦩꦶꦱ꧀꧈​ꦔꦏꦼꦤ꧀ꦢꦩꦼꦭ꧀ꦭꦶꦥꦸꦤ꧀ꦠꦥ꧈​ꦥꦸꦤꦥ​ꦲꦶꦁ​ꦒꦶꦃ​ꦢꦶꦥꦸꦤ꧀ꦥꦶꦠꦢꦺꦴꦱ꧀꧈​ꦢꦼꦱ꧀ꦠꦸꦤ꧀ꦕꦿꦶꦪꦺꦴꦱ꧀ꦩꦤꦮꦶ​ꦢꦽꦩ꧀ꦧ꧈​ꦥꦸꦤꦶꦏ​ꦲꦁ​ꦒꦼꦂ​ꦠꦶꦪꦁ​ꦩꦼꦱ꧀ꦛꦶ​ꦥꦶꦠꦢꦺꦴꦱ꧀꧉​ꦠꦶꦪꦁ​ꦚꦩ꧀ꦧꦸꦠ꧀ꦢꦩꦼꦭ꧀ꦧꦺꦴꦠꦼꦤ꧀ꦲꦁ​ꦱꦭ꧀ꦏꦥꦶꦠꦢꦺꦴꦱ꧀ꦱꦤ꧀꧈​ꦲꦶꦁ​ꦒꦶꦃ​ꦉꦏꦲꦺꦴꦱ꧀ꦲꦁ​ꦱꦭ꧀ꦲꦁ​ꦱꦭ꧀ꦭꦤ꧀ꦤꦶꦥꦸꦤ꧀ꦲꦂꦠ꧉​

꧋ꦧꦁ​ꦱꦤꦶꦁ​ꦗꦸꦫꦸ​ꦱꦼꦫꦠ꧀ꦤꦶꦔꦭ꧀ꦭꦶ​ꦠꦶꦪꦁ​ꦩꦕꦸꦭ꧀ꦲꦶꦁ​ꦧꦼꦤ꧀ꦠꦺꦂꦫꦤ꧀꧈​ꦠꦩ꧀ꦠꦸꦤꦶꦥꦸꦤ꧀ꦲꦶꦁ​ꦒꦶꦃ​ꦮꦼꦒꦃ꧉​ (keterangan foto)

꧋ꦠꦸꦩꦿꦥ꧀ꦥꦤ꧀ꦢꦩꦼꦭ꧀ꦭꦤ꧀ꦠꦠꦤꦺꦤ꧀꧈​ꦥꦤ꧀ꦝꦺ​ꦠꦸꦮꦶꦤ꧀ꦱꦥꦤꦸꦁ​ꦒꦶꦭ꧀ꦭꦤ꧀ꦤꦶꦥꦸꦤ꧀ꦲꦶꦁ​ꦏꦁ​ꦏꦺꦔꦶꦁ​ꦉꦉꦒꦼꦢ꧀ꦲꦸꦠꦮꦶ​ꦧꦼꦤ꧀ꦠꦺꦂ꧈​ꦥꦸꦤꦶꦏ​ꦱꦤꦢꦾꦤ꧀ꦲꦁ​ꦒꦝꦃꦲꦤ​ꦝꦼꦝꦱꦂ꧈​ꦏꦛꦃ​ꦠꦶꦪꦁ​ꦲꦶꦁ​ꦏꦁ​ꦧꦺꦴꦠꦼꦤ꧀ꦥꦸꦫꦸꦤ꧀ꦲꦔ꧀ꦭꦩ꧀ꦥꦃꦲꦶ꧉​ꦗꦭꦂꦫꦤ꧀ꦏꦩꦤꦃ​ꦧꦝꦺ​ꦚꦸꦢꦏ꧀ꦲꦏꦼꦤ꧀ꦫꦸꦫꦸꦥꦺꦤ꧀꧉​ꦲꦸꦥꦩꦶꦤꦶꦥꦸꦤ꧀ꦠꦶꦪꦁ​ꦲꦶꦁ​ꦏꦁ​ꦗꦼꦤꦺ​ꦥꦏꦸꦭꦶꦠ꧀ꦠꦤ꧀ꦤꦶꦥꦸꦤ꧀꧈​ꦩꦤꦮꦶ​ꦲꦔ꧀ꦭꦩ꧀ꦥꦃꦲꦶ​ꦥꦤ꧀ꦢꦩꦼꦭ꧀ꦭꦤ꧀ꦠꦤꦶ​ꦠꦩ꧀ꦠꦸ​ꦧꦝꦺ​ꦕꦼꦩꦼꦁ​꧈​ꦲꦩꦂꦒꦶ​ꦥꦚꦩ꧀ꦧꦸꦠ꧀ꦢꦩꦼꦭ꧀ꦭꦶꦥꦸꦤ꧀ꦝꦺꦝꦺ​ꦮꦺꦴꦤ꧀ꦠꦼꦤ꧀ꦲꦶꦁ​ꦧꦼꦤ꧀ꦠꦺꦂꦫꦤ꧀ꦱꦲ​ꦠꦤ꧀ꦱꦃ​ꦮꦼꦝꦏ꧀ꦏꦤ꧀ꦲꦼꦤ꧀ꦝꦸꦠ꧀꧉​ꦧꦧ꧀ꦱꦸꦢꦤꦶꦁ​ꦫꦸꦫꦸꦥꦺꦤ꧀ꦥꦸꦤꦶꦏ​ꦱꦪꦼꦏ꧀ꦠꦺꦴꦱ꧀ꦱꦶꦥꦸꦤ꧀ꦧꦺꦴꦠꦼꦤ꧀ꦔꦼꦩꦸꦁ​ꦔꦏꦼꦤ꧀ꦲꦶꦁ​ꦠꦶꦪꦁ​ꦲꦶꦁ​ꦏꦁ​ꦚꦩ꧀ꦧꦸꦠ꧀ꦢꦩꦼꦭ꧀ꦲꦶꦁ​ꦧꦼꦤ꧀ꦠꦺꦂꦫꦤ꧀꧈​ꦱꦤꦢꦾꦤ꧀ꦠꦶꦪꦁ​ꦔꦁ​ꦒꦸꦂ​ꦲꦔꦼꦛꦼꦏꦸꦂ꧈​ꦧꦶꦭꦶꦃ​ꦠꦤ꧀ꦱꦃ​ꦧꦶꦤꦊꦢꦶꦒ꧀ꦲꦶꦁ​ꦱꦩ꧀ꦧꦸꦠ꧀ꦠꦤ꧀꧈​ꦲꦶꦁ​ꦒꦶꦃ​ꦫꦶꦱꦏ꧀ꦫꦸꦫꦸꦥꦺꦤ꧀ꦤꦶꦥꦸꦤ꧀꧈​ꦲꦸꦠꦮꦶ​ꦲꦮꦶꦠ꧀ꦱꦏꦶꦁ​ꦏꦩ꧀ꦭꦫꦠ꧀ꦠꦤ꧀ꦱꦲ​ꦒꦝꦃ​ꦥꦏꦉꦩ꧀ꦩꦤ꧀ꦩꦢꦠ꧀ꦲꦶꦁ​ꦒꦶꦃ​ꦱꦒꦼꦢ꧀ꦢꦩꦼꦭ꧀ꦫꦶꦱꦏ꧀ꦏꦶꦁ​ꦫꦸꦫꦸꦥꦺꦤ꧀꧉​ꦮꦺꦴꦤ꧀ꦠꦼꦤ꧀ꦩꦭꦶꦃ​ꦲꦶꦁ​ꦏꦁ​ꦩꦱ꧀ꦠꦤ꧀ꦤꦶ​ꦥꦤ꧀ꦢꦩꦼꦭ꧀ꦭꦤ꧀ꦮꦲꦸ​ꦲꦱꦺꦴꦂ​ꦱꦲ​ꦏꦱꦂ꧈​ꦢꦺꦤꦶꦁ​ꦕꦼꦕꦼꦥꦼꦁ​ꦔꦤ꧀ꦤꦶꦥꦸꦤ꧀ꦱꦤꦺꦱ꧀ꦒꦒꦁ​ꦥꦺꦤ꧀꧈​ꦱꦲ​ꦠ