Kaca:Kajawen 41 1927-10-13.pdf/5

Saka Wikisumber
Menyang navigasi Menyang panggolèkan
Kaca iki durung katitiwaca

ꦤ꧀ꦱꦃ​ꦲꦔꦸꦭꦏ꧀ꦲꦸꦊꦏ꧀ꦧꦊꦛꦺꦴꦏ꧀꧉​ꦭꦃ꧈​ꦥꦤ꧀ꦢꦩꦼꦭ꧀ꦭꦤ꧀ꦝꦺꦴꦏ꧀ꦠꦼꦂ​ꦥꦸꦤꦥ​ꦲꦶꦁ​ꦒꦶꦃ​ꦏꦲꦺꦮꦺꦴꦏ꧀ꦲꦏꦼꦤ꧀ꦲꦱꦺꦴꦂ꧉​ꦢꦺꦤꦺ​ꦲꦶꦁ​ꦏꦁ​ꦢꦶꦥꦸꦤ꧀ꦲꦸꦭꦏ꧀ꦲꦸꦊꦏ꧀ꦠꦼꦏ​ꦩꦭꦃ​ꦏꦝꦱ꧀ꦏꦸꦝꦶꦱ꧀꧈​ꦏꦺꦴꦮꦏ꧀ꦏꦺꦴꦫꦺꦁ​ꦠꦸꦮꦶꦤ꧀ꦩꦪꦶꦠ꧀꧉​ꦩꦶꦭ​ꦥꦿꦪꦺꦴꦒꦶꦤꦶꦥꦸꦤ꧀ꦧꦶꦭꦶꦃ​ꦩꦤꦃ​ꦧꦝꦺ​ꦥꦢꦺꦴꦱ꧀ꦥꦤ꧀ꦢꦩꦼꦭ꧀ꦭꦤ꧀꧈​ꦲꦁ​ꦒꦺꦤ꧀ꦤꦶꦁ​ꦩꦤꦃ​ꦱꦩ꧀ꦥꦸꦤ꧀ꦏꦗꦸꦗꦸꦒ꧀ꦲꦶꦁ​ꦥꦤ꧀ꦢꦩꦼꦭ꧀ꦭꦤ꧀ꦲꦶꦁ​ꦏꦁ​ꦠꦏ꧀ꦱꦶꦃ​ꦢꦢꦺꦴꦱ꧀ꦱꦺꦴꦂ​ꦱꦺꦴꦂꦫꦤ꧀꧈​ꦥꦤ꧀ꦢꦩꦼꦭ꧀ꦭꦤ꧀ꦲꦶꦁ​ꦏꦁ​ꦠꦏ꧀ꦱꦶꦃ​ꦢꦢꦺꦴꦱ꧀ꦱꦺꦴꦂ​ꦱꦺꦴꦂꦫꦤ꧀ꦩꦏꦠꦼꦤ꧀꧈​ꦱꦩ꧀ꦥꦸꦤ꧀ꦠꦩ꧀ꦠꦸ​ꦲꦶꦁ​ꦒꦶꦃ​ꦧꦺꦴꦠꦼꦤ꧀ꦩꦺꦔꦶꦤ꧀ꦤꦏꦼꦤ꧀꧈​ꦲꦩꦂꦒꦶ​ꦲꦁ​ꦱꦭ꧀ꦲꦁ​ꦱꦭ꧀ꦭꦤ꧀ꦤꦶꦥꦸꦤ꧀ꦲꦂꦠ​ꦤꦩꦸꦁ​ꦱꦏꦼꦝꦶꦏ꧀꧉​ꦢꦢꦺꦴꦱ꧀ꦲꦸꦥꦩꦶ​ꦔ꧀ꦭꦼꦧꦼꦠ꧀ꦠꦶ​ꦥꦤ꧀ꦢꦩꦼꦭ꧀ꦭꦤ꧀ꦠꦸꦏꦁ​ꦧꦠꦸ꧈​ꦥꦸꦤꦶꦏ​ꦲꦁ​ꦒꦺꦤ꧀ꦤꦶꦥꦸꦤ꧀ꦩꦤꦃ​ꦩꦮꦶ​ꦲꦔꦺꦔꦼꦠ꧀ꦠꦤ​ꦧꦶꦭꦶꦃ​ꦒꦝꦃ​ꦥꦔꦗꦼꦁ​ꦲꦗꦼꦁ​ꦢꦢꦺꦴꦱ꧀(ꦥꦔꦗꦼꦁ​)꧈​ꦩꦶꦁ​ꦒꦃꦲꦶꦥꦸꦤ꧀ꦩꦭꦶꦃ​ꦢꦢꦺꦴꦱ꧀ꦠꦸꦏꦁ​ꦧꦺꦴꦉꦒ꧀꧉​ꦧꦧ꧀ꦥꦸꦤꦶꦏ​ꦩꦤꦮꦶ​ꦢꦶꦥꦸꦤ꧀ꦭꦩ꧀ꦥꦃꦲꦶ​ꦏꦭꦶꦪꦤ꧀ꦠꦼꦩꦼꦤ꧀ꦠꦼꦩꦼꦤ꧀꧈​ꦩꦼꦱ꧀ꦛꦶ​ꦏꦢꦸꦩꦸꦒ꧀ꦒꦺꦤ꧀ꦲꦶꦁ​ꦏꦁ​ꦢꦢꦺꦴꦱ꧀ꦥꦔꦗꦼꦁ​ꦲꦗꦼꦁ​ꦔꦶꦥꦸꦤ꧀꧉​ꦮꦺꦴꦤ꧀ꦢꦺꦤꦺ​ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦠꦶꦪꦁ​ꦚꦩ꧀ꦧꦸꦠ꧀ꦢꦩꦼꦭ꧀ꦠꦤ꧀ꦱꦃ​ꦏꦼꦠꦺꦴꦩ꧀ꦥꦭ꧀ꦏꦠꦩ꧀ꦥꦸꦭ꧀꧈​ꦱꦼꦥꦼꦤ꧀ꦥꦔꦗꦼꦁ​ꦲꦗꦼꦁ​ꦔꦶꦥꦸꦤ꧀ꦧꦮ​ꦥꦶꦪꦩ꧀ꦧꦏ꧀꧈​ꦥꦸꦤꦶꦏ​ꦧꦺꦴꦏ꧀ꦩꦤꦮꦶ​ꦱꦏꦶꦁ​ꦏꦕꦺꦴꦕꦺꦴꦏ꧀ꦲꦶꦁ​ꦔꦗꦼꦁ​꧈​ꦭꦶꦂꦫꦶꦥꦸꦤ꧀ꦱꦢꦺꦫꦺꦁ​ꦔꦶꦥꦸꦤ꧀ꦚꦩ꧀ꦧꦸꦠ꧀ꦢꦩꦼꦭ꧀ꦱꦩ꧀ꦥꦸꦤ꧀ꦫꦧꦶ​ꦫꦸꦩꦶꦪꦶꦤ꧀꧉​ꦩꦺꦴꦁ​ꦏ​ꦠꦶꦪꦁ​ꦒꦼꦒꦿꦶꦪ​ꦥꦸꦤꦶꦏ​ꦧꦺꦴꦠꦼꦤ꧀ꦱꦏꦼꦝꦶꦏ꧀ꦏꦧꦼꦠꦃꦲꦤ꧀ꦤꦶꦥꦸꦤ꧀꧉​ꦲꦮꦶꦠ꧀ꦱꦏꦶꦁ​ꦥꦸꦤꦶꦏ​ꦭꦗꦼꦁ​ꦧꦺꦴꦠꦼꦤ꧀ꦱꦒꦼꦢ꧀ꦩꦂꦤꦺꦏ꧀ꦲꦏꦼꦤ꧀ꦥꦼꦥꦏ꧀ꦏꦶꦁ​ꦥꦶꦫꦤ꧀ꦠꦺꦴꦱ꧀ꦲꦶꦁ​ꦏꦁ​ꦢꦢꦺꦴꦱ꧀ꦥꦿꦧꦺꦴꦠ꧀ꦠꦶꦁ​ꦠꦶꦪꦁ​ꦚꦩ꧀ꦧꦸꦠ꧀ꦢꦩꦼꦭ꧀꧈​ꦗꦭꦂꦫꦤ꧀ꦧꦺꦴꦠꦼꦤ꧀ꦒꦝꦃ​ꦲꦂꦠ​ꦕꦺꦭꦺꦁ​ꦔꦤ꧀꧈​ꦠꦸꦩꦿꦥ꧀ꦥꦶꦥꦸꦤ꧀ꦠꦶꦪꦁ​ꦚꦩ꧀ꦧꦸꦠ꧀ꦢꦩꦼꦭ꧀ꦥꦶꦫꦤ꧀ꦠꦺꦴꦱ꧀ꦥꦸꦤꦶꦏ​ꦥꦽꦭꦸ​ꦱꦔꦼꦠ꧀꧈​ꦩꦤꦮꦶ​ꦱꦲꦺ​ꦱꦲ​ꦥꦼꦥꦏ꧀ꦥꦶꦫꦤ꧀ꦠꦺꦴꦱ꧀ꦱꦶꦥꦸꦤ꧀꧈​ꦲꦶꦁ​ꦒꦶꦃ​ꦱꦒꦼꦢ꧀ꦔꦺꦁ​ꦒꦭ꧀ꦭꦏꦼꦤ꧀ꦱꦲ​ꦚꦲꦺꦏ꧀ꦲꦏꦼꦤ꧀ꦒꦫꦥꦤ꧀ꦤꦶꦥꦸꦤ꧀꧈​ꦭꦭꦗꦼꦁ​ꦔꦤ꧀ꦤꦶꦥꦸꦤ꧀ꦱꦒꦼꦢ꧀ꦏꦛꦃ​ꦲꦁ​ꦱꦭ꧀ꦲꦁ​ꦱꦭ꧀ꦭꦤ꧀ꦤꦶꦥꦸꦤ꧀ꦲꦂꦠ꧉​

꧋ꦥꦫ​ꦱꦼꦥꦸꦃ​ꦲꦶꦁ​ꦏꦁ​ꦧꦝꦺ​ꦔꦿꦒꦢ꧀ꦢꦶ​ꦲꦤꦏ꧀ꦏꦶꦥꦸꦤ꧀ꦏꦥꦸꦫꦶꦃ​ꦩꦁ​ꦒꦲꦺꦴꦠ꧈​ꦲꦤꦏ꧀ꦏꦶꦥꦸꦤ꧀ꦥꦿꦪꦺꦴꦒꦶ​ꦏꦥꦸꦫꦶꦃ​ꦲꦔ꧀ꦭꦩ꧀ꦥꦃꦲꦤ​ꦥꦤ꧀ꦢꦩꦼꦭ꧀ꦭꦤ꧀ꦫꦸꦩꦶꦪꦶꦤ꧀ꦏꦢꦺꦴꦱ꧀ꦲꦶꦁ​ꦏꦁ​ꦏꦶꦤꦗꦼꦁ​ꦔꦏꦼꦤ꧀ꦲꦁ​ꦒꦺꦤ꧀ꦤꦶꦁ​ꦩꦁ​ꦒꦲꦺꦴꦠ꧉​ꦩꦤꦮꦶ​ꦱꦩ꧀ꦥꦸꦤ꧀ꦱꦒꦼꦢ꧀ꦱꦲ​ꦔꦼꦂꦠꦺꦴꦱ꧀ꦝꦠꦼꦁ​ꦭꦩ꧀ꦥꦃꦲꦶꦁ​ꦥꦤ꧀ꦢꦩꦼꦭ꧀ꦭꦤ꧀꧈​ꦭꦗꦼꦁ​ꦱꦮꦼꦒ꧀ꦲꦔꦢꦤ꧀ꦤꦶ​ꦥꦁ​ꦒꦲꦺꦴꦠꦤ꧀ꦥꦶꦪꦩ꧀ꦧꦏ꧀꧈​ꦥꦸꦤꦶꦏ​ꦠꦼꦩ꧀ꦠꦸ​ꦏꦛꦃ​ꦏꦢꦢꦺꦴꦱ꧀ꦱꦤ꧀ꦤꦶꦥꦸꦤ꧀꧉​ꦲꦩꦂꦒꦶ​ꦠꦶꦪꦁ​ꦩꦁ​ꦒꦲꦺꦴꦠ​ꦥꦸꦤꦶꦏ​ꦩꦼꦱ꧀ꦛꦶ​ꦒꦝꦃ​ꦏꦭꦺꦫꦺꦃꦲꦤ꧀(ꦧꦧꦲꦸ)꧈​ꦩꦤꦮꦶ​ꦲꦶꦁ​ꦏꦁ​ꦔꦼꦫꦺꦃ​ꦲꦶꦁ​ꦒꦶꦃ​ꦥꦸꦤꦶꦏ​ꦲꦶꦁ​ꦏꦁ​ꦩꦁ​ꦒꦲꦺꦴꦠ꧈​ꦧꦺꦴꦠꦼꦤ꧀ꦒꦝꦃ​ꦏꦱꦒꦼꦢ꧀ꦢꦤ꧀ꦏꦢꦺꦴꦱ꧀ꦥꦤ꧀ꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦧꦧꦲꦸ꧈​ꦥꦚꦩ꧀ꦧꦸꦠ꧀ꦢꦩꦼꦭ꧀ꦭꦶꦥꦸꦤ꧀ꦧꦧꦲꦸ​ꦠꦩ꧀ꦠꦸ​ꦏꦶꦫꦁ​ꦥꦔꦠꦺꦴꦱ꧀ꦲꦠꦺꦴꦱ꧀ꦱꦶꦥꦸꦤ꧀꧈​ꦗꦭꦂꦫꦤ꧀ꦲꦸꦥꦩꦶ​ꦮꦺꦴꦤ꧀ꦠꦼꦤ꧀ꦊꦥꦠ꧀ꦲꦸꦠꦮꦶ​ꦲꦮꦺꦴꦤ꧀ꦤꦶꦁ​ꦒꦫꦥ꧀ꦥꦤ꧀ꦧꦺꦴꦠꦼꦤ꧀ꦱꦒꦼꦢ꧀ꦲꦩ꧀ꦧꦼꦤꦏ꧀ꦲꦏꦼꦤ꧀ꦲꦸꦠꦮꦶ​ꦔ꧀ꦭꦼꦉꦱ꧀ꦱꦏꦼꦤ꧀꧉​ꦧꦺꦤ꧀ꦠꦼꦤ꧀ꦩꦤꦮꦶ​ꦲꦶꦁ​ꦏꦁ​ꦩꦁ​ꦒꦲꦺꦴꦠ​ꦥꦸꦤꦶꦏ​ꦒꦝꦃ​ꦏꦱꦒꦼꦢ꧀ꦢꦤ꧀ꦥꦶꦪꦩ꧀ꦧꦏ꧀꧈​ꦱꦩ꧀ꦥꦸꦤ꧀ꦠꦩ꧀ꦠꦸ​ꦲꦤ꧀ꦢꦪꦤ꧀ꦤꦶ​ꦝꦠꦼꦁ​ꦲꦤ꧀ꦝꦲꦤ꧀ꦤꦶꦥꦸꦤ꧀ꦱꦩꦶ​ꦔꦠꦺꦴꦱ꧀ꦲꦠꦺꦴꦱ꧀ꦲꦁ​ꦒꦺꦤ꧀ꦤꦶꦁ​ꦚꦩ꧀ꦧꦸꦠ꧀ꦢꦩꦼꦭ꧀꧉​ꦮꦺꦴꦤ꧀ꦢꦺꦤꦺ​ꦔꦢꦤꦶ​ꦥꦁ​ꦒꦲꦺꦴꦠꦤ꧀ꦩꦮꦶ​ꦭꦩ꧀ꦥꦃ​ꦱꦤꦺꦱ꧀ꦱꦶꦥꦸꦤ꧀ꦲꦶꦁ​ꦒꦶꦃ​ꦱꦒꦼꦢ꧀꧈​ꦏꦢꦺꦴꦱ꧀ꦠ꧇​ꦥꦢꦺꦴꦱ꧀ꦠꦶꦪꦁ​ꦲꦶꦁ​ꦏꦁ​ꦩꦔꦽꦠꦺꦴꦱ꧀ꦏꦥꦸꦫꦶꦃ​ꦢꦢꦺꦴꦱ꧀ꦥꦔꦗꦼꦁ​꧈​ꦏꦥꦸꦫꦶꦃ​ꦩꦿꦠꦶꦏꦼꦭ꧀ꦭꦏꦼꦤ꧀ꦲꦸꦠꦮꦶ​ꦔꦿꦶꦒꦼꦤ꧀ꦤꦏꦼꦤ꧀ꦭꦩ꧀ꦥꦃꦲꦶꦁ​ꦥꦤ꧀ꦢꦩꦼꦭ꧀ꦭꦤ꧀꧈​ꦤꦔꦶꦁ​ꦲꦶꦁ​ꦏꦁ​ꦏꦛꦃ​ꦏꦛꦃ​ꦧꦺꦴꦠꦼꦤ꧀ꦏꦢꦢꦺꦴꦱ꧀ꦱꦤ꧀꧈​ꦱꦧꦧ꧀ꦧꦶꦥꦸꦤ꧀ꦧꦺꦴꦠꦼꦤ꧀ꦱꦤꦺꦱ꧀ꦲꦶꦁ​ꦒꦶꦃ​ꦱꦏꦶꦁ​ꦧꦺꦴꦠꦼꦤ꧀ꦱꦒꦼꦢ꧀ꦥꦶꦪꦩ꧀ꦧꦏ꧀ꦮꦲꦸ꧉​

꧋ꦩꦼꦁ​ꦒꦃ​ꦱꦢꦪ​ꦲꦶꦁ​ꦏꦁ​ꦏꦱꦼꦧꦸꦠ꧀ꦔꦶꦁ​ꦒꦶꦭ꧀ꦥꦸꦤꦶꦏ꧈​ꦮꦺꦴꦱ꧀ꦱꦶꦥꦸꦤ꧀ꦤꦩꦸꦁ​ꦥꦩꦸꦔꦸ​ꦝꦠꦼꦁ​ꦧꦺꦴꦁ​ꦱ​ꦏꦸꦭ​ꦗꦮꦶ꧈​ꦲꦩꦂꦒꦶ​ꦲꦶꦁ​ꦏꦁ​ꦏꦛꦃ​ꦏꦛꦃ​ꦱꦗꦏ꧀ꦏꦶꦥꦸꦤ꧀ꦱꦩꦶ​ꦩꦶꦭꦶꦃ​ꦝꦠꦼꦁ​ꦥꦤ꧀ꦢꦩꦼꦭ꧀ꦭꦤ꧀ꦱꦼꦱꦼꦫꦠ꧀ꦠꦤ꧀꧈​ꦱꦤꦢꦾꦤ꧀ꦥꦩꦼꦢꦭ꧀ꦱꦏꦼꦝꦶꦏ꧀ꦲꦶꦁ​ꦒꦶꦃ​ꦢꦶꦥꦸꦤ꧀ꦭꦩ꧀ꦥꦃꦲꦶ꧉​ꦲꦶꦁ​ꦏꦁ​ꦩꦏꦠꦼꦤ꧀ꦮꦲꦸ​ꦩꦤꦮꦶ​ꦔꦤ꧀ꦠꦺꦴꦱ꧀ꦏꦭꦗꦼꦁ​ꦭꦗꦼꦁ​꧈​ꦥꦤ꧀ꦢꦩꦼꦭ꧀ꦭꦤ꧀ꦱꦤꦺꦱ꧀ꦱꦶꦥꦸꦤ꧀ꦱꦼꦱꦼꦫꦠ꧀ꦠꦤ꧀ꦱꦩꦶ​ꦝꦮꦃ​ꦲꦶꦁ​ꦠꦔꦤ꧀ꦤꦶꦁ​ꦧꦺꦴꦁ​ꦱ​ꦱꦤꦺꦱ꧀꧈​ꦱꦶꦤ꧀ꦠꦼ