konsumen seminggu pisan, kanthi nyaur nggawa. Tegese, diutang dhisik, banjur lagi dibayar karo njupuk maneh. Pancen tulus tenan
atine simbah iki. Kanthi kabisane sing butuh kawigaten, isih gelem mikirake, nggatekake, lan ngundhakake hasil ekonomi keluarga
lan tangga teparo kang mbutuhake lan gelem tumandang gawe. Tumindake Mbah Madisah jumbuh karo surasane tembang Jawa:
- Kang aran bebuden luhur
- Dudu pangkat dudu ngelmi
- Uga dudu kapinteran
- Lan dudu para winasis
- Apa maneh kasugihan
- Nanging mung sucining ati
Nyambut gawe pancen wis diatur rejekine dening Gusti Allah. Mbah Madisah tlaten anggone nglakoni pakaryane, angolah pandhan terus dilakoni. Kanggone wong liya mesthi abot rasane nandangi gaweyan tanpa pambiyantune sigaraning nyawa. Apa maneh kudu nguripi anak kang akeh cacahe. Nanging kanggone Mbah Madisah, nyambut gawe kuwi kudu ikhlas lan ora nggresula.
 | Sawiji gambar kuduné katon ing pérangan iki. Yèn kowé bisa njangkepi, deleng Wikisumber:Paugeran gambar lan Pitulung:Nambah gambar kanggo panuntun. |
~ Bantul Sangsaya Pinunjul ~
33
